វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3282 នាក់
ម្សិលមិញ 10264 នាក់
សរុប 14142464 នាក់
ស្រីលង្កា៖ នាយករដ្ឋមន្ត្រី ថ្មីនៃប្រទេសស្រីលង្កាដែលទើបតែងតាំងបាននិយាយថា ស្រីលង្កាអាចត្រូវបង្ខំចិត្តអោយទិញប្រេងមកពីរុស្ស៊ី ដើម្បីសសង្គ្រោះប្រទេសចំពេលជួបវិបត្តិសេដ្ឋកិច្ចដ៏អាក្រក់បំផុតមិនធ្លាប់ជួប។
លោករ៉ានីល វិកក្រេមេស៊ីងហ្គេ(Ranil Wickremesinghe)និយាយថា លោកនឹងស្វែងរកប្រភពដទៃទៀត តែបើកចំហសំរាប់លទ្ធភាពទិញប្រេងរុស្ស៊ី ទោះជាបណ្តាប្រទេសលោកខាងលិចកាត់ផ្តាច់ការនាំចូលប្រេងរុស្ស៊ីដោយសារសង្គ្រាមអ៊ុយក្រែនក្តី។
ក្នុងកិច្ចសម្ភាសន៍មួយជាមួយទីភ្នាក់ងារសារព័ត៌មានAPកាលពីថ្ងៃសៅរ៍ លោក វិកក្រេមេស៊ីងហ្គេ ក៏បានបង្ហាញថាលោកមានបំណងទទួលយកជំនួយហិរញ្ញវត្ថុច្រើនទៀតពីចិន ទោះជាប្រទេសកំពុងជំពាក់បំណុលគរដូចភ្នំក្តី។នាករដ្ឋមន្ត្រីថ្មីប្រទេសស្រីលង្កាទទួលស្គាល់ថា វិបត្តិបច្ចុប្បន្នរបស់ស្រីលង្កាបង្កឡើងដោយខ្លួនឯងហើយ លោកក៏បាននិយាយថា សង្គ្រាមនៅអ៊ុយក្រែនកាន់តែធ្វើអោយសភាពការណ៍អាក្រក់ទៅដោយកង្វះស្បៀងអាហាអាចអូសបន្លាយពេលដល់ឆ្នាំ២០១៤។លោកបាននិយាយថា រុស្ស៊ីក៏សុំផ្តល់ស្រូវសាឡីដល់ស្រីលង្កាផងដែរ។
សូមបញ្ជាក់ថាប្រទេសស្រីលង្កាជំពាក់បំណុលបរទេស៥១ពាន់លានដុល្លារ ហើយបានផ្អាកសងបំណុលជិត៧ពាន់លានដែលត្រូវសងនៅឆ្នាំនេះ។បំណុលនេះនាំអោយប្រទេសគ្មានលទ្ធភាពនាំចូលទំនិញចាំបាច់ មានន័យថាប្រជាជនត្រូវស្វះស្វែងរកទំនិញចាំបាច់មូលដ្ឋាន ដូចជាស្បៀង ប្រេងឥន្ធនៈ និងថ្នាំពេទ្យ ។កង្វះខាតប្រេងឥន្ទនៈនាំដល់ការដាច់ភ្លើងរយៈពេលយូរៗប្រចាំថ្ងៃ មនុស្សរង់ចាំទិញហ្គាសចំអិនអាហារនិងប្រេងចាក់យានយន្តក្នុងជួរដ៏វែងរាប់គីឡូម៉ែត្រ។
ប្រទេស ចិនបច្ចុប្បន្នជាម្ចាស់បំណុលធំបំផុតទីបីរបស់ស្រីលង្កា។ពួកមេដឹកនាំប្រឆាំងបន្ទោសប្រធានាធិបតីនិងអតីតនាយករដ្ឋមន្ត្រីថាទទួលយកឥណទានពីចិនច្រើនពេលសំរាប់គំរោងហេដ្ឋារចនាសម្ពន្ធនានាដែលមិនបានផ្តល់ផលប្រយោជន៍ត្រឡប់មកវិញតាំងពីមុនមក ក្រៅតែបង្កើនបំណុល៕