អង៉គ្លេសមាននាយករដ្ឋមន្ត្រីដែលមានឪពុកម្តាយនិងប្រពន្ធជាជនជាតិឥណ្ឌា
03-April-2024 / ព័ត៌មានអន្តរជាតិ
អង់គ្លេស៖ លោក រីស៊ី ស៊ូណាក់(Rishi Sunak) ត្រូវតែងតាំងដោយព្រះមហាក្សត្រ Charles ទី៣ ដើម្បីក្លាយជានាយករដ្ឋមន្ត្រីអង់គ្លេសថ្មី នៅថ្ងៃអង្គារនេះ បន្ទាប់ពីរូបលោកឈ្នះការប្រកួតប្រជែងក្នុងការដឹកនាំគណបក្សអភិរក្សនិយម( Conservative Party)(បេក្ខជនសំខាន់ៗដកខ្លួនចេញ)។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
ក្រៅពីលោកបូរីសចនសុនដែលសុខចិត្តដកខ្លួនចេញគូរប្រជែងដ៏ស្វិតស្វាញរបស់លោក រីស៊ី ស៊ូណាក់(Rishi Sunak) គឺលោក ភេនី ម៉ូដុនត៍ បានលាលែងចេញពីការប្រកួតនៅនាទីចុងក្រោយ មុនពេលបេក្ខភាពត្រូវបានបិទដែលទុកឱកាសសម្រាប់លោកឡើងធ្វើជានាយករដ្ឋមន្ត្រី។អតីតរដ្ឋមន្ត្រីហិរញ្ញវត្ថុរបស់ចក្រភពអង់គ្លេសវ័យ៤២ឆ្នាំក្នុងសម័យលោកបូរិសចនសុនធ្វើជានាយករដ្ឋមន្ត្រីរូបនេះក្លាយជាមេដឹកនាំវ័យក្មេងបំផុតរបស់ប្រទេសអង់គ្លេសក្នុងសម័យទំនើប និងទី៣ ក្នុងរយៈពេលតិចជាងពីរខែផងដែរ បន្ទាប់ពីលោកស្រីលីសត្រាស្ស( Liz Truss )ដែលកាន់អំណាចបាន៤៥ថ្ងៃបានប្រកាសលាលែងចេញពីតំណែងកាលពីសប្ដាហ៍មុន ក្នុងអំឡុងពេលដែលប្រទេសជាតិស្ថិតក្នុងភាពចលាចល។
ថ្លែងតាមរយៈបណ្តាញសង្គម ធ្វីតធ័រ (Twitter) កាលពីថ្ងៃអាទិត្យកន្លងទៅ លោក Rishi Sunak ក៏បានឱ្យដឹងផងដែរថា៖ «ចក្រភពអង់គ្លេស គឺជាប្រទេសដ៏អស្ចារ្យមួយ ប៉ុន្តែយើងប្រឈមមុខនឹងវិបត្តិសេដ្ឋកិច្ចដ៏ធ្ងន់ធ្ងរ។ នេះហើយជាមូលហេតុដែលខ្ញុំសម្រេចឈរឈ្មោះជាមេដឹកនាំគណបក្ស Conservative Party ដើម្បីក្លាយជានាយករដ្ឋមន្ត្រីបន្ទាប់របស់អ្នករាល់គ្នា»។ លោក Rishi Sunak បន្ថែមថា៖ «សុចរិតភាព វិជ្ជាជីវៈ និងគណនេយ្យភាព នឹងកើតមានឡើងនៅគ្រប់កម្រិតនៃរដ្ឋាភិបាលក្រោមការដឹកនាំរបស់ខ្ញុំ ខណៈខ្ញុំនឹងខិតខំបំពេញការងារឱ្យអស់ពីសមត្ថភាព ដើម្បីឱ្យកិច្ចការងារទាំងឡាយសម្រេចទៅដោយរលូន»។
លោក រីស៊ី ស៊ូណាក់ (Rishi Sunak) កើតនៅឆ្នាំ១៩៨០ ក្នុងទីក្រុង Southampton ចក្រភពអង់គ្លេស។ លោកជាកូនប្រុសចម្បងក្នុងចំណោមកូន៣នាក់ មកពីគ្រួសារអន្តោប្រវេសន៍ មានដើមកំណើតជាជនជាតិឥណ្ឌា។ រីឯឪពុកម្ដាយរបស់គាត់ ជាជនជាតិឥណ្ឌា មានដើមកំណើត នៅក្នុងតំបន់ពូចាប៊ី (Pujabi) ប្រទេសឥណ្ឌា ហើយពួកគេ បានធ្វើចំណាកស្រុក ឆ្លងកាត់ពីតំបន់អាហ្វ្រិកខាងកើត ចូលមកកាន់ទឹកដីចក្រភពអង់គ្លេស នាក្នុងទសវត្សរ៍ ១៩៦០។ លោកមានឪពុកជាវេជ្ជបណ្ឌិត និងមានម្ដាយជាឱសថការី។ លោក ស៊ូណាក់ បានចូលរៀននៅសាលា Winchester College និងបានបញ្ចប់ការសិក្សាថ្នាក់ទស្សនវិជ្ជា នយោបាយ និងសេដ្ឋកិច្ច នៅឯសាកលវិទ្យាល័យ Oxford University ហើយក្រោយមកទៀត ទើប លោកទទួលបានសញ្ញាប័ត្រ MBA នៅឯសាកលវិទ្យាល័យ Stanford University ជាទីដែលលោកបានជួបភរិយារបស់លោកសព្វថ្ងៃគឺលោកស្រី Akshata Murthy ជាកូនស្រីមហាសេដ្ឋីឥណ្ឌាម្នាក់។
មុននឹងប្រឡូកចូលឆាកនយោបាយ លោក ស៊ូណាក់ ធ្លាប់បានធ្វើការជាច្រើនខាងធនាគារ និងហិរញ្ញវត្ថុ។ លោកក៏ធ្លាប់ជាអ្នកវិភាគមួយរូប នៅឯធនាគារ Goldman Sachs ផងដែរ។ ក្នុងឆ្នាំ២០១៤ លោក ស៊ូណាក់ បានជាប់ឆ្នោតជាបេក្ខជននៃគណបក្សអភិរក្សនិយប្រចាំតំបន់ Yorkshire និងនៅឆ្នាំ២០១៥ លោកបានជាប់ឆ្នោត ជាសមាជិកសភាអង់គ្លេស។គាត់ជាកូនប្រុសចម្បងនៅក្នុងចំណោមកូន៣នាក់ មកពីគ្រួសារជាជនអន្តោប្រវេសន៍ ដោយមានឪពុក ជាវេជ្ជបណ្ឌិត និងមានម្ដាយជាឱសថការី។លោក រីស៊ី ស៊ូណាក់ (Rishi Sunak) បានទទួលការសិក្សា នៅក្នុងមហាវិទ្យាល័យវីនឆែស្ទ័រ (Winchester) ហើយមានជំនាញផ្នែកទស្សនវិជ្ជា នយោបាយ និង សេដ្ឋកិច្ច (PPE) ពីមហាវិទ្យាល័យ លីនខូន (Lincoln), អក្សហ្វដ (Oxford) ហើយទទួលបានសញ្ញាបត្រ MBA ពីសាកលវិទ្យាល័យស្ដេនហ្វដ (Stanford) ស្ថិតនៅក្នុងរដ្ឋកាលីហ្វ័រញ៉ា សហរដ្ឋអាមេរិក ជាកន្លែងដែលគាត់បានជួបជាមួយនឹងអនាគតភរិយារបស់គាត់ គឺលោកស្រី អាកសាតា មឺធី (Akshata Murty) ជាកូនស្រីរបស់លោកមហាសេដ្ឋីឥណ្ឌា N. R. Narayana Murthy ជាស្ថាបនិកក្រុមហ៊ុន Infosys។លោក រីស៊ី ស៊ូណាក់ (Rishi Sunak) និង ភរិយារបស់គាត់ Murty ក្លាយជាអ្នកមានលំដាប់ទី២២២ នៃប្រជាជនចក្រភពអង់គ្លេស។ នៅក្នុងឆ្នាំ២០២២នេះ ពួកគេ មានទ្រព្យសម្បត្ដិ រហូតដល់៧៣០លានផោន (លុយអង់គ្លេស) ឬស្មើនឹងប្រហែល ៨២៥លានដុល្លារសហរដ្ឋអាមេរិក។
•
