វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3633 នាក់
ម្សិលមិញ 8227 នាក់
សរុប 14130514 នាក់
អង់គ្លេស ៖ អាជ្ញធរដែនដីជីប្រ៉ាល់តា( Gibraltar )បានសម្រេចចិត្តដោះលែងកប៉ាល់ដឹកប្រេងអ៊ីរ៉ង់វិញហើយតាមដិការតុលាការដែនដី Gibraltar ទោះបីមានការទទូចសុំពីអាជ្ញាធរអាមេរិកឲ្យឃាត់ទុកក៏ដោយ។
ទីភ្នាក់ងារសារព័ត៌មាន BBC បានរាយការណ៍ថាការសម្រេចចិត្តដោះលែងកប៉ាល់ដឹកប្រេងអ៊ីរ៉ង់វិញ បានធ្វើឡើងបន្ទាប់ពីចក្រភពអង់គ្លេសបានទទួលលិខិតធានាជាលាយលក្ខណ៍អក្សរពីអ៊ីរ៉ង់ ដោយអះអាងថាកប៉ាល់នេះនឹងមិនដឹកជញ្ជូនប្រេងទៅកាន់ ប្រទេសស៊ី រីដែលកំពុងរងការដាក់ទណ្ឌកម្មពីសហភាពអឺរ៉ុបទៀតឡើយ។
លោក ហ្វាបៀន ពីកាដូ នាយករដ្ឋមន្ត្រីជីប្រាល់តា បានសាទរចំពោះសេចក្តីសម្រេចនេះ ដោយនិយាយនៅក្នុងសេចក្តីថ្លែងការណ៍មួយថា “យើងបានដកហូតប្រេងឆៅតម្លៃជាង ១៤០ លានដុល្លារពីរបបអាសាដនៅក្នុងប្រទេសស៊ីរី”។ទោះជាហាមឃាត់មិនបានតែសហរដ្ឋអាមេរិកបានព្រមានលុបចោលទិដ្ឋាការរបស់ក្រុមនាវិកទាំងអស់ នៃកប៉ាល់ដឹកប្រេងអ៊ីរ៉ង់ Grace 1 ដែលត្រូវបានអាជ្ញាធរ Gibraltar ដោះលែងនៅថ្ងៃព្រហស្បតិ៍សប្ដាហ៍នេះ។
សារព័ត៌មាន Sputnik នៅព្រឹកថ្ងៃសុក្រ ទី១៦ ខែសីហា ឆ្នាំ២០១៩បានផ្សាយថា៖នៅក្នុងសេចក្ដីថ្លែងការណ៍របស់ខ្លួន អ្នកនាំពាក្យក្រសួងការបរទេសអាមេរិកលោកស្រី ម័រហ្គែន អ័រតាហ្គឹស (Morgan Ortagus) បានគូសបញ្ជាក់ដូច្នេះថា «កប៉ាល់ដឹកប្រេង Grace 1 បានជួយដល់កងកម្លាំងឆ្មាំបដិវត្តន៍អ៊ីរ៉ង់ តាមរយៈការដឹកជញ្ជូនប្រេងពីអ៊ីរ៉ង់ ទៅកាន់ប្រទេសស៊ីរី... ហើយការធ្វើបែបនេះនឹងបង្កផលវិបាក ធ្ងន់ធ្ងរដល់ក្រុមនាវិកទាំងអស់នៃកប៉ាល់មួយនេះ ដោយពួកគេអាចនឹងប្រឈមមុខ នឹងការលុបចោលទិដ្ឋាការចូលសហរដ្ឋអាមេរិក»។
គួរបញ្ជាក់ថា កប៉ាល់ដឹងប្រេង Grace 1 របស់អ៊ីរ៉ង់ ត្រូវបានកងម៉ារីនអង់គ្លេសរឹបអូស នៅក្នុង ដែនទឹកនៃតំបន់ Gibraltar កាលពីថ្ងៃទី៤ ខែកក្កដាកន្លងទៅ តាមសំណើរបស់សហរដ្ឋអាមេរិក ដែលចោទថាកប៉ាល់នេះរំលោភលើទណ្ឌកម្មសហភាពអឺរ៉ុប ក្នុងការដឹកប្រេងទៅកាន់ប្រទេសស៊ីរី.។ក្រោយមកប្រទេសអ៊ីរ៉ងបានចាប់កប៉ាល់ដឹកប្រេងរបស់អង់គ្លេសវិញជាការសងសឹកក្រោមលេសថាកប៉ាល់អង់គ្លេសបំណងបុកកប៉ាលនេសាទអ៊ីរ៉ង។កបាល់របស់អង់គ្លេសនៅមិនទាន់មានពតិមានថាដោះលែងវិញនោះនៅឡើយទេ៕