វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2623 នាក់
ម្សិលមិញ 5544 នាក់
សរុប 13943720 នាក់
ហ្វីលីពីន៖ប្រទេសភ្វីលីនកំពុងចាត់វិធានការទប់ស្កាត់ការនាំចូលផលិតផលផ្សេងៗដែលពាក់ព័ន្ធនឹងសាច់ជ្រូក និង សាច់ជ្រូកទាំងអស់ពីប្រទេសវៀតណាម និងប្រទេសដទៃទៀតយ៉ាងតឹងរឹង។
ការចាត់វិធានការបែបនេះដោយសារមន្ដ្រីពិសោធន៍ទៅលើចំនីអាហារ បានរកឃើញនូវសាច់ជ្រូកដែលមានផ្ទុកជម្ងឺផ្ដាសាយជ្រូកដែលត្រូវបាននាំចូលពីប្រទេសវៀតណាម មកកាន់ប្រទេសភ្វីលីពីន។ ការទប់ស្កាត់នេះបានកើតឡើងនូវពេលដែលរដ្ឋមន្ដ្រីរបស់ប្រទេសតៃវ៉ាន់ បានធ្វើដំណើរត្រលប់ពីប្រទេសវៀតណាមវិញ ហើយបានរកឃើញមេរោគផ្ដាសាយជ្រូកនៅក្នុងសាច់ជ្រូកដែលមានលក់នៅទីផ្សារវៀតណាម។
ដូច្នេះហើយបានជាប្រទេសហ្វីលីពីនសម្រេចចិត្តក្នុងការទប់ស្ដាត់ ឬ បំបាត់ចោលនូវការនាំចូលសាច់ជ្រូកពីប្រទេសវៀតណាម និង ប្រទេសដទៃទៀត។
គួរបញ្ជាក់ផងដែរថា មន្ដ្រីនៃប្រទេសតៃវ៉ាន់បានធ្វើការពិសោធន៍សាច់ជ្រូកជាច្រើនប្រទេសតាំងពីឆ្នាំមុន គឺនៅពេលដែលជម្ងឺផ្ដាសាយជ្រូកត្រូវបានរកឃើញ។ បើគិតជាចំនួនផលិតផលសាច់ជ្រូកដែលមានមកពិសោធន៍គឺមានចំនួន ១១៥៨ sample ក្នុងនោះផងដែរផលិតផលចំនួន ៩២៨ ត្រូវបានរកឃើញដោយមិនមានផ្ទុកមេរោគផ្ដាសាយជ្រូកក្នុងនោះទេ ។
ប៉ុន្ដែបានរកឃើញមេរោគផ្ដាសាជ្រូកក្នុងការពិសោធន៍ចំនួន ២០ sampleផ្សេងទៀត ដែលសាច់ជ្រូកទាំងនោះគឺមកពីប្រទេសចិន។ ប្រទេសវៀតណាមវិញគឺត្រូវបានគេរកឃើញថាសាច់ជ្រូករបស់ប្រទេសមួយនេះ មានផ្ទុកមេរោគផ្ដាសាយជ្រូកកាលពីប៉ុន្មានថ្ងៃមុននេះ។ជម្ងឺផ្ដាសាយជ្រូកកំពុងរីករាលដាលទៅប្រទេសមួយចំនួនដូចជា ប្រទេសចិន ជប៉ុន វៀតណាម និង ប្រទេសដទៃទៀតនៅក្នុងអាស៊ី។(philipin star)