វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2271 នាក់
ម្សិលមិញ 5544 នាក់
សរុប 13943368 នាក់
ប្រទេសចិន៖បុរសជនជាតិចិនម្នាក់ ត្រូវបានសមត្ថកិច្ចធ្វើការចាប់ឃាត់ខ្លួន ដោយសារតែដាក់ឈ្មោះឲ្យឆ្កែជាទីស្រលាញ់របស់ខ្លួនដូចឈ្មោះមន្ត្រីក្នុងតំបន់។
បុរសម្ចាស់ឆ្កែមានឈ្មោះថា លោកបាន( Ban )មានអាយុ ៣១ឆ្នាំ រស់នៅក្នុងទីក្រុងហ្វូយ៉ាង( Fuyang) ខេត្តអានហ្វី( Anhui) ប្រទេសចិន។
សារព័ត៌ចិនសូហ៊ូ( Sohu News) បានរាយការណ៍ឲ្យដឹងថា អាជ្ញាធរក្នុងតំបន់មិនសប្បាយចិត្ត ក្រោយបានដឹងថា លោកបាន( Ban)ដែល បានសរសេរបង្ហោះនៅលើបណ្តាញសង្គមចិន ករណីយ៍សត្វឆ្កែចិញ្ចឹមរបស់លោកមាន ឈ្មោះថាចេនហ្គួន( Chengguan) បានលួចស្បែកជើង និងខាំគ្នាជាមួយនឹងឆ្កែមួយក្បាលទៀតឈ្មោះថាសៀហ្គួន( Xieguan )។
អ្វីដែលធ្វើឲ្យក្រុមមន្ត្រីខឹងគឹ ក៏ដោយសារតែឈ្មោះឆ្កែទាំងពីរក្បាលខាងលើនេះ មានឈ្មោះដូចទៅនឹងក្រុមមន្ត្រីដែលបម្រើការក្នុងតំបន់។ ជាក់ស្តែង ឈ្មោះ ចេនហ្គួន( Chengguan) គឺជាឈ្មោះដែលសំដៅទៅលើក្រុមមន្ត្រីគ្រប់គ្រងក្នុងទីក្រុង ឬក្រុមមន្ត្រីដែលដោះស្រាយឧក្រិដ្ឋកម្មកម្រិតទាប (Tackle low-level crime) ។ ចំណែកឯឈ្មោះសៀហ្គួន «Xieguan» គឺជាឈ្មោះដែលសំដៅទៅលើខាងក្រុមមន្ត្រីសណ្ដាប់ធ្នាប់ចរាចរណ៍។
លោកបាន( Ban) បាននិយាយថាគាត់ពិតជាមិនបានដឹងទាល់តែសោះថា វាខុសច្បាប់នោះទេ?។ លោកដាក់ឈ្មោះឲ្យពួកវាដើម្បីឲ្យប្លែកប៉ុណ្ណោះ និងពុំមានចេតនាណាមួយឡើយ។ លោក Ban នៅតែឆ្លើយអះអាងថា លោកមិនដឹងទេថាគ្រាន់តែដាក់ឈ្មោះឲ្យឆ្កែប៉ុណ្ណឹង ក៏ខុសច្បាប់ដែរនោះ។