វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2772 នាក់
ម្សិលមិញ 3717 នាក់
សរុប 14151105 នាក់
ស្វាយរៀង៖រថយន្តធុនយក្សប្រភេទវ៉េអង១គ្រឿង បានក្រឡាប់ផ្ងារជើងដេកស្ដូកស្ដឹងចាក់ទំនិញចោល ដែលមានមីខ្លាឃ្មុំក្រហមនិងប្រេងឆារាប់រយប៊ីដុង ។ ទំនិញទាំងនេះ ត្រូវបានគេនាំពីប្រទេសវៀតណាមចូលមកខេត្តស្វាយរៀង តាមច្រកទ្វារព្រំដែនទ្វេភាគីបុសមន ។ សមត្ថកិច្ចឲ្យដឹងថា ករណីរថយន្តក្រឡាប់ចាក់ទំនិញចោលនេះ កើតឡើងកាលពីវេលាម៉ោងប្រមាណ៤ទៀបភ្លឺថ្ងៃទី៨ ខែមេសាឆ្នាំ២០២៤កន្លងទៅ នៅភូមិបុសស្វាយ ឃុំបុសមន ស្រុករំដួល ។ មូលហេតុដែលនាំឲ្យក្រឡាប់គឺដោយសាររថយន្តផ្ទុកលើសទម្ងន់ និងដាក់ខ្ពស់ជាងទ្រុង(កែច្នៃទ្រុង) ហើយរថយន្តទៅមុខលែងរួចក៏ដួលគ្រេងតែម្តងទៅ ។
រថយន្តនេះដឹកទំនិញ២មុខគឺ ប្រេងឆាចំណុះ៣០លីត្ររាប់រយប៊ីដុង ប្រេងឆាដបតូចរាប់សិបកេស និងមីខ្លាឃ្មុំក្រហមរាប់រយកេសដែរ ។អ្នកបើកបររថយន្តនិយាយថា ទំនិញនេះដឹកទៅរាជធានីភ្នំពេញ តែពេលអ្នកយកព័ត៌មានយើងសួរថា ទំនិញនេះជារបស់អ្នកណា គាត់ថា អត់ដឹងទេ ព្រោះគាត់គ្រាន់តែជាអ្នកស៊ីឈ្នួលដឹកឲ្យគេពីច្រកទ្វារព្រំដែនបុសមនទៅរាជធានីភ្នំពេញប៉ុណ្ណោះ ។ សង្ស័យជាទំនិញលោតឆត្រទាំងអស់ ព្រោះមានមេច្រកទ្វារជាម្ចាស់ ម្ល៉ោះហើយព្រះមិនជួយ...ហេ!...ហេ! ចំណែកកម្មករលើកទំនិញបានបង្ហើបថា អ្នករកស៊ីនាំប្រេងឆានិងមីពីប្រទេសវៀតណាម ដឹកឆ្លងដែនតាមច្រកទ្វារព្រំដែនទ្វេភាគីបុសមនមាន២នាក់ ក្នុងនោះមានមន្ត្រីនគរបាលម្នាក់ដែរ ដែលមានតួនាទីជាអនុប្រធានប៉ុស្តិ៍ច្រកទ្វារព្រំដែនបុសមនតែម្តង តែគាត់សូមមិនបញ្ចេញឈ្មោះ ។ទាក់ទិននឹងករណីនេះដែរ មិនអាចសុំការបំភ្លឺពីសមត្ថកិច្ចច្រកទ្វារព្រំដែនទ្វេភាគីបុសមនបានទេ រហូតមកដល់ល្ងាចថ្ងៃទី៨ ខែមេសា ឆ្នាំ២០២៤ ។ចំពោះស្លាកលេខរថយន្តត្រូវបានអ្នបើកបរដោះចេញមុនពេលអ្នកសារព័ត៌មានយើងទៅដល់ ៕