វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1239 នាក់
ម្សិលមិញ 5203 នាក់
សរុប 14185771 នាក់
ភ្នំពេញ៖ សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ ដោយសទ្ធាជ្រះថ្លា និងក្តីអាណិតចំពោះ «កូននេន សីហា» បានសម្រេចចិត្តជួយកសាងវត្តប្រគេនព្រះអង្គ ក៏ដូចជាព្រះសង្ឃដទៃទៀត។
លើបណ្តាញសង្គម នៅព្រឹកថ្ងៃអាទិត្យ ទី២៨ ខែមករា ឆ្នាំ២០២៤នេះ សម្តេចបានជួបលោក អួន សារ៉ាត់ ដែលជាអ្នកជួយផ្សព្វផ្សាយពី «កូននេនសីហា»។
បើតាមសម្តេចតេជោ ជំនួបនេះ ធ្វើឡើងដើម្បីរិះរកវិធីជួយដល់ «កូននេនសីហា» និងការជួយកសាងកុដិសម្រាប់ព្រះសង្ឃគង់នៅ និងទិញដីបន្ថែម ដើម្បីពង្រីកនិងកសាងវត្ត។សម្តេចតេជោ បានបញ្ជាក់ដូច្នេះ «ខ្ញុំនឹងចាត់ឱ្យតំណាងរបស់ខ្ញុំទៅជួបព្រះចៅអធិការវត្ត និងកូននេនសីហា ដោយរួមដំណើរជាមួយ អួន សារ៉ាត់ ដើម្បីពិភាក្សាដោះស្រាយជាក់ស្តែង»។
សម្តេចតេជោ បានអរគុណលោក អួន សារ៉ាត់ ដែលបានជួយផ្សព្វផ្សាយពី «កូននេន សីហា»។ សម្តេចតេជោ ក៏បានអរគុណសប្បុរសជនដែលបានជួយ «កូននេនសីហា» ដើម្បីកសាងព្រះវិហារ។ សម្តេចតេជោ ក៏បានអំពាវនាវដល់សប្បុរសជនបន្តជួយរហូតសាងសង់ព្រះវិហារក្នុងវត្តរួចរាល់។សម្តេចតេជោ ហ៊ុន សែន បានបញ្ជាក់ដែរថា សម្តេចនឹងទទួលខុសត្រូវលើការជាវដីពង្រីកវត្ត និងកសាងកុដសម្រាប់ព្រះសង្ឃគង់នៅ។
សូមបញ្ជាក់ថា «កូននេន សីហា»ដែលម្តាយបោះបង់ចោលនិងឪពុកគ្មានលទ្ធភាពចិញ្ចឹម មានព្រះជន្ម៥វស្សា កំពុងគង់នៅវត្តព្រៃថ្មី ស្ថិតក្នុងស្រុកទឹកឈូ ខេត្តកំពត។ «កូននេន សីហា» កំពុងមានប្រជាប្រិយភាពលើបណ្តាញសង្គម តាមរយៈការផ្សព្វផ្សាយវីដេអូសកម្មភាពនានាដោយលោក អួន សារ៉ាត់។ប៉ុន្តែនប៉ុន្មានថ្ងៃថ្មីៗនេះមានការរិះគន់ករណីយ៍យកកូននេនធ្វើការរៃអង្គាសធ្វើឲ្យលោកអួនសារ៉ាតបាក់ទឹកចិត្តបន្តិចលែនហ៊ាននាំកូននេនធ្វើសកម្មភាព។