វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1274 នាក់
ម្សិលមិញ 6501 នាក់
សរុប 13949829 នាក់
អង់គ្លេស៖ ប្រទេសអង់គ្លេសបានប្រកាសកាលពីថ្ងៃសុក្រទី២៩មករា ថា ខ្លួននឹងចេញទិដ្ឋការថ្មី បើកសិទ្ធិឱ្យប្រជាជនហុងកុងអាចដាក់ពាក្យសុំធ្វើការ និងរស់នៅក្នុងប្រទេសខ្លួនដែលជាការឆ្លើយតបនឹងជាការដាក់ទណ្ឌកម្មប្រឆាំងច្បាប់សន្តិសុខជាតិរបស់ទីក្រុងប៉េកាំង មកលើក្រុមបាតុករហុងកុងជាច្រើននាក់។
លោក Boris Johnsonនាយករដ្ឋមន្ត្រីអង់គ្លេស បាននិយាយក្នុងសេចក្តីថ្លែងការណ៍ “ការបង្កើតទិដ្ឋាការថ្មីសម្រាប់ប្រជាជនហុងកុង គឺបានផ្តល់កិត្តិយសខ្លាំងណាស់ដល់ប្រទេសអង់គ្លេស ក្នុងការពង្រឹងចំណងមិត្តភាពដែលមានយូរណាស់មកហើយជាមួយប្រជាជនហុងកុង ក្នុងការក្រោកឈរឡើង ដើម្បីសេរី និងស្វ័យភាព”។
ទាក់ទងនិងការរិតត្បិតសេរីភាពតាមរយៈដាក់ចេញច្បាប់សន្តិសុខថ្មីពីទីក្រុងប៉េកាំងលើទីក្រុងហុងកុងដែលជាការរំលោភកិច្ចសន្យាប្រទេសមួយប្រពន្ធ័គ្រប់គ្រងពីរដែលចិនសន្យាជាមួយប្រទេសអង់គ្លេស ពេលទទួលក្រុងហុងកុងមកគ្រប់គ្រងកាលពីឆ្នាំ១៩៩៧ ក្រុមសិទ្ធិមនុស្ស និងបណ្ដាប្រទេសលោកខាងលិចបានធ្វើការថ្កោលទោសយ៉ាងខ្លាំង ចំពោះច្បាប់សន្តិសុខជាតិ ដែលប្រទេសចិនបានដាក់មកលើប្រជាជនហុងកុង ក្នុងន័យចង់បំបិទសំឡេងប្រឆាំងរបស់ក្រុមបាតុករហុងកុង ហើយចិនអាចធ្វើខុសនឹងសេចក្តីប្រកាសរួមរវាងចិន - អង់គ្លេស (ប្រទេសមួយ ប្រព័ន្ធ ២) ចុះហត្ថលេខាក្នុងឆ្នាំ ១៩៨៤។
គួរជម្រាបដែរ ក្រោមទិដ្ឋាការថ្មីរបស់ប្រទេសអង់គ្លេសនេះ ប្រជាជនហុងកុងដែលមានកាន់លិខិតឆ្លងដែន BNO (Hong Kong British National Overseas) និងសមាជិកគ្រួសារពេញសិទ្ធរបស់ពួកគេ នឹងអាចដាក់សុំធ្វើការ និងរស់នៅក្នុងប្រទេសអង់គ្លេសចាប់ពីថ្ងៃអាទិត្យស្អែកនេះទៅបាន។ទោះជាយ៉ាងណាគេមិនដឹងថាតើប្រទេសចិនអនុញ្ញាឲ្យប្រជាជនហុងកុងអាចចាកចេញដែរឬអត់នោះទេបើទោះបីជាំមានវិសាក៏ដោយ?។