ប៉ាគីស្ថានបានដឹកនាំប្រទេសចំនួនបួន ដើម្បីទាក់ទាញសហរដ្ឋអាមេរិក និងអ៊ីរ៉ង់មកពិភាក្សាក្នុងពេលឥណ្ឌាក៏ជាតួអង្គសកម្មដែរ!

ប្រទេសប៉ាគិស្ថាន៖ប្រទេសប៉ាគីស្ថានបានរៀបចំកិច្ចប្រជុំការទូតដ៏សំខាន់មួយជាមួយលោក Ishaq Dar និងសមភាគីមកពីប្រទេសទួគីយេ អារ៉ាប៊ីសាអូឌីត និងអេហ្ស៊ីប ដើម្បីជំរុញឱ្យមានការបន្ធូរបន្ថយភាពតានតឹងនៅក្នុងជម្លោះដែលកំពុងបន្តពាក់ព័ន្ធនឹងអ៊ីរ៉ង់ និងសហរដ្ឋអាមេរិក។ កិច្ចចរចានៅទីក្រុងអ៊ិស្លាម៉ាបាត( Islamabad)នៅថ្ងៃអាទិត្យទី២៩មិនា និងថ្ងៃចន្ទទី៣០មិនានេះ មានគោលបំណងរៀបចំមូលដ្ឋានសម្រាប់ការចរចាដោយផ្ទាល់ដែលអាចធ្វើទៅបានរវាងភាគីទាំងពីរ។ 

សារពត៍មាន Al Jazeeraបានឲ្យដឹងថា៖ក្រុមមន្ត្រីបាននិយាយថា គំនិតផ្តួចផ្តើមនេះគឺជាកិច្ចខិតខំប្រឹងប្រែងក្នុងតំបន់ដែលសម្របសម្រួលបំផុតរហូតមកដល់ពេលនេះ ដោយប៉ាគីស្ថានដើរតួជាអ្នកសម្រុះសម្រួលរវាងទីក្រុងវ៉ាស៊ីនតោន និងទីក្រុងតេអេរ៉ង់។ អ៊ីរ៉ង់​បាន​ទាមទារ​ឲ្យ​បញ្ចប់​អរិភាព សំណង និង​ការ​ធានា​ប្រឆាំង​នឹង​ការ​វាយ​ប្រហារ​នា​ពេល​អនាគត មុន​នឹង​យល់ព្រម​ក្នុង​ការ​ចរចា។

អ្នកការទូតស្នើឱ្យជំនួបដ៏មានសក្តានុពលរវាងរដ្ឋមន្ត្រីការបរទេសអាមេរិក Marco Rubio និងរដ្ឋមន្ត្រីការបរទេសអ៊ីរ៉ង់ Abbas Araghchi អាចកើតឡើងក្នុងរយៈពេលប៉ុន្មានថ្ងៃ អាស្រ័យលើលក្ខខណ្ឌ។ក្នុងការរៀបចំចរចារនេះគ្រប់គ្នាភាគច្រើនកំពុងតាមដានមើលប៉ាគីស្ថានដើរតួរជាអ្នក នាំសារ។ ប៉ុន្តែគ្មាននរណាម្នាក់ដឹងពីអ្វីដែលកំពុងកើតឡើងនៅពីក្រោយរឿងនោះទេ។

​មុនពេលលោក Witkoff និងលោក Kushner ហោះទៅប៉ាគីស្ថាន។ មុនពេលមេបញ្ជាការកងទ័ពប៉ាគីស្ថានទូរស័ព្ទទៅលោក Trump។ មុនពេលកិច្ចសន្ទនាណាមួយនៅទីក្រុង Islamabad ចាប់ផ្តើមទៅទៀតនោះ ​ប្រធានាធិបតី Trump បានទូរស័ព្ទទៅនាយករដ្ឋមន្ត្រី Modi។

​វាជាកិច្ចសន្ទនាផ្ទាល់ដ៏វែងមួយរវាងប្រធានាធិបតីអាមេរិក និងនាយករដ្ឋមន្ត្រីឥណ្ឌា។ វាជាការសន្ទនារវាងមេដឹកនាំ និងមេដឹកនាំដ៏សំខាន់ដំបូងគេបង្អស់នៃសង្គ្រាមទាំងមូលនេះ ដែលត្រូវបានបញ្ជាក់ដោយឯកអគ្គរដ្ឋទូតអាមេរិកប្រចាំប្រទេសឥណ្ឌា។​នៅក្នុងថ្ងៃដដែលនោះ រដ្ឋមន្ត្រីការបរទេសឥណ្ឌា លោក Jaishankar បានបើកកិច្ចប្រជុំផ្ទាល់ជាមួយឯកអគ្គរដ្ឋទូតអ៊ីរ៉ង់ប្រចាំនៅទីក្រុង New Delhi។

​វាគឺជាការសន្ទនាដ៏វែង។ ឥណ្ឌាកំពុងពិភាក្សាជាមួយភាគីទាំង សងខាងក្នុងពេលដំណាលគ្នា។ បន្ទាប់មក លោក Jaishankar បានពិភាក្សាជាមួយរដ្ឋមន្ត្រីការបរទេសអ៊ីរ៉ង់ លោក Araghchi មិនមែនតែម្តងនោះទេ គឺដល់ទៅ ៤ ដង ក្នុងរយៈពេល ២ សប្តាហ៍។

​ជាតថភាពនៃយុទ្ធសាស្ត្រ៖ឥណ្ឌាគឺជាមហាអំណាចតែមួយគត់នៅក្នុងសង្គ្រាមនេះ ដែលមានទំនុកចិត្ត និងឥទ្ធិពលលើគ្រប់ភាគីទាំងអស់ក្នុងពេលតែ មួយ។ ​វាមានទំនាក់ទំនងថាមពលយ៉ាងស៊ីជម្រៅជាមួយអ៊ីរ៉ង់ ដោយបាននាំចូលប្រេងពីអ៊ីរ៉ង់រាប់ទសវត្សរ៍មកហើយ ការ ប្រតិបត្តិការនៅកំពង់ផែ Chabahar និងការរក្សាទំនាក់ទំនងការទូតជាប់ជានិច្ចនៅទូទាំងសម័យសង្គ្រាម។

ឥណ្ឌាមានភាពជាដៃគូយុទ្ធសាស្ត្រយ៉ាងរឹងមាំជាមួយសហរដ្ឋអាមេរិក — ដូចជាទំនាក់ទំនងរវាងលោក Modi និងលោក Trump កិច្ចសហប្រតិបត្តិការលើវិស័យការពារជាតិ និងសម្ព័ន្ធភាព Quad ជាដើម។

ឥណ្ឌាមានប្រជាពលរដ្ឋចំនួន ៩ លាននាក់ដែលកំពុងរស់នៅ និងធ្វើការនៅទូទាំងបណ្ដាប្រទេសក្នុងតំបន់ឈូងសមុទ្រ (Gulf states) — ដែលជាចំនួនពលករបរទេសដ៏ច្រើនជាងគេបំផុតនៅក្នុងតំបន់។ហើយអ្វីដែលសំខាន់បំផុតនោះគឺ ឥណ្ឌាគឺជាប្រធានសម័យប្រជុំ BRICS នៅក្នុងឆ្នាំ ២០២៦។

​វេទិកាតែមួយនេះ ក៏មានរួមបញ្ចូលទាំងរុស្ស៊ី និងចិនផងដែរ ដែលពួកគេកំពុងតាមដានយ៉ាងស្ងប់ស្ងាត់នូវសង្គ្រាមមួយនេះ ដែលកំពុងផ្លាស់ប្តូរទម្រង់សណ្តាប់ធ្នាប់ថាមពលពិភពលោក។មិនមានប្រទេសណាផ្សេងទៀតនៅលើផែនដីនេះ ដែលស្ថិតនៅចំណុចប្រសព្វបែបនេះឡើយ។មិនមែនប៉ាគីស្ថានទេ។ មិនមែនតួកគីទេ។ មិនមែនអេហ្សីបទេ។គឺ ឥណ្ឌា។ប៉ាគីស្ថានគ្រាន់តែជាអ្នកនាំសារប៉ុណ្ណោះ មិនមែនជាអ្នកសម្រប សម្រួលឡើយ។

​នេះគឺជាមូលហេតុ៖ប៉ាគីស្ថានមិនមានទំនុកចិត្តពីអ៊ីរ៉ង់ឡើយ ព្រោះខ្លួនមានកិច្ចព្រមព្រៀងការពារជាតិជាមួយអារ៉ាប៊ីសាអូឌីត ដែលកំពុងដាក់សម្ពាធសម្រាប់ការបំផ្លិចបំផ្លាញរបស់អ៊ីរ៉ង់។ប៉ាគីស្ថានក៏មិនមានទំនុកចិត្តពីសហរដ្ឋអាមេរិកនោះទេ។

​រដ្ឋមន្ត្រីការបរទេសឥណ្ឌាបានថ្លែងបែបនេះនៅក្នុងកិច្ចប្រជុំគ្រប់គណបក្សនាសប្តាហ៍នេះ៖"ឥណ្ឌាមិនមែនជាប្រទេសឈ្មួញកណ្តាលនោះទេ។ ឥណ្ឌាមិនធ្វើការសម្របសម្រួលដើម្បីកម្រៃជើងសារឡើយ។"

​ សូមបញ្ជាក់ថាឥណ្ឌាមានផលប៉ះពាល់សេដ្ឋកិច្ចផ្ទាល់បំផុតពីសង្គ្រាមនេះ ជាងប្រទេសដែលមិនមែនជាភាគីជម្លោះដទៃទៀត។ប្រទេសនេះនាំចូលប្រេងឆៅប្រហែល 90%។ចំណែកដ៏ធំនៃប្រេងនោះបានដឹកជញ្ជូនកាត់តាមច្រកសមុទ្រ Hormuz មុនពេលមានសង្គ្រាម។ឥណ្ឌាមានប្រជាពលរដ្ឋ 9 លាននាក់ ដែលផ្ញើប្រាក់ពីបរទេសត្រឡប់មក វិញក្នុងសេដ្ឋកិច្ចឥណ្ឌា។ ឥណ្ឌាក៏មានទំនាក់ទំនងល្អអស្ចារ្យជាមួយអ៊ីស្រាអែលផងដែរ។​តើវាមានន័យថាឥណ្ឌាអាចបញ្ឈប់សង្គ្រាមបានមែនទេ? ទេ ប៉ុន្តែឥណ្ឌាអាចធ្វើជាអ្នកសម្របសម្រួល ដែលជាអ្វីដែលឥណ្ឌាកំពុងធ្វើនៅពេលនេះ។  

​