ជ!យោ៖ក្មេងៗ និងគ្រូបង្វឹកទាំង ១៣ នាក់ បានចេញពីរូងភ្នំថាំហ្លួងអស់ ហើយដោយមិនបានប្រើនាវាមុជទឹកខ្នាតតូច!
27-March-2024 / ព័ត៌មានអន្តរជាតិ
ថៃ៖ក្នុងថ្ងៃទី៣នៃប្រតិបត្តិការជួយសង្គ្រោះក្មេងកីឡាបាល់ទាត់នៃខេត្តឈៀងរ៉ៃបានបញ្ចប់ដោយជោគជ័យនៅវេលាម៉ោងប្រាំមួយល្ងាចថ្ងៃទី១០កក្កដានេះដោយ ក្រុមជួយសង្គ្រោះបានជួយរំដោះ ក្មេង ៤ នាក់ និង គ្រូបង្វឹកម្នាក់ ដែលជាក្រុមចុងក្រោយពីល្អាងភ្នំដោយមិនបានប្រើនាវាមុជទឹកខ្នាតតូចជាជំនួយទេ។
សូមបញ្ជាក់ផងដែរ ក្រុមកីឡាករបាល់ទាត់ ១២ នាក់ និងគ្រូបង្វឹក បានជាប់ក្នុងល្អាងភ្នំជាង ២ សប្ដាហ៍ បង្កជាការភ្ញាក់ផ្អើល និងទាក់ទាញចំណាប់អារម្មណ៍សារព័ត៌មានជាតិ និងអន្តរជាតិជាច្រើនចាប់តាំងពីថ្ងៃដែលបាត់ខ្លួនទី២៣មិថុនានិងការរកឃើញវិញនាថ្ងៃទី២កក្កដាឆ្នាំ២០១៨។ការសម្រេចបើកប្រតិបត្តការជួយសង្គ្រោះកាន់តែធ្វើឲ្យមានការចាប់អារម្មណ៍សូម្បីតែ ការលិចនាវាដឹកអ្នកដំណើរស្លាប់ជិត៥០នាក់និងបាត់ខ្លួនជាច្រើន នាក់នៅភូកេតប្រទេសថៃ ក៏មិនមានការផ្សព្វផ្សាយល្បី នឹងទទួលបានការចាប់អារម្មណ៍ខ្លាំងពីបណ្តាញផ្សព្វផ្សាយធំៗលើពិភពលោកដូចសកម្មភាពសង្គ្រោះ ក្រុមកីឡាករ វ័យក្មេង របស់ថៃនិងគ្រូបង្វឹកអាយុ២៥ឆ្នាំជាប់ក្នុងរូងភ្នុំថាំហ្លួងដែរ។
មនុស្សគ្រប់រូបមិនថាថៃឬបរទេសបានខិតខំបួងសួង ដល់ក្រុមទាហានមុជទឹក និងក្រុមសង្គ្រោះជំនួយពីក្រោយ បំពេញភារិកិច្ចទទួលបានជោគជ័យ ។ ព្រោះមិនអាច នឹកស្មានដល់ពីភាពលំបាក និងគ្រោះថ្នាក់នៅក្នុងសកម្មភាពជួយសង្គ្រោះនោះ ដោយក្រុមអ្នកសង្គ្រោះដែលត្រូវចូលទៅក្នុងតំបន់ជ្រៅ តូចចង្អៀត ក្រោមបាតភ្នុំ និងលិចទឹក ដោយមិនអាចមើលឃើញអ្វីទាល់តែសោះ នៅក្នុងតំបន់មួយចំនួននោះឡើយ ។
តាមអ្នកឯកទេសជនជាតិអាមេរិកជាអ្នកអក្សសាស្ត្រលោកចៃប៉ារិនី( Jay Parini ) បានលើកឡើងពីមូលហេតុថា កតត្តាដែលទាក់ទាញខ្លាំងនោះគឺ សកម្មភាព ស្វែងរក កុមារបាត់ខ្លួន យ៉ាងលំបាក បំផុតទម្រាំរកឃើញ អស់រយៈពេល ៩ ថ្ងៃ តែភព្វសំណាង កុមារនៅមានជីវិត។
អ្វីដែលលំបាកជាងនេះក្រោយការរកឃើញគឺ សកម្មភាពសង្គ្រោះកុមារទាំងនោះចេញពីរូងភ្នុំ កាន់តែលំបាកទ្វេរដង ទីមួយកុមារមិនចេះហែលទឹក ទីពីរមានសុខភាពមិនសូវល្អ ក្រោយអត់អាហារ៩ថ្ងៃ ។ ភាពលំបាកនៅក្នុងការជួយសង្គ្រោះបានក្លាយទៅជាកាតព្វកិច្ច របស់ពិភពលោក មិនមែនតែប្រទេសថៃម្នាក់ឯងនោះឡើយ។ ក្រុមជួយសង្គ្រោះដែលមានបទពិសោធន៍ខ្ពស់ មកពីប្រទេស អង់គ្លេស អាមេរិក អូស្ត្រលី ជប៉ុន និងអ្នកជំនាញមុជទឹក មកពីកម្លាំងទាហានជើងទឹកថៃ ព្រមទាំងអ្នកឯកទេស មកពីប្រទេសជាច្រើនបានចូលរួមធ្វើការវិភាគពីយុទ្ធសាស្ត្រ ជួយសង្គ្រោះ។
ការជួយសង្គ្រោះកុមារចេញពីរូងភ្នុំកាន់តែស្មុគស្មាញ និងទាក់ទាញខ្លាំង ក្រោយ អតីតទាហានជើងទឹក SEAL របស់ថៃម្នាក់ស្លាប់ ដោយសារតែខ្វះអ៊ុកស៊ីហ្ស៊ែន ពេលមុជទឹកចេញពីរូងភ្នុំ។ ទាំងនោះហើយធ្វើឲ្យអ្នកឯកទេស ត្រូវផ្លាស់ប្តូរវិធីសាស្ត្រ ក្នុងការជួយសង្គ្រោះ ធ្វើយ៉ាងណាទើបទទួលបានជោគជ័យ។
កិច្ចសហប្រតិបត្តិការជួយសង្គ្រោះជម្រុះ គឺជាតំណាង និងរំលឹកយើងទាំងអស់គ្នាលើពិភពលោក អាចធ្វើការរួមគ្នា ដើម្បី ឈានដល់គោលដៅរួម!។ទោះជាយ៉ាងលោកណារ៉ុងសាក់អូសូតាណាកន( Narongsak Osottanakorn)បានឲ្យដឹងថា៖អ្នកដឹកនាំក្រុមសង្គ្រោះក្នុងប្រទេសថៃ បានបញ្ជាក់ ថា នាវាមុជទឹកខ្នាតតូចដែលផលិតដោយក្រុមរបស់លោក Elon Musk នឹងមិនត្រូវប្រើក្នុងការសង្គ្រោះក្មេងប្រុស ៤ នាក់ដែលកំពុងជាប់ក្នុងល្អាងនោះទេ ៖ “ឧបករណ៍ដែលគាត់ឲ្យមកយើង មិនមានប្រយោជន៍ចំពោះបេសកកម្មរបស់យើងនោះទេ។ ឧបករណ៍របស់គាត់ទំនើបមែន ប៉ុន្តែយើងមិនអាចនាំយកវាចូលក្នុងល្អាងសម្រាប់បេសកកម្មបានឡើយ”។
ទោះជាយ៉ាងណាកាលពីម៉ោង ៥ ព្រឹកនេះថ្ងៃទី១០កក្កដា លោក Elon Musk បានបង្ហោះលើគណនី Twitter របស់ខ្លួនថាលោកបានទៅដល់ល្អាងទីបី នៃល្អាងថាមហ្លួង និងបានទុកនាវាមុជទឹកខ្នាតតូចរបស់ខ្លួននៅទីនោះ ករណីដែលវាមានប្រយោជន៍និងប្រើផងដែរ។សូមបញ្ជាក់ដែរថាកុមារដែលជួយសង្គ្រោះទាំងអស់មានសុវត្ថិភាពទោះជាមានខ្លះមានជម្ងឺតិចតួចក៏ដោយ។ក្មេង៤នាក់មុនត្រូវបានអនុញ្ញាតឲ្យជួបឪពុកម្តាយក្រោយពីការសង្គ្រោះចុងក្រោយបានបញ្ចប់បញ្ចុនមនុស្សដល់មន្ទីរពេទ្យ៕
