វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2460 នាក់
ម្សិលមិញ 10264 នាក់
សរុប 14141642 នាក់
អាមេរិក៖ជាលើកដំបូងហើយក្នុងប្រវត្តិសាស្ត្រ ផងដែរដែលក្រសួងយុត្តិធម៌អាមេរិកបានសម្រេចកាត់ទោសជនជាតិកូរ៉េខាងជើងឈ្មោះមុនឆុលម្យុង( Mun Chol Myong) ដែលជាប់ចោទពីបទលាងលុយខ្មៅ និងគេចពីទណ្ឌកម្មរបស់អន្តរជាតិ។
ក្រសួងយុត្តិធម៌អាមេរិកបានប្រាកសឲ្យដឹងថា បុគ្គលដែលត្រូវបានកាត់ទោសគឺជា ចារកិច្ចកូរ៉េខាងជើង និងជាបុគ្គលិកចារកិច្ចទីពីរហើយដែលបានបញ្ជូនទៅកាន់អាមេរិក ដោយចោទប្រកាន់បំពានច្បាប់អាមេរិក។អាមេរិកចោទថា ចាប់តាំងពីឆ្នាំ២០១៣ ដល់ឆ្នាំ២០១៨ លោក មុនឆុលម្យុង( Mun Chol Myong) បានអនុវត្តការធ្វើចរាចរណ៍ហិរញ្ញវត្ថុបំពានច្បាប់ដាក់ទណ្ឌកម្មរបស់អាមេរិក និងអង្គការសហប្រជាជាតិ ។ ទឹកប្រាក់ដែលលោកមុន( Mun )បានធ្វើចរាចរណ៍ មាន ១,៥លានដុល្លារ។
នៅក្នុងការចោទប្រកាន់ លោក Mun បានប្រើប្រាស់ឈ្មោះក្រុមហ៊ុនក្លែងក្លាយដើម្បីចរាចរហិរញ្ញវត្ថុ ។ ក្រុមហ៊ុននេះផ្គត់ផ្គង់បច្ចេកវិទ្យា ទំនិញកសិកម្ម និងទំនិញប្រណីត រួមទាំងស្រា និងបារីឲ្យទៅកូរ៉េខាងជើង។នៅថ្ងៃទី២២ខែមីនា(ពេលវេលាអាមេរិក) លោក Mun Chol Myong បានបង្ហាញខ្លួននៅតុលាការអាមេរិក ក្នុងខណ្ឌ Columbia ។ កាលពីសប្តាហ៍កន្លងមកលោក Mun ត្រូវបានធ្វើបត្យាប័នពីម៉ាឡេស៊ីទៅកាន់អាមេរិក ក្លាយជាពលរដ្ឋកូរ៉េខាងជើងដំបូងត្រូវធ្វើបត្យាប័នទៅអាមេរិក។ទង្វើនេះបានធ្វើឲ្យកូរ៉េខាងជើង និងម៉ាឡេស៊ីកាត់ផ្តាច់ទំនាក់ទំនងការទូតដែលមាន រយៈពេលជិត៥០ឆ្នាំរវាងប្រទេសទាំងពីរ។ កាលពីថ្ងៃទី២២ខែមីនា មន្ត្រីបុគ្គលិកស្ថានទូតកូរ៉េខាងជើង ប្រចាំម៉ាឡេស៊ីត្រូវបានបញ្ជាឲ្យចាកចេញពីទីក្រុងគូឡាឡំពួរ វិលត្រឡប់ទៅប្រទេសវិញអស់ហើយ៕