វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 166 នាក់
ម្សិលមិញ 6501 នាក់
សរុប 13948721 នាក់
វៀតណាម ៖ រដ្ឋមន្ត្រីវៀតណាមម្នាក់រងការរិះគន់យ៉ាងចាស់ដៃ បន្ទាប់ពីលេចធ្លាយវីដេអូមួយបានបង្ហាញសកម្មភាពទទួលទានស្តេកសាច់គោ (Steak) ស្រោបសន្លឹកមាសដ៏មានតម្លៃថ្លៃបំផុតចំអិនដោយមេចុងភៅល្បីឈ្មោះ Nusret Gokce ដែលគ្រប់គា្នស្គាល់ថា «Salt Bae»។
ឃ្លិបវិដេអូបង្ហាញថា៖លោកឧត្តមសេនីយ៍តូឡាំ( To Lam) រដ្ឋមន្ត្រីសន្តិសុខសាធារណៈកំពុងបរិភោគអាហារនៅភោជនីយដ្ឋាន Nusr-e ដ៏ថ្លៃបំផុតរបស់ចុងភៅ Nusret Gokce ដែលមានមូលដ្ឋាននៅទីក្រុងឡុងដ៍ កំពុងក្លាយជាប្រធានបទក្តៅគគុកលើបណ្តាញសង្គម។ វីដេអូនោះ បានបង្ហោះនៅលើគណនី TikTok របស់មេចុងភៅ Nusret Gokce ប៉ុន្តែត្រូវបានលុបចេញវិញ ក្រោយទាក់ទាញចំណាប់អារម្មណ៍យ៉ាងខ្លាំងពីប្រព័ន្ធផ្សព្វផ្សាយ។
ប្រភពពីសារពត៍មាន BBC បានឱ្យដឹងថា ស្តេកស្រោបមាសដែលរដ្ឋមន្ត្រីរូបនោះបរិភោគមានតម្លៃចន្លោះពី១,១៤០ដុល្លារដល់ ២,០១៥ដុល្លារ ដែលពុំទាន់រាប់បញ្ចូលតម្លៃភេសជ្ជៈ និងសេវាកម្មផ្សេងទៀត។រដ្ឋមន្ត្រីរូបនោះរងការរិះគន់ពីសំណាក់មហាជនជុំវិញសកម្មភាពគាត់ ខណៈប្រាក់ខែរបស់រដ្ឋមន្ត្រីមានចន្លោះពី៦០០ដុល្លារ ទៅ៨០០ដុល្លារប៉ុណ្ណោះក្នុងមួយខែ មុនទទួលបានប្រាក់ឧបត្ថម្ភណាមួយពីរដ្ឋាភិបាល។
ម្ចាស់គណនីហ្វេសប៊ុកឈ្មោះថា Mung Tin Ngo បានសរសេរថា «វៀតណាមនៅតែក្រ ប៉ុន្តែរដ្ឋមន្ត្រីគឺមានជីវិតប្រណីតខ្លាំងណាស់»។ ចំណែកឯបុរសម្នាក់ទៀត ដែលមិនបញ្ចេញឈ្មោះបានថ្លែងប្រាប់វិទ្យុមួយថា លុយពន្ធរបស់ខ្ញុំបែរជាត្រូវបានគេប្រើប្រាស់សម្រាប់ការរស់នៅដ៏ប្រណីតបែបនេះទៅវិញ»។ (ប្រភពពី BBC)