តើការដែលគណបក្សភឿថៃទទួលបានតំណែងជានាយករដ្ឋមន្ត្រីថៃជារឿងចៃដន្យឬជាការៀបចំសេណារីយោ?!
03-April-2024 / ព័ត៌មានអន្តរជាតិ
ប្រទេសថៃ៖ភឿថៃគឺជាគណបក្សដែលទទួលបានសំឡេងច្រើនជាងគេទី២(១៤០អសនៈ)នៅក្នុងការបោះឆ្នោតសកលខែឧសភា បន្ទាប់ពីឆ្ពោះទៅមុខ(Move Forward) ដែលទទួលបាន ១៤១ អាសនៈតែបរាជ័យមិនទទួលការគាំទ្រឲ្យធ្វើនាយករដ្ឋមន្ត្រី។
បន្ទាប់ពីផ្តាច់សម្ពន្ធភាពជាមួយបក្សឆ្ពោះទៅមុខរបស់លោកភិថា គណបក្សភឿថៃបានមកចូលរួមជាមួយគណបក្សចំនួន១០ ដែលក្នុងនោះមានគណបក្សចំនួន២ទាក់ទងនឹងយោធាដឹកនាំដោយលោកប្រាវិតវង់សូវ៉ាននិងលោកប្រាយុទ្ធដើម្បីបង្កើតក្រុមចម្រុះកាន់អំណាចដោយមានអាសនៈចំនួន ៣១៤ ក្នុងសភាតំណាងរាស្ត្រ។គណបក្សនាំមុខបីផ្សេងទៀតនៅក្នុងសម្ព័ន្ធគឺភូមិចៃថៃជាប់លំដាប់លេខ៣( Bhumjaithai,) ផាឡាងប្រឆារ៉ាត់(Palang Pracharath)ដឹកនាំដោយលោកប្រាវីតវង់សូវ៉ានជាប់លំដាប់លេខ៤ និង បក្សឯកភាពជាតិ( United Thai Nation (UTN)ដឹកនាំដោយលោកប្រាយុទ្ធចាន់អូចា ជាប់លំដាបលេខទី៥។តែបក្សពួកយោធាមានសមាជិកព្រឹទ្ធសភាដែលពួកគេតែងតាំងចំនួន២៥០នាក់អង្គុយចាំគាំទ្រ។ចឹងភឿថៃស៊ីផុយ។
មេដឹកនាំគណបក្សភឿថៃលោកចូលណាស្រីកែវ(CholnanSrikaew)កាលពីម្សិលមិញទ២២សីហាបាននិយាយថាគណបក្សនេះត្រូវបានគេរំពឹងថានឹងមានរដ្ឋមន្ត្រីចំនួន៨និងអនុរដ្ឋមន្ត្រីចំនួន៩។ Bhumjaithai(ភូមិចៃថៃ) មានរដ្ឋមន្ត្រី៤រូបនិងអនុរដ្ឋមន្ត្រី៤រូប។ Palang Pracharath និង UTN នីមួយៗមានរដ្ឋមន្ត្រី២រូប និងអនុរដ្ឋមន្ត្រី២រូប។ការក្បត់សម្ពន្ធ័ភាពពីគណបក្សឆ្ពោះទៅមុខដើម្បីដណ្តើមតំណែងគ្រប់គ្រងរដ្ឋាភិបាលបើទោះបីពួកអាវក្រហមគាំទ្រមិនយល់ស្របក៏ដោយនោះគេជឿថាវាជាសេណារីយោរៀបចំដោយបិតាអាវក្រហមគឺលោកថាក់ស៊ីនបន្ទាប់ពីបានមកជាមួយប្អូនស្រីលោកស្រីយីងឡាក់នាយករដ្ឋមន្ត្រីថៃ(ដែលលោកប្រាយុទ្ធចាន់អូចាធ្វើរដ្ឋប្រហារកាលពីឆ្នាំ២០១៤)ចូលរួមបុណ្យខួបកំណើតសម្តេចតេជោហ៊ុនសែនកាលពីថ្ងៃទី៤សីហា២០២៣នៅភ្នំពេញ។
សម្រាប់សម្តេចហ៊ុនសែនធ្លាប់និយាយថាមានតែអ្នកឈ្នះទេដែលជាអ្នកសសេរប្រវត្តិសាស្ត្រ។អ្នកនយោបាយគ្មានមិត្តឬសត្រូវជាអមតៈទេ។ជាក់ស្តែងកាលពីឆ្នាំ២០០៤សម្តេចធ្លាប់បានប្រើប្រាស់គណបក្សសមរង្ស៊ីបំបែកគណបក្សហ្វុនស៊ិនប៉ិចដោយសហការគ្នា(បក្សប្រជាជនសមរង្ស៊ី)ធ្វើវិសោធនកម្មរដ្ឋធម្មនុញ្ញពីប្រពន្ធ័២/៣មកប្រពន្ធ័៥០បូក១ដើម្បីឲ្យសមាជិកសភាអនុមត័បង្កើតរដ្ឋាភិបាលនៅកម្ពុជា។សម្តេចតេជោក៏ត្រូវបានគេដឹងថាជាអ្នកជួយគាំទ្រពួកអាវក្រហមដែលនាំឲ្យលោកស្រីយីងឡាក់ឈ្នះឆ្នោតធ្វើជានាយករដ្ឋមន្ត្រីផងដែរ។ចឹងតើវត្តមានលោកថាក់ស៊ីនមកចូលរួមវាជាវត្តមានធម្មតាគ្មានការពិភាក្សាគ្នាកើតដែរ?។ដោយឡែកការវិលចូលស្រុកថៃវិញរបស់លោកថាក់ស៊ីននៅថ្ងៃទី២២សីហាដែលជាថ្ងៃសភាបោះឆ្នោតជ្រើសនាយករដ្ឋមន្ត្រីថៃមកពីបក្សភឿថៃវាក៏ជាសេណារីយោដែរ។
ទី១ភឿថៃដែលចងសម្ព័នភាពជាមួយក្រុមយោធាដែលជាសត្រូវចាស់មានអំណាចលើទាហ៊ានប៉ូលិសគឺមានការចារសម្របសំរួលគ្នារួចហើយ។ទី២វត្តមានលោកថាក់ស៊ីនដែលជាបិតាពួកអាវក្រហមគឺជាទង្វើបង្វែរសារធារណៈក្រុមអាវក្រហមឲ្យភ្លេចការប្រឆាំងនិងសភាដែលធ្វើការប្រជុំបោះឆ្នោតជ្រើសនាយករដ្ឋមន្ត្រីព្រោះរវល់តែតាមដានសកម្មភាពលោកថាក់ស៊ីនដែលត្រូវតុលាការកាត់ទោសនិងប៉ូលិសនាំយកទៅដាក់គុកឲ្យល្អមើល។ព្រោះដេកគុក១យប់ត្រុវបានគេបញ្ជូនចេញទៅដេកខាងក្រៅក្រោមលេសថាចូលពេទ្យបាត់ទៅហើយ។ឡូវគណបក្សភឿថៃជានាយករដ្ឋមន្ត្រីចឹងយ៉ាងយូ១ឬ២ខែនាយករដ្ឋមន្ត្រីនឹងស្នើទៅមហាក្សត្រថៃដែលធ្លាប់មានទំនាក់ទំនងល្អជាមួយលោថាក់ស៊ីនពេលនៅជារជ្ជទាយាទឲ្យចេញក្រឹត្យលើកលែងទោសយ៉ាងធូ។
លោកSretthaដែលជានាយករដ្ឋមន្ត្រីថៃទី៣០បានបញ្ចប់ថ្នាក់បរិញ្ញាបត្រផ្នែកវិស្វកម្មសំណង់ស៊ីវិលពីសាកលវិទ្យាល័យ Chulalongkorn ក្នុងទីក្រុងបាងកក និងបរិញ្ញាបត្រជាន់ខ្ពស់ផ្នែកគ្រប់គ្រងពាណិជ្ជកម្មពីសាកលវិទ្យាល័យ Claremontសហរដ្ឋអាមេរិក។ លោកបានចាប់ផ្តើមអាជីពរបស់គាត់ជាជំនួយការនាយកក្រុមហ៊ុនពហុជាតិ Procter & Gamble ក្នុងប្រទេសថៃមុនពេលដឹកនាំក្រុមហ៊ុន Sansiri ដែលជាក្រុមហ៊ុនអភិវឌ្ឍន៍អចលនទ្រព្យរបស់គ្រួសារ។មុនពេលចុះចេញពីតំណែងក្នុងខែមេសាឆ្នាំនេះ ដើម្បីចូលរួមក្នុងការបោះឆ្នោតសកល លោក Sretthaបានធ្វើជាប្រធាននិងជានាយកប្រតិបត្តិក្រុមហ៊ុន Sansiri ដែលបច្ចុប្បន្នមានតម្លៃប្រហែល៨៨០លានដុល្លារនៅលើទីផ្សារហ៊ុនថៃ។លោក Sretthaគឺជាមិត្តរបស់អតីតនាយករដ្ឋមន្ត្រី Thaksin Shinawatra ដែលបានត្រឡប់មកប្រទេសថៃវិញនៅព្រឹកថ្ងៃទី២២សីហាបន្ទាប់ពីនិរទេសខ្លួនអស់រយៈពេល១៥ឆ្នាំ។
