វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3077 នាក់
ម្សិលមិញ 10264 នាក់
សរុប 14142259 នាក់
អាមេរិក៖ប្រធានាធិបតីអាម៉េរិកដូណាល់ ត្រាំបានចុះហត្ថលេខាលើក្រឹត្យមួយដើម្បីដាក់ទណ្ឌកម្មទិដ្ឋាការលើប្រទេសណាដែលបដិសេធឬគិតចង់ពន្យារពេលមិន ទទួលយកពលរដ្ឋរបស់ពួកគេ ដែលធ្វើដំណើរចេញពីសហរដ្ឋអាម៉េរិកក្នុងពេលមានការរីករាលដាលនៃជំងឺកូវីដ១៩។
កាលពី ថ្ងៃសុក្រទី១០មេសាលោកប្រធានាធិបតីត្រាំបញ្ជាក់ថា “បណ្តាប្រទេសដែលបដិសេធឬពន្យារពេលមិនសមហេតុផលក្នុងការទទួលយកពលរដ្ឋ ប្រជារាស្ត្រ ជនជាតិ ឬ អ្នកស្រុករបស់ពួកគេពីសហរដ្ឋអាម៉េរិកក្នុងអំឡុងពេលជំងឺរាតត្បាត ដែលបង្កឡើងដោយមេរោគ SARS-CoV-2 គឺបង្កើតហានិភ័យសុខភាពសាធារណៈមិនអាចទទួលយកបានចំពោះជនជាតិអាម៉េរិក។ សហរដ្ឋអាម៉េរិកត្រូវតែអាចមានសិទ្ធិអំណាចធ្វើមាតុភូមិនិវត្តន៍ជនបរទេសណា ដែលបានរំលោភច្បាប់របស់សហរដ្ឋអាម៉េរិក”។
ផ្អែកតាមឯកសារអនុស្សរណៈនេះ រដ្ឋមន្ត្រីការបរទេសអាមេរិកអាច “អនុម័តនិងផ្តួចផ្តើមផែនការដាក់ទណ្ឌកម្មទិដ្ឋាការដែលមានចែងក្នុងមាត្រាទី ២៤៣ (D) នៃច្បាប់ស្តីពីអន្តោប្រវេសន៍និងសញ្ជាតិ” គឺមិនលើសពី ៧ ថ្ងៃបន្ទាប់ពីទទួលបានការជូនដំណឹងពីរដ្ឋមន្ត្រីក្រសួងសន្តិសុខមាតុភូមិអាមេរិក។
អនុស្សរណៈនេះក៏បានបញ្ជាក់ផងដែរថា ទណ្ឌកម្ម ដែលត្រូវបានដាក់នេះ អាច “នឹងលែងអនុវត្ត ប្រសិនបើរដ្ឋមន្ត្រីក្រសួងសន្តិសុខមាតុភូមិជូនដំណឹងដល់រដ្ឋមន្ត្រីការបរទេសថា ប្រទេសបរទេសមួយនោះបានបន្តទទួលយកជនបរទេស ដោយគ្មានការពន្យាពេលមិនហេតុផល”។
អនុស្សរណៈនេះគ្រោងនឹងឈប់អនុវត្តនៅថ្ងៃទី ៣១ ខែធ្នូឆ្នាំ ២០២០ លើកលែងតែមានការពន្យារពេលណាមួយ។សូមបញ្ជាក់ថាចំនួនអ្នកឆ្លងវីរុសកូវីដនៅអាមេរិច បានកើនលើស ៥០០.០០០នាក់នៅថ្ងៃសុក្រនេះ (ថ្ងៃសៅរ៍នៅខ្មែរ) បើទោះបីជាមានសញ្ញាបង្ហាញថា ការស្នាក់នៅផ្ទះរបស់ប្រជាពលរដ្ឋអាមេរិច កំពុងតែជួយទប់ស្កាត់ការឆ្លងថ្មីក៏ដោយ។
ចំនួនអ្នកឆ្លងវីរុសកូរ៉ូណាថ្មី បានកើនឡើងពី ៣០.០០០ ទៅ ៣៥.០០០នាក់ក្នុងមួយថ្ងៃ ខណៈដែលមានការធ្វើតេស្តកាន់តែច្រើន។ចំណែកចំនួនអ្នកស្លាប់ បានហក់ឡើងមកដល់ ១៨.៦០០នាក់ ខណៈដែលមន្ត្រីអាមេរិច បានធ្វើការព្រមានថា ចំនួនអ្នកស្លាប់ទំនង ជានឹងហក់ឡើងខ្ពស់ខ្លាំងនៅក្នុងសប្តាហ៍នេះ បន្ទាប់មកនឹងធ្លាក់ចុះវិញ ដោយសារតែមានភស្ថុតាងបង្ហាញថា ចំនួនអ្នកឆ្លងថ្មីធ្លាក់ចុះនៅ New York។ទោះជាយ៉ាងណាអាមេរិកបានប្រលកាសថាអាមេរិកមិនបានបាត់ការគ្រប់គ្រងទេគឺមានកម្លាំងត្រៀមប្រយុទ្ធគ្រប់គ្រាន់ជានិច្ច។