វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 268 នាក់
ម្សិលមិញ 5020 នាក់
សរុប 14115715 នាក់
អាមេរិក៖ ក្រសួងការបរទេសអាមេរិកបានឲ្យដឹថា រដ្ឋាភិបាលរុស្ស៊ីបានបណ្តេញមន្ត្រីទូតអាមេរិកឋានៈខ្ពស់បំផុតទីពីរ ចេញពីស្ថានទូតអាមេរិកប្រចាំនៅទីក្រុងមូស្គូក្នុងពេលដែល លោកប្រធានាធិបតីអាមេរិកលោក ចូ បៃដិន បានព្រមានថា ការគំរាមកំហែងនៃការឈ្លានពានរបស់រុស្ស៊ីលើអ៊ុយក្រែននៅតែមាន«ខ្ពស់បំបផុត»។
សារព័ត៌មាន CBS News នៅយប់ថ្ងៃព្រហស្បតិ៍ ទី១៧ ខែកុម្ភៈ ឆ្នាំ២០២២បានឲ្យដឹងថា៖អ្នកនាំពាក្យក្រសួងការបរទេសបាននិយាយថា លោក Bart Gorman ដែលជាអនុប្រធានបេសកកម្មរបស់សហរដ្ឋអាមេរិកប្រចាំនៅប្រទេសរុស្ស៊ី ត្រូវបានបណ្តេញចេញពីរដ្ឋធានីរុស្ស៊ីនៅថ្ងៃព្រហស្បតិ៍នេះ។
នៅក្នុងសេចក្តីថ្លែងការណ៍អ្នកនាំពាក្យបានសង្កត់ធ្ងន់ «សកម្មភាពរបស់រុស្ស៊ីប្រឆាំងនឹងលោក Gorman គឺមិនសមហេតុផល ហើយយើងបាន ចាត់ទុកវាជាជំហានបង្កើនភាពតានតឹង ហើយកំពុងពិចារណាលើការឆ្លើយតប ដែលអាចថានឹងបណ្តេញមន្ត្រីទូតរុស្ស៊ីនៅទីក្រុងវ៉ាស៊ីនតោនជាការសងសឹក»។
គួរបញ្ជាក់ថា ការបណ្តេញនេះ ធ្វើឡើងនៅពេលដែលសហរដ្ឋអាមេរិក និងអង្គការណាតូ(NATO)ព្រមានថា រុស្ស៊ីកំពុងរៀបផែនការសម្រាប់ការឈ្លានពាន និងបង្កើនវត្តមានកងទ័ពរបស់ខ្លួននៅតាមព្រំដែនអ៊ុយក្រែន បើទោះបីជាមានការធានាពីរុស្ស៊ីកាលពីដើមសប្តាហ៍ថា ខ្លួនកំពុងដកកងកម្លាំងចេញវិញក៏ដោយ៕