បែកធ្លាយរឿងចោរថ្លើមធំហ៊ានចូលលួចរំដោះយកឡានសាំយ៉ុង១គ្រឿង ផ្ទុកឈើពេញ ជាវត្ថុតាងពីស្នាក់ការ រដ្ឋបាលព្រៃឈើស្រុកបកែវ
03-April-2024 / ព័ត៌មានជាតិ
(ខេត្តរតនគិរី) ៖ពិតជារឿងធំគួរអោយភ្ញាក់ផ្អើលខ្លាំងមែនទែន និង កម្រនឹងកើតឡើងផង ដែលរថយន្តសាំយ៉ុង ១ គ្រឿងពណ៌សពាក់ស្លាកលេខភ្នំពេញ២AF-៤៦៥៤ ផ្ទុកឈើប្រភេទប្រណិតខុសច្បាប់ជាង១ម៉ែត្រគូប ដែលជាវត្ថុតាងត្រូវបានចោរលួចចេញពីផ្នែករដ្ឋបាលព្រៃឈើស្រុកបរកែវបាត់ស្រមោលបាត់ កាលពីវេលាម៉ោង១០៖១១នាទីព្រឹក ថ្ងៃទី១៦ខែសីហា ឆ្នាំ ២០១៨ ។
នេះបើតាមប្រភពព ព័ត៌មានពីអ្នកកាសែតដែលឈរជើងនៅខេត្តរតនគិរី បានរាយការណ៍តាមទូរស័ព្ទប្រាប់មកការិយាល័យនិពន្ធ គេហទំព័រសារព័ត៌មាន មាតុភូមិ www.meatophoum.com អោយដឹងកាលពីល្ងាចថ្ងទី ២០សីហា ២០១៨ នេះ ។
ទាក់ទិននឹងករណីខាងលើត្រូវបានប្រភពព័ត៌មានពីសមត្ថកិច្ចឈរជើងនៅ ស្រុកបកែវ ប្រាប់អ្នកកាសែត ថា ពិតជា មានករណីបាត់ រថ យន្តសាំយ៉ុង១គ្រឿងដែលជាវត្ថុតាងដឹកបទល្មើសព្រៃឈើពិតប្រាកដមែន ។
ប្រភពបានបន្តទៀតថា ភ្លាមៗបន្ទាប់ពីបាត់រថយន្តនោះនៅស្នាក់ការរដ្ឋបាលព្រៃឈើស្រុកបកែវ រួចមក គឺ ខាងរដ្ឋបាលព្រៃឈើបកែវ បានដាក់ពាក្យប្តឹងទៅលោកព្រះរាជអាជ្ញាអមសាលាដំបូងខេត្តរតនគិរីផងដែរ ។នៅក្នុងពាក្យបណ្តឹងនោះដែរលោក ខៀវ ចន្ទី នាយសង្កាត់រដ្ឋបាលព្រៃឈើបានដាក់ការសង្ស័យទៅលើម្ចាស់រថយន្តនិងឈើជាអ្នកមកលួចតែម្តងព្រោះធ្លាប់បានទំនាក់ទំនងមកគាត់ជាមេព្រៃតាមលេខទូរស័ព្ទ០៩៧-៨៥០៩ ០២២ក្នុងថ្ងៃទី១៦ខែ សីហា(ថ្ងៃកើតហេតុ)មកគាត់ ដើម្បីសុំបំពេញឯកសារតាមនីតិវិធីផ្លូវច្បាប់។
ប្រភពព័ត៌មានផ្សេងទៀតបានលួចបង្ហើបប្រាប់អ្នកកាសែតថា កន្លែងផ្នែករដ្ឋបាលព្រៃឈើបរកែវមានព័ទ្ធរបងថ្ម និងទ្វារចេញ ចូលធ្វើពីដែកយ៉ាងរឹងមាំ ចុះ ហេតុអ្វីបាត់វត្ថុតាងបទល្មើស ងាយស្រួលលួចម្លេះ ?។ម្យ៉ាងទៀត បើដឹងថាកន្លែងនោះ គ្មានសុវត្ថិភាព ហេតុអ្វីមិននាំយកវត្ថុតាង មករក្សាទុកនៅខណ្ឌរដ្ឋបាលព្រៃឈើខេត្ត ។ ទាក់ទិនទៅនឹងករណីបាត់វត្ថុតាង នៃបទល្មើសព្រៃឈើពីស្នាក់ការរដ្ឋបាលព្រៃឈើស្រុកបកែវ ខាង លើនេះប្រជាពលរដ្ឋ និង មន្ត្រីរាជការក្នុងខេត្តរតនគិរី ដែលបានដឹងរឿងនេះ បានលើកឡើងស្រដៀងគ្នាថា បើខ្មោច ស្រុកមិនបើកដៃ ក៏ខ្មោចព្រៃមិនហ៊ានចូលលួចដែរ ពោលគឺសង្ស័យមានការស៊ំគ្រលំគ្នាក្នុងផលប្រយោជន៍ណាមួយ ទើបបាត់វត្ថុតាងស្រស់ៗបែបនេះ ? ។
ជុំវិញករណីនេះការិយាល័យនិពន្ធសារព័ត៌មាន មាតុភូមិ មិនអាចសុំការបំភ្លឺពី លោក ខៀវ ចន្ទី នាយសង្កាត់រដ្ឋបាលព្រៃឈើ ស្រុកបកែវបានទេ ព្រោះពុំមានលេខទាក់ទូរស័ព្ទទាក់ទង ។ តែបើមាន ប្រតិកម្មតបបំភ្លឺ ការិយាល័យយើង នឹងធ្វើការចុះផ្សាយបំភ្លឺជូន នៅពេលក្រោយ ព្រោះការរិះគន់គឺដើម្បីស្ថាបនាជួយដល់សង្គម និងរាជរដ្ឋាភិបាលយើងតែប៉ុណ្ណោះ ។ ដូច្នេះចំពោះ ករណីខាងលើនេះគឹជារឿងធំ ដែលទៀមទារអោយស្ថាប័ន ពាក់ព័ន្ធគួរធ្វើការសុើបអង្កេត ពិសេស ក្រសួងកសិកម្ម រុក្ខា ប្រមាញ់ ដែលមានលោកកុង្សីយ៍ វ៉េង សាខុន និង លោកនាយ ឧត្តមសេនីយ៍ សៅ សុខា អគ្គមេបញ្ជាការកងទព័ ដែលជាប្រធានគណៈកម្មាធិការបង្ក្រាបបទល្មើសព្រៃ ឈើទូទាំងប្រទេស ជាអ្នកទទួលខុសត្រូវក្នុងការដឹកនាំការ អនុវត្តបទបញ្ជារបស់សម្តេចតេជោ ហ៊ុន សែន អោយមាន ប្រសិទ្ធភាពនោះ ចេញមុខបើកការស៊ើបអង្កេតករណីនេះ ដើម្បីបង្ហាញការពិតដល់សាធារណជនផង ៕ ដោយៈ សុផល Tel: 012 953 824
