វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 518 នាក់
ម្សិលមិញ 2161 នាក់
សរុប 13418185 នាក់
ថៃ ៖មេដឹកនាំសំខាន់ៗ៦រូបនៃក្រុមគណបក្សប្រឆាំងថៃ៖យោធាថៃបានដាក់បណ្តឹងបះបោរក្រោយពីពួកគេបានជួបជុំគ្នាជជែកអំពីការរំលាយចោលអំណាចយោធាខ្លះនៅចុងខាងត្បូងប្រទេស។
ក្នុងសិក្ខាសាលាមួយកាលពីថ្ងៃ២៨កញ្ញា នៅទីក្រុងប៉ាតានីក្នុងខេត្តប៉ាតានី ដែលមានការចូលរួមពីអ្នកនយោបាយក្រុមប្រឆាំងរបស់មហាសេដ្ឋីក្មេងលោក ថាណាថន រឿងរុងរឿងគិតនិងបក្សលំដាប់ទី១ភឿថៃ បានពិភាក្សាអំពីលទ្ធភាពនៃការធ្វើវិសោធនកម្មរដ្ឋធម្មនុញ្ញថៃដែលសរសេរឡើងដោយក្រុមយោធា។
អ្នកជំនាញការច្បាប់របស់យោធាថៃម្នាក់បាននិយាយថា «ផ្នែកនៃការជជែកពិភាក្សានោះបានធ្វើអោយខុសការពិតដែលនឹងនាំដល់ចល្លាចល ការមិនគោរពសណ្តាប់ធ្នាប់ ឬអាចបង្កភាពវឹកវរនៅក្នុងព្រះរាជាណាចក្រថៃថែមទៀត»។ទោសបះបោរប្រឆាំងអាចនាំអោយជនត្រូវចោទជាប់គុក៧ឆ្នាំ។
មេដឹកនាំ៥រូបទៀតមកពីក្រុមប្រឆាំងថៃ ក៏រងការចោទប្រកាន់ដូចគ្នា រួមទាំងសាស្ត្រាចារ្យជាច្រើននាក់ផង។អ្នកជាប់ចោទម្នាក់មកពីគណបក្សប្រឆាំងភឿថៃបាននិយាយថា ចំណាត់ការនេះបានបង្ហាញអំពីការបិទខ្ទប់«សេរីភាពនៃការបញ្ចេញមតិ»ទោះជារបបយោធាបានបញ្ចប់ទៅហើយក្តី។សូមបញ្ជាក់ថាមានមនុស្សជាង៧.០០០នាក់ត្រូវបានសម្លាប់នៅក្នុងអំពើហិង្សាអស់ពេល១៥ឆ្នាំកន្លងមកនេះនៅបណ្តាខេត្តភាគខាងត្បូងប្រទេសថៃជាប់ព្រំដែនម៉ាឡេស៊ី ។
អាជ្ញាធរថៃខិតខំទប់ស្កាត់ការបះបោរផ្តាច់ទឹកដីពីសំណាក់អ្នកស្រុកអ៊ីស្លាមដែលមិនពេញចិត្តនឹងការគ្រប់គ្រងរបស់រដ្ឋាភិបាលថៃ ដែលនិយមសាសនាព្រះពុទ្ធ។សូមបញ្ជាក់ថាលោកថាណាថន បានបង្កើតគណបក្សអនាគតឆ្ពោះទៅមុខកាលពីឆ្នាំទៅ។អ្វីដែលគួរចាប់អារម្មណ៍គឺគណបក្សនេះទទួលបាន សម្លេងគាំទ្រលំដាប់ទី៣ក្នុងការបោះឆ្នោតកាលពីខែមីនាឆ្នាំ២០១៨។