សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 1743 នាក់

ម្សិលមិញ 5020 នាក់

សរុប 14117190 នាក់

កូនស្រីលោក Duterte សម្រេចចិត្តមកឈរឈ្មោះបោះឆ្នោត ប្រធានាធិបតី ហ្វីលីពីនប្រជែងស្តេចប្រដាល់

27-March-2024 / ព័ត៌មានអន្តរជាតិ

ប្រទេសហ្វីលីពីន៖កូនស្រីប្រធានាធិបតី ហ្វីលីពីន Rodrigo Duterte នឹងឈរឈ្មោះជាបេក្ខជនប្រធានាធបិតីក្នុងការបោះឆ្នោតឆ្នាំក្រោយ ហើយជំនួយការយូរអង្វែងរបស់ឪពុកនាង នឹងឈរឈ្មោះប្រជែងតំណែងអនុប្រធានាធិបតីដែលមុននេះលោកឌុទឺតេប្រកាសឈរ។ a duter daughter1

លោក រ៉ូឌ្រីហ្គោ ឌូតឺតេ (Rodrigo Duterte) ប្រធានាធិបតីហ្វីលីពីន បានប្រកាសចូលនិវត្តន៍ពីឆាកនយោបាយកាលពីថ្ងៃសៅរ៍ ខណៈកន្លងមកលោកមានបំណងចង់ធ្វើជាអនុប្រធានាធិបតីសម្រាប់ការបោះឆ្នោតជ្រើសរើសអ្នកកាន់តំណែងកំពូលនៅក្នុងប្រទេសអាស៊ីអាគ្នេយ៍ដីកោះមួយនេះ។នៅហ្វីលីពីន អាណត្តិប្រធានាធិបតីមានរយៈពេល ៦ ឆ្នាំ ប៉ុន្តែអាចឡើងកាន់បានតែ ១ អាណត្តិប៉ុណ្ណោះ ចំណែកឯអនុប្រធានាធិបតីវិញមានអាណត្តិ ៦ ឆ្នាំដូចគ្នា តែអាចកាន់បាន ២ អាណត្តិ និងមានការបោះឆ្នោតផ្សេងពីប្រធានាធិបតី។ បន្ថែមពីនេះទៅទៀត អនុប្រធានាធិបតីហ្វីលីពីនអាចមកពីគណបក្សផ្សេងគ្នាពីប្រធានាធិបតី។

«ប្រជាជនហ្វីលីពីនជាច្រើនមានអារម្មណ៍ថា ខ្ញុំមិនស័ក្ដិសម [ធ្វើជាអនុប្រធានាធិបតី] ហើយការឈរឈ្មោះបែបនេះជាការរំលោភរដ្ឋធម្មនុញ្ញ ពោលគឺកេងប្រវ័ញ្ចចន្លោះប្រហោងនៃច្បាប់នេះ ដែលស្មើនឹងល្មើសនឹងស្មារតីរបស់រដ្ឋធម្មនុញ្ញ»។ នេះជាការលើកឡើងរបស់លោក ឌូតឺតេ។លោកបានបន្តថា «ដើម្បីជាការគោរពដល់ឆន្ទៈប្រជាជន ដែលគាំទ្រទុកចិត្តខ្ញុំសម្រាប់តំណែងជាប្រធានាធិបតីជាច្រើនឆ្នាំមុន ខ្ញុំនៅពេលនេះសូមនិយាយទៅកាន់បងប្អូនជនរួមជាតិថា ខ្ញុំនឹងដើរតាមបំណងរបស់បងប្អូន ហើយថ្ងៃនេះ ខ្ញុំប្រកាសចូលនិវត្តន៍ពីឆាកនយោបាយ»។ លោក ឌូតឺតេ ប្រកាសចូលនិវត្តន៍ ធ្វើឡើងអំឡុងពេលដែលអ្នកនយោបាយដ៏ជំនិតរបស់លោកគឺ សមាជិកព្រឹទ្ធសភាលោក បុង ហ្គោ (Bong Go) ដាក់ពាក្យធ្វើជាបេក្ខភាពសម្រាប់តំណែងអនុប្រធានាធិបតីទៅកាន់គណៈកម្មការរៀបចំការបោះឆ្នោតនៅហ្វីលីពីន។

លោក ហ្គោ ដំបូងឡើយត្រូវបានគណបក្សកាន់អំណាច PDP-Laban បក្ខពួករបស់លោក ឌូតឺតេ ផ្ដល់សេចក្ដីទុកចិត្តសម្រាប់បេក្ខភាពប្រធានាធិបតី តែលោកបដិសេធមិនទទួលឡើយ ដោយនៅកាលនោះ លោកប្រាប់ថា លោកនៅផ្ដោតលើការងារព្រឹទ្ធសភាហ្វីលីពីន និងគណៈកម្មការសុខភាពសាធារណៈរបស់ស្ថាប័ននីតិប្បញ្ញត្តិនេះ។នៅពេលដាក់ពាក្យធ្វើអនុប្រធានាធិបតី លោក ហ្គោ បានលើកឡើងថា លោកឈរឈ្មោះសម្រាប់តំណែងកំពូលលំដាប់ទី២ នេះ ក៏ព្រោះតែ លោកចង់បន្តកម្មវិធីនយោបាយរបស់លោក ឌូតឺតេ ដែលមានដូចជា យុទ្ធនាការប្រឆាំងគ្រឿងញៀន និងអំពើពុករលួយជាដើម។

សម្រាប់លោកស្រី Duterte-Carpio បានទៅដល់ការិយាល័យបោះឆ្នោតក្នុងឧទ្យាន Magsaysay Park ដើម្បីដាក់ពាក្យឈរឈ្មោះជាផ្លូវការនៅម៉ោងប្រហែល ៤រសៀល។បច្ចុប្បន្នលោកស្រីសារ៉ាឌុទឺតេកាព្យូ( Sara Duterte-Carpio )គឺជាចៅហ្វាយក្រុងដាវ៉ាវ( Davao )ដែលជាទីក្រុងធំលំដាប់ទី ៣ របស់ហ្វីលីពីន។កន្លងមកលោកស្រីធ្លាប់បាននិយាយថា លោកស្រីនឹងមិនឈរឈ្មោះប្រជែងតំណែងប្រធានាធិបតីឆ្នាំក្រោយទេ(តាមទំនងដោយសារលោកឌុយទឺតេប្រកាសឈរជាបេក្ខជនអនុប្រធានាធិបតី)។

នៅក្នុងការបង្ហោះ Facebook ចៅហ្វាយក្រុងរូបនេះ បានអរគុណដល់អ្នកគាំទ្រ ចំពោះភាពជឿជាក់និងទំនុកចិត្តរបស់ពួកគេ។គួរបញ្ជាក់ថា លោកស្រី Duterte-Carpio បានជាប់ឆ្នោតលើកដំបូងជាអភិបាលក្រុង Davao ចាប់ពីឆ្នាំ២០១០ ដល់ឆ្នាំ២០១៣។គណៈកម្មការរៀបចំការបោះឆ្នោតហ្វីលីពីនឈប់ទទួលការដាក់ពាក្យធ្វើជាបេក្ខភាពប្រធានាធិបតី នៅថ្ងៃសុក្រសប្ដាហ៍នេះ ប៉ុន្តែគណបក្ស ឬ បេក្ខភាពនីមួយៗអាចដោះដូរបានរហូតដល់ថ្ងៃទី ១៥ ខែវិច្ឆិកា។

គណបក្ស PDP-Laban នៅពេលនេះក៏កំពុងមានភាពប្រេះឆា ដោយបែងចែកបក្ខពួករវាងលោក ម៉ានី ប៉ាគីអៅ (Manny Pacquiao) និងបក្ខពួកលោក ឌូតឺតេ។កាលពីថ្ងៃសុក្រ សប្ដាហ៍មុន លោក ប៉ាគីអៅ បានដាក់ពាក្យជាផ្លូវការ ដើម្បីឈរជាប្រធានាធិបតីសម្រាប់ការបោះឆ្នោតឆ្នាំក្រោយ។ លោកឈរឈ្មោះ ក្រោមស្លាកគណបក្ស PDP-Laban ជាសម្ព័ន្ធនឹងគណបក្ស ២ផ្សេងទៀត។ ដៃគូឈរឈ្មោះជាអនុប្រធានាធិបតីរបស់លោកគឺ Lito Atienza ដែលជាអនុប្រធានសភាជាន់ទាបហ្វីលីពីន និងជាអតីតអភិបាលក្រុងម៉ានីល៕ a duter daughter