វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2453 នាក់
ម្សិលមិញ 6677 នាក់
សរុប 14150029 នាក់
មីយ៉ាន់ម៉ា៖អតីតមេដឹកនាំប្រទេសមីយ៉ាន់ម៉ា(ភូមា)លោកស្រីអ៊ុងសានស៊ូជីត្រូវបានលើកលែងទោសចំពោះបទល្មើសចំនួន៥ ករណី នៅក្នុងចំណោមបទចោទចំនួន១៩ករណីដែលតុលាការយោធាបានកាត់ទោសលោកស្រីឱ្យជាប់ពន្ធនាគាររយៈពេល៣៣ឆ្នាំ។
ការបន្ធូបន្ថយស្ថានទម្ងន់ទោសនេះ បានប្រកាសឱ្យដឹងភ្លាមៗនៅថ្ងៃអង្គារ ទី១ ខែសីហា ឆ្នាំ២០២៣។ប្រភពពីបណ្តាញផ្សព្វផ្សាយរបស់រដ្ឋមីយ៉ាន់ម៉ា បានលើកឡើងឱ្យដឹង ថា ការលើកលែងទោសនេះ មានន័យសំដៅទៅការបន្ធូបន្ថយស្ថានទម្ងន់នៅក្នុងលក្ខខណ្ឌការអនុវត្តទោសរហូតដល់ទៅ៦ឆ្នាំនេះបើយោងតាមការលើកឡើងរបស់អ្នកនាំពាក្យរបបសឹកឈ្មោះលោក ស័រ មីនទុន (Zaw Min Tun) ប្រាប់ដល់ប្រព័ន្ធផ្សព្វផ្សាយមួយមានឈ្មោះ អេឡេវេន មេឌា(Eleven Media Group)នៅរសៀលថ្ងៃនេះ។
អ្នកនាំពាក្យដដែលរូបនេះបានគូសបញ្ជាក់ថា លោកប្រធានក្រុមប្រឹក្សារដ្ឋបានលើកលែងទោសដល់លោកស្រី អ៊ុងសានស៊ូជី។ ម្យ៉ាងទៀត ក៏មានការលើកលែងទោសដល់អតីតប្រធានាធិបតីមីយ៉ាន់ម៉ាដែរ គឺលោក វីន ម្យីន(Win Myint) ដែលបានឃាត់ខ្លួនក្នុងថ្ងៃតែមួយជាមួយនឹងលោកស្រីអ៊ុងសានស៊ូជីនេះដែរ កាលពីឆ្នាំ២០២១។ការលើកលែងទោសនេះ ក៏ជាផ្នែកមួយនៃការការលើកលែងទោសដល់ទណ្ឌិតប្រមាណជា ៧,០០០នាក់នៅចំថ្ងៃបុណ្យចូលព្រះវស្សា។
យោងតាមបណ្តាញផ្សព្វផ្សាយរបស់រដ្ឋមីយ៉ាន់ម៉ាឯណោះបានលើកឡើងថា ប្រមុខដឹកនាំយោធា លោក មីងអ៊ុងឡាំង បានទទួលស្គាល់ថា តំបន់ភាគច្រើននៅទូទាំងប្រទេសមិនស្ថិតនៅក្រោមការត្រួតត្រារបស់យោធាទាំងស្រុងនោះទេ ។ ការណ៍នេះមានន័យ មានក្រុមជំទាស់ទៅនឹងរបបសឹកច្រើន។ក្រុមប្រឹក្សាសន្តិសុខ និងការពារជាតិរបស់របបសឹក ឬហៅកាត់ថា (NDSC) បានឯកភាពទៅលើការពន្យាពេលបន្ថែមទៀតអំពីការដាក់រដ្ឋក្នុងសភាពអាសន្ន ដោយបានប្រកាសចាប់ផ្តើមពីថ្ងៃទី១ខែសីហានេះតទៅរយៈពេល៦ខែទៀត។ច្បាប់រដ្ឋធម្មនុញ្ញកាលពីឆ្នាំ២០០៨ដែលបានពង្រាងដោយរបបសឹកនៅតែស្ថិតជាធរមាននៅឡើយ ដោយតម្រូវឱ្យក្រុមអាជ្ញាធររដ្ឋអាចពន្យាពេលបន្ថែមទៀតបាន ខណៈដែលរបបសឹកធ្លាប់បានសន្យាថា ខ្លួននឹងរៀបចំការបោះឆ្នោតនៅក្នុងខែសីហា ក្នុងឆ្នាំ២០២៣នេះ។
គួររំលឹកដែរថា៖ក្រុមយោធាធ្លាប់បានត្រួតត្រាប្រទេសមីយ៉ាន់ម៉ាអស់រយៈពេលជាច្រើនទសវត្សរ៍ បន្ទាប់ពីប្រទេសមីយ៉ាន់ម៉ាទទួលបានឯករាជ្យពេញបរិបូណ៌ពីប្រទេសអង់គ្លេសកាលពីឆ្នាំ១៩៤៨បានធ្វើរដ្ឋប្រហារទម្លាកើរដ្ឋាភិបាលលោកស្រីអួងសានស៊ូជីកាលពីខែកុម្ភៈឆ្នាំ២០២១។ ការធ្វើរដ្ឋប្រហារបង្កឲ្យមានការតវ៉ាពីប្រជាពលរដ្ឋមីយ៉ានម៉ា។ក្រុមអ្នកឃ្លាំមើលសិទ្ធិមនុស្សក្នុងស្រុកវិញបានឱ្យដឹងថា ការបង្ក្រាបរបស់យោធាទៅលើក្រុមប្រឆាំងវិញ បានបង្កឱ្យស្លាប់មនុស្សកើនឡើងដល់ជាង៣,៨០០នាក់ហើយនិងច្រើនជាង២៤,០០០នាក់ផ្សេងទៀតត្រូវចាប់ខ្លួន។ ខណៈដែលក្រុមយោធាឯណោះវិញបានលើកឡើងថា ពលរដ្ឋស៊ីវិលច្រើនជាង៥,០០០នាក់ត្រូវបានសម្លាប់ដោយក្រុមភេរវជន ចាប់តាំងពីខ្លួនបានឡើងកាន់កាប់អំណាចនោះមក៕ AFP/ CNA/Agencies