» គូ​រ៉េ​ខាងត្បូង​អាមេរិក​ពង្រឹង​ជំហរ​ទប់កូរ៉េខាងជើង​និង​ទប់ទល់​ជាមួយ​ចិន​ » សម្តេច​ក្រឡាហោម ស ខេង ៖ ដើម្បី​ពង្រឹង​ស្ថិរភាព និង​លទ្ធិប្រជាធិបតេយ្យនៅ​មូលដ្ឋាន គឺ​ត្រូវតែមាន​ការបោះឆ្នោត​ » តារា​និង​ពិធី​ការិនី​មេម៉ាយ​សុខ សោ​ម៉ា​វ​ត្តី រកបាន​អ្នក​ស្អំ​បេះដូង​ថ្មី​!? » កាណាដា​ហាមឃាត់​ក្រុមហ៊ុន​Huawei​មិន​ឲ្យ​ចូលរួម​ក្នុង​បណ្តាញ​5G​ក្នុងប្រទេស​ខ្លួន » វ៉ាក់សាំង​ដូ​ស​ទី​៥​នឹង ចាប់ផ្តើម​ចាក់​ពីថ្ងៃ​ទី​៩ ខែមិថុនា » ថ្ងៃទី​២២​ខែឧសភា ថៃ​នឹង​ចាប់ផ្តើម​បោះឆ្នោត​ជ្រើសរើស​អភិបាលក្រុង​បាងកក​បន្ទាប់ពី​ផ្អាក​៩​ឆ្នាំ​ » ឃាត់ខ្លួន​បុរស​ជនជាតិ​អង់គ្លេស​ម្នាក់ ករណី​ហិង្សា​ដោយ​ចេតនា​មាន​ស្ថាន​ទម្ងន់ទោស​ » បាក់​អាង​ស្តុក​ទឹក​របស់​ក្រុមហ៊ុន​ចម្ការចេក​ហ័ង​អា​ញ់​​វៀតណាម​លិច​ផ្ទះ​ប្រជាពលរដ្ឋ​ជាង​១០០​ខ្នង​នៅ​ស្រុក​កូន​មុំ​ » ស៊ី​ហ្គេម​លើក​ទី​៣១ នៅ​ទីក្រុង​ហាណូយ ប្រទេស​វៀតណាម​កម្ពុជា បាន​មេដាយមាស​ចំនួន ៦​ហើយ​ » វិបត្តិ​សេដ្ឋកិច្ច​ស្រីលង្កា​ប្រកា​សលក់​ក្រុមហ៊ុន​អាកាសចរណ៍​ជាតិ​ » សហរដ្ឋអាមេរិក​នឹង​បើក ការស៊ើបអង្កេត​លើ​ករណី​លោក អ៊ុក ទូច ដែល​គប់ ស្បែកជើង​មកលើ នាយករដ្ឋមន្ត្រី​កម្ពុជា​ » សម្តេច​តេ​ជោ ហ៊ុន សែន​ទុក​ឲ្យ​អាមេរិក​ចាត់ការ​យ៉ាងណា​គឺ​អនុវត្តន៍​យ៉ាងនោះ​ទៅ ករណី​អនិកជន​ខ្មែរ​គប់​ស្បែកជើង​ដាក់​សម្តេច​ » ឪពុកម្តាយ​តារាចម្រៀង​សុវត្ថិ​ឌី​ធី​រិ​កា​ស្លាប់​ភ្លាម​ដោយ​ក្រឡាប់​ឡាន​ » កីឡាការិនី​ម៉ាឡេស៊ី​ធើ​ស៊ី​កីឡា​រិ​នី​មេដាយមាស​ស៊ី​ហ្កេ​ម​២០១៩​រត់ប្រណាំង​៨០០​ម៉ែត្រ​វៀតណាម​ » ស្ត្រី​ដែល​យក​កាំបិទ​ឆូត​មុខ​ក្មេងស្រី​ដែល​គប់​ក្បាល​កូនប្រុស​ខ្លួន​ជាប់គុក​១២​ឆ្នាំ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 1794 នាក់

ម្សិលមិញ 5271 នាក់

សរុប 10741796 នាក់

នៅ​អាមេរិក​សម្តេច​តេ​ជោ​បង្អាប់​សមរង្ស៊ី​លើក​កឹម​សុខា​នៅ​តុលាការ​លោក​កឹម​សុខា​តថ្លៃ​

 


​ភ្នំពេញ​៖​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ថ្លែង​នៅ​ចំពោះមុខ​ប្រជាពលរដ្ឋ​ខ្មែរ​ដែល​រស់នៅ​សហរដ្ឋអាមេរិក និង​កាណាដា​ប្រមាណ ២០០០ នាក់ ដោយ​លើកសរសើរ​លោក កឹម សុខា ថា​អ្នកនយោបាយ​ឆ្លាត​វៃ​និង បានចាត់ទុក​លោក សម រង្ស៊ី ជា​មនុស្ស​ល្ងង់​ដែល​មិន​ឆក់​ឱកាស​នេះ​ដើម្បី​សម្របសម្រួល​នយោបាយ​បាន​វិល​ចូល​ស្រុក​វិញ​។​a hun kemkha 

​សម្តេច​តេ​ជោ​ហ៊ុនសែន​បាន​លើកឡើងថា​នៅក្នុង​ពេលវេលា​ដែល​សម្តេច​មានទុក្ខ​ក្រៀមក្រំ​ដោយសារតែ​ការទទួល​មរណភាព​ស​ម្តេច​ឧ​ត្ត​ម​ទេព​ញាណ ហ៊ុន ណេង ដែលជា​បងប្រុស​របស់​សម្តេច​នោះ​គួរតែ​ជា​ឱកាស​នយោបាយ​សម្រាប់​អ្នកនយោបាយ ។​​សម្តេច​តេ​ជោ​ថា​៖ «​ប៉ុន្តែ​ដោយសារ​ការ​ស្អប់​សូម្បីតែ​សាច់ឈាម​យើង​ស្លាប់​អ្វីដែល​យើង​ធ្លាប់ធ្វើ​ចំពោះ​គេ គេ​មិន​បានធ្វើ​មក​យើង​វិញ​ខ្ញុំ​អរគុណ​ណាស់ កុំ​អី​គេ​រុញ​ខ្ញុំ​ទល់នឹង​ជញ្ជាំង​ប្រសិនបើ​មនុស្ស​ហ្នឹង​ធ្វើលិខិត​ចូលរួម​រំលែក​ទុក្ខ​ជាមួយ ខ្ញុំ ស្មើនឹង​រុញ​ខ្ញុំ​ចូល​កៀនជញ្ជាំង​បើ​ខ្ញុំ​មិន​ទទួល​មានន័យថា ខ្ញុំ​មិន​ទទួលយក​នូវ​ការ​គោ រព​ដែល​គេ​ផ្តល់​សម្រាប់​យើង​ចូលរួម​មរណទុក្ខ​ជាមួយ​យើង​ប៉ុន្តែ​បើ​ខ្ញុំ​ទទួល​វា​ជាការ​ផ្តល់​សញ្ញា​មួយ​ថា​អ្នកនោះ​អាចមាន​លទ្ធភាព​ចូល​ស្រុក​ដោយសារ​លោក ហ៊ុន សែន​បាន ឆ្លើយតប​»​។​

​សម្តេច​តេ​ជោ​បាន​បន្ថែមថា​៖ «​អានេះ​ល្ងង់​ជាង​ស្អី​ទៀត សូម​អរគុណ​ដែល​លោក​ឯង​ល្ងង់ ឱកាស​នយោបាយ​អ្នកឯង​មាន ប៉ុន្តែ​ដោយសារតែ​អ្នកឯង​ស្អប់​ខ្ញុំ កីឡាករ​កីឡា​កា​រិ នី​ខ្មែរ​ឈ្នះ​ក៏​អ្នកឯង​មិន​អបអរសាទរ ម្តាយ​ខ្ញុំ​ស្លាប់ បង​ខ្ញុំ​ស្លាប់ ក៏​អ្នកឯង​មិន​ចូលរួម​មរណទុក្ខ​ខ្ញុំ​សូម​អរគុណ​អ្នកឯង​ណាស់​អញ្ចឹង​លទ្ធផល​ទាំងអស់​ល្មម​នឹង​ហ្អែ​ង​ទទួល​ទៅ »​។​​ជាមួយ​ការរិះគន់ សម រង្ស៊ី ​សម្តេច​តេ​ជោ​នាយករដ្ឋមន្ត្រី​ក៏បាន​កោតសរសើរ​លោក កឹម សុខា ប្រ​ធា ន​នៃ​អតីត​គណបក្ស​សង្គ្រោះ​ជាតិ​ដែលមាន ភាព​ឆ្លាត​វៃ​បាន​ផ្ញើលិខិត​រំលែក​ទុក្ខ​និង​ចូលរួម​គោរព​វិញ្ញាណក្ខន្ធ​សម្តេច​ឧ​ត្ត​ម​ទេព ញាណ ហ៊ុន ណេង ដែលជា​កាយវិការ​ល្អ​ប្រពៃ ក្នុងនាម​អ្នកនយោបាយ​ខ្មែរ​ទោះបី​ជាមាន និន្នាការ​ខុសគ្នា​ក៏ដោយ​។​

​សម្តេច​តេ​ជោ ហ៊ុន សែន បានបញ្ជាក់​បន្ថែមថា​៖«​យ៉ាងហោចណាស់​ទោះបីជា​គាត់ (​កឹម សុខា​) និង​ខ្ញុំ​មាន​នយោបាយ​ខុសគ្នា​ក៏ដោយ​ក៏ប៉ុន្តែ​ខ្ញុំ​គោរព​ដល់​គាត់​នូវ​អ្វី​ដែលជា ទង្វើ​របស់គាត់ គាត់​វ៉ៃ​តាម Whatsapp មក​ខ្ញុំៗ​ឆ្លើយ ហើយ​គាត់​សួរថា គាត់​អាចមក​គោរព​វិញ្ញាណក្ខន្ធ បានទេ​? ខ្ញុំ​វ៉ៃ​ត្រឡប់ ទៅវិញ​ថា “​សូម​អញ្ជើញ​” ពេល​អញ្ជើញ​មក ក៏​ជក់មាត់​និយាយ​ជាមួយគ្នា​៤​ម៉ោង​ព្រោះ​បើ​យើង​ជា​នយោបាយ​ខុសគ្នា​តែ​យើង​ខ្មែរ​ជាមួយគ្នា​។​​បើតាម​សម្តេច​តេ​ជោ ហ៊ុន សែន ក្នុងជំនួប​៤​ម៉ោង​ជាមួយ​លោក​កឹម សុខា គឺ​អ្នកនយោបាយ​ជាប់​បណ្តឹង​នៅ​តុលាការ​រូបនេះ​បាន​សុំ​សម្តេច​ចេញទៅ​ក្រៅប្រទេស​ប៉ុន្តែ​សម្តេច អះអាងថា​ទុក​ឲ្យ​តុលាការ​ជា​អ្នកសម្រេច ។ ក្រៅពី​រឿង​នយោបាយ​សម្រាប់​រឿងរ៉ាវ​បុគ្គល​វិញ​សម្តេច​តេ​ជោ ហ៊ុន សែន បាន​ថ្លែងថា​លោក យង់ ណុ​យ ហៅ ប្រែ​ឌី (Brady Young) បាន​សរសេរ​លិខិត​សុំទោស​សម្តេច​ចំពោះ​អ្វីដែល​អតីត​សកម្មជន​បក្សប្រឆាំង​រូបនេះ​បាន​ចោទ​ភរិយា​របស់​សម្តេច​និង កូនប្រុស​សម្តេច​លោក ហ៊ុន ម៉ា ណែ​ត ថា​ជា «​ប្រពន្ធ​និង​កូន​របស់​មេដឹកនាំ​វៀតណាម ឡេ ដឹក​ថូ​»​។​​លោក Brady Young ត្រូវបាន​សម្តេច​តេ​ជោ ហ៊ុន សែន ហៅ​ឲ្យ​បង្ហាញខ្លួន​ផងដែរ​នៅក្នុង​ពិធី​ជួបជុំ​មនុស្ស​ប្រមាណ​ជាង​២​ពាន់​នាក់​នេះ ខណៈ​សម្តេច​តេ​ជោ ហ៊ុន សែន បានចាត់ទុក​លោក Brady Young ថា​ជា​កូន​ដែល​ដឹង​កំហុស​ហើយ​ចេះ​កែខ្លួន ។​

​ពាក់ព័ន្ធ​សំណុំរឿង​ស​ន្និ​ដ្ឋិ​ភាពជា​មួយ​រដ្ឋ​បរទេស​របស់លោក កឹម សុខា​ដើម្បី​ផ្តួលរំលំ​រាជ រដ្ឋាភិបាល សម្តេច​ថ្លែងថា​សម្តេច​មិនបាន​ចោទ​សហរដ្ឋអាមេរិក​ថា​នៅ​ពីក្រោយ​លោក កឹម សុខា នោះទេ ប៉ុន្តែ​លោក កឹម សុខា ខ្លួនឯង​ទេ​ជា​អ្នក​និយាយ​តាមរយៈ​វីដេអូ​យ៉ាងរឹងមាំ​ដែល បាន​ផ្សព្វផ្សាយ ។​​សម្តេច​តេ​ជោ បញ្ជាក់ថា «​ខ្ញុំ​អត់​ចោទ​អាមេរិក​ទេ​អ្វី​ដែលមាន​[​វីដេអូ​]​នោះ​គឺ​ឯកឧត្តម កឹម សុខា គាត់​និយាយ​ខ្លួនឯង​ដូច្នេះ​ត្រូវការ​ដោះស្រាយ​រវាង​អាមេរិក និង កឹម សុខា អីចឹង​អាមេរិក​ប្រកាស​បដិសេធថា​បានធ្វើ​អីចឹង​ដូច កឹម សុខា និយាយ​អត់​? […] ខ្ញុំ​សូម​ជម្រាប​ទាំង​តុលាការ​ទាំង​រាជរដ្ឋាភិបាល​អត់​មាន​ចោទ​អាមេរិក​អ្វី ដែល​កើតមាន​គឺ កឹម សុខា និយាយ ពី​អាមេរិក​ជួយ […] អីចឹង​រឿងនេះ​មិនមែន​រឿង​កម្ពុជា​ជាមួយ​អាមេរិក​ឯណា​ជា​រឿង​របស់ កឹម សុខា​»​។​

​សម្តេច​តេ​ជោ​បានបញ្ជាក់​ឲ្យ​ដឹងថា​ចំពោះ​ឃ្លី​ប​វីដេអូ​ជា​ភស្តុតាង​ពាក់ព័ន្ធ​ការនិយាយ​របស់លោក កឹម សុខា ដែល​ក្រុម​មេធាវី​របស់លោក កឹម សុខា ដាក់ជូន​តុលាការ​គឺ​ដូច គ្នា​នឹង​វីដេអូ​ភាគី​ដើមបណ្តឹង​ដាក់ជូន​តុលាការ​ដែរ​ដូច្នេះ​មិនមែនជា​ការកាត់ត​ដូច​ការលើកឡើង​របស់​មនុស្ស​មួយចំនួន​នោះទេ​។​ចំពោះ​ដំណើរ​រឿងក្តី​របស់លោក កឹម សុខា ទុក​ឲ្យ​តុលាការ​ជា​អ្នកសម្រេច​។ ដូចគ្នា​រឿង​លោក កឹម សុខា សុំ​ចេញមក​ក្រៅប្រទេស​ក៏​ជាការ​សម្រេច​របស់​តុលាការ​ផងដែរ​។​

​ដោយឡែក​នៅ​ភ្នំពេញ​វិញ​លោក​កឹម​សុខា អតីត​ប្រធាន​គណបក្ស​សង្គ្រោះ​ជាតិ ដែល​ត្រូវបាន​រំលាយ​បាន​ប្រាប់​សាលាដំបូង​រាជធានី​ភ្នំពេញ​ថា លោក​នឹង​បដិសេធ​មិន​ឆ្លើយ​នោះទេ ប្រសិនបើ​ព្រះរាជអាជ្ញា​បន្ត​សួរ​សំនួរ​ដដែល​។​​លោក កឹម សុខា​មានប្រសាសន៍ថា​៖«​ខ្ញុំ​មាន​សិទ្ធិ​មិន​ឆ្លើយ ឬ​រក្សា​ភាពស្ងប់ស្ងាត់​ប្រសិនបើ​អ្នក​បន្ត​សួរ​ខ្ញុំ​នូវ​សំណួរ​ដដែលៗ​លើ​ការធ្វើ​បាតុកម្ម​ទ្រង់ទ្រាយ​ធំ​របស់​គណបក្ស​សង្គ្រោះ​ជាតិ​ប្រឆាំងនឹង​លទ្ធផល​បោះឆ្នោតជាតិ​ឆ្នាំ ២០១៣»​។​លោក កឹម សុខា បាន​ប្រាប់​តុលាការ​ក្នុងអំឡុងពេល​សវនាកា​រលើ​ការចោទប្រកាន់​ពីបទ​ក្បត់ជាតិ កាលពី​ម្សិលមិញ​ថា​៖«​ខ្ញុំ​ប្រហែលជា​អាចធ្វើ​ពហិការ​សវនាកា​រ​»​។​ លោក កឹម សុខា កំពុង​ប្រឈម​នឹង​ការចោទប្រកាន់​ពីបទ​ឃុបឃិត​ជាមួយ​រដ្ឋ​បរទេស ឬ​ភ្នាក់ងារ​បរទេស​ផ្សេងទៀត ដើម្បី​ផ្ដួលរំលំ​រដ្ឋាភិបាល​ចន្លោះ​ឆ្នាំ ១៩៩៣ ដល់​ឆ្នាំ ២០១៧​។​

​លោក កឹម សុខា ថ្លែងថា ភាពជាប់គាំង​នយោបាយ ក្រោយ​ការបោះឆ្នោតជាតិ​ឆ្នាំ ២០១៣ ត្រូវបាន​បញ្ចប់​តាមរយៈ​ការផ្សះផ្សា​នយោបាយ និង​ឯកភាព​។​លោក​បន្ថែមថា បន្ទាប់មក​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ បាន​ដោះស្រាយ​បញ្ហា​តាមរយៈ​កិច្ចព្រមព្រៀង​រវាង​គណ​បក្ស​ទាំងពីរ​រួចហើយ​។​​លោក​ថា​៖ «​រឿង​អតីតកាល​នៃ​វិបត្តិ ក្រោយ​ការបោះឆ្នោតជាតិ​ឆ្នាំ​២០១៣ ត្រូវតែ​កប់​ចោល ព្រោះ​វា​ត្រូវបាន​ដោះស្រាយ និង​បញ្ចប់​រួចហើយ​រវាង​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ​។ ហេតុអ្វី​ក៏​អ្នក​សួរ​ខ្ញុំ​ម្តង​ហើយ​ម្តងទៀត​?»​ក្នុង​សវនាការ​កាលពី​ម្សិលមិញ ព្រះរាជអាជ្ញា​តុលាការ បាន​សង្កត់ធ្ងន់​លើ​លោក កឹម សុខា អំពី​សកម្មភាព​របស់​គាត់ និង​មហា​បាតុកម្ម​របស់​គណបក្ស​សង្គ្រោះ​ជាតិ​ក្នុង​រាជធានី​ភ្នំពេញ​។​

​លោក កឹម សុខា មានប្រសាសន៍​ក្នុង​តុលាការ​ថា​៖«​នៅ​ថ្ងៃទី ៨ ខែឧសភា ខ្ញុំ​បាន​ជួប​ជាមួយ​លោកនាយក​រដ្ឋមន្ត្រី ហ៊ុន សែន ក្នុង​ពិធី​បុណ្យសព​បងប្រុស​គាត់​នៅ​ខេត្តកំពង់ចាម​។ ក្នុងជំនួប​នោះ សម្តេច ហ៊ុន សែន និង ខ្ញុំ​បាន​ពិភាក្សាគ្នា​អំពី​បញ្ហាសំខាន់ៗ​ជាច្រើន​ទាក់ទង​នឹង​បញ្ហា​ប្រឈម​របស់​ប្រទេសជាតិ​, ការអភិវឌ្ឍន៍​, ផលប្រយោជន៍​របស់​ប្រទេសជាតិ និង ប្រជាជន​កម្ពុជា​របស់​យើង​»​។​​លោក​បន្តថា​៖ «​ក្នុងជំនួប​នោះ យើង​បាន​ឯកភាពគ្នា​ថា ចាប់ពីពេលនេះ​ទៅ យើង​ត្រូវតែ​លើកកម្ពស់​ផលប្រយោជន៍​ជាតិ​យើង និង​ប្រជាជន​ទាំងមូល​។ យើង​មិនគួរ​រស់នៅ​លើ​អតីតកាល ឬ របួស​ចាស់​ដែល​បានជា​សះស្បើយ និង​ក្លាយទៅជា​ដំបៅ​ដែល​អាច​រារាំង​ដល់​ការបង្រួបបង្រួម​ជាតិ និង​ការអភិវឌ្ឍ​ជាតិ​របស់​កម្ពុជា​នោះឡើយ​។​»​លោក ចាន់ ចេង មេធាវី​ការពារ​ក្តី​ម្នាក់​របស់ កឹម សុខា មានប្រសាសន៍ថា​៖«​វា​ជា​សិទ្ធិ​របស់លោក កឹម សុខា ក្នុងការ​បដិសេធ​មិន​ឆ្លើយ​សំណួរ​របស់​ព្រះរាជអាជ្ញា​។​ករណី​របស់លោក កឹម សុខា អាច​ដោះស្រាយបាន​តាមរយៈ​យន្តការ​នយោបាយ​ប៉ុណ្ណោះ​»​។​a hun kem mother4 a hun kemkha1