រដ្ឋបាលស្រុកមុខកំពូល សម្រេចបញ្ឈប់ការងារក្រុមសណ្តាប់ធ្នាប់ចំនួន០២រូប ភ្លាមៗបន្ទាប់ពីបែករឿងដើរទាលុយដាក់ខែពីអាជីវករលក់មុខរោងចក្រថាអភិបាលស្រុកនិខេត្តកណញតាលឲ្យយក!?

ខេត្តកណ្តាល ៖ រដ្ឋបាលស្រុកមុខកំពូល បានចេញសេចក្តីជូនដំណឹងជាផ្លូវការ សម្រេចបញ្ឈប់ការងារក្រុមសណ្តាប់ធ្នាប់ចំនួន០២រូប ភ្លាមៗ ចាប់ពីថ្ងៃជូនដំណឹងនេះតទៅ ក្រោយរកឃើញថា បានប្រព្រឹត្តអំពើផ្ទុយនឹងបទបញ្ជា វិន័យការងារ និងគោលការណ៍រដ្ឋបាល។ 

មន្ត្រីដែលត្រូវបញ្ឈប់ការងាររួមមាន៖១. ឈ្មោះ ប៉ែន រុន។២. ឈ្មោះ អៀន សម្បត្តិ ហៅ សុខ សុផល។ក្នុងនោះ រដ្ឋបាលស្រុកមុខកំពូលបានបញ្ជាក់ថា ការសម្រេចនេះ គឺដើម្បីពង្រឹងវិន័យ ការអនុវត្តការងារ និងរក្សាកិត្តិយសរបស់អង្គភាពរដ្ឋបាលឱ្យមានតម្លាភាព និងប្រសិទ្ធភាពក្នុងការបម្រើប្រជាពលរដ្ឋ។

សូមបញ្ជាក់ថាអ្នកប្រមូលលុយនៅលើដងផ្លូវជាតិលេខ៦ ត្រង់ចំណុចមុខរោងចក្រ”ស៊ីហាវ ហ៊ែនប៊ែក.ឯ.ក” អតីតរោងចក្រក្ដារបន្ទះ នៃស្រុកមុខកំពូល ឈ្មោះលោក សុខ សុផលបានទទួលស្គាល់ថា ខ្លួនពិតជាបានយកលុយដាក់ខែពីអ្នកលក់ទំនិញ.បន្លែ.ផ្លែឈើ. ប្រាកដមែន..!!។a money kompoul

លោក សុខ សុផលប្រាប់កាសែតថា ការកំណត់យកលុយពីអ្នកលក់ដូរ តាមរ៉ឺម៉កម៉ូតូលើដងផ្លូវជាតិបែបនេះ គឺមានរយៈពេល៤ខែមកហើយ!។ លោក សុខ សុផលបញ្ជាក់ថា លុយដែលខ្លួនប្រមូលបានរាល់ខែ គឺយកមកផ្គត់ផ្គង់ដល់រដ្ឋបាលស្រុកមុខកំពូល.!?។

លោក សុខ សុផល បញ្ជាក់ទៀតថា ខ្ញុំយកលុយពីអ្នកលក់ដូរត្រង់ចំណុចខាងលើ ដោយអនុវត្តតាមបទបញ្ជារបស់លោកអភិបាលស្រុក និងឯកឧត្ដម គួច ចំរើន អភិបាលខេត្តកណ្ដាល !។

ករណីមានមនុស្សដើរប្រមូលុយដោយមិនមានការដេញថ្លៃឬមានការគាំទ្រពីក្រសួងហិរញ្ញវត្ថនេះដែរអភិបាលរងស្រុកម្នាក់ បានទទួលស្គាល់ថា គឺមានការយកលុយពិតមែន.!។ពលរដ្ឋដែលលក់ដូរលើដងផ្លូវជាតិលេខ៦ ត្រង់ចំណុចខាងលើ បានលើកឡើងថា ខាងរដ្ឋបាលស្រុកមុខកំពូល ពិតជាបាន កំណត់យកលុយដាក់ខែ ពីពួកខ្លួនប្រាកដមែន.!។

ពលរដ្ឋបន្តថា សម្រាប់អ្នកលក់ដូរតាមរ៉ឺម៉កខ្នាតតូច ឬក្រាលតង់ផ្ទាល់ហ្នឹងដី ១ខែបង់ឱ្យស្រុក.ចំនួន៥០.០០០រៀលជាកំហិត!។ ចំណែករ៉ឺម៉កម៉ូតូ លក់ផ្លែឈើរៀងធំបន្តិច.រ៉ឺម៉កលក់នំប៉័ងសាច់ និងរ៉ឺម៉កលក់ស្លាបមាន់ក្រឡុក ឬប្រហិតចៀនវិញ.គឺ១ខែបង់ចាប់ពី ៧០.០០០រៀលទៅ១០០.០០០រៀលយ៉ាងទៀងទាត់.!។តាមពលរដ្ឋ ការបង់លុយនេះ គឺមាន២ផ្នែកដាច់ដោយឡែកពីគ្នា ជាក់ស្តែងអ្នកលក់ដូរ នៅតាមចំហៀងប៉ែកខាងកើតនៃផ្លូវជាតិលេខ៦ បង់ឱ្យរដ្ឋបាលស្រុក.ដូចចំនួនខាងលើ.!។

ខណៈអ្នកលក់ដូរ ខាងកើតនេះទៀត គឺតាមបណ្ដោយរបងរោងចក្រ.កាបូប(ស៊ីហាវ ហ៊ែនប៊ែក.ឯ.ក)បង់ឱ្យខាងរោងចក្រ ក្នុង១ខែ ចំនួន២០០.០០០រៀល សម្រាប់១ប្លង់.!។ទាក់ទងព័ត៌មាននេះ ដើម្បីឱ្យមានចម្លើយទាំងសងខាង”អ្នកកាសែត”បានសុំការបំភ្លឺពីលោកស្រី ពៅ ចាន់ថា មេភូមិកណ្ដាលដោយលោកស្រី បានថ្លែងទទួលស្គាល់ថា ពិតជាមានការប្រមូលលុយ ពីអ្នកលក់ដូរលើដងផ្លូវជាតិលេខ៦ ប្រាកដមែន!។

លោកស្រីមេភូមិ បញ្ជាក់ថា ការយកលុយខែទាំងនេះ គឺខាងសណ្ដាប់ធ្នាប់ស្រុក ជាអ្នកយក.ពុំមែនប្រជាការពារឬអាជ្ញាធរភូមិ.នោះទេ.!។លោក ហុង គីរី អភិបាលរងស្រុកមុខកំពូលបានប្រាប់កាសែតថា បើមិនយកលុយពីពួកគាត់ តើឱ្យពួកគាត់.លក់ដូរអាណាធិបតេយ្យឬយ៉ាងណា.?។