វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 770 នាក់
ម្សិលមិញ 5168 នាក់
សរុប 16012904 នាក់
ឥណ្ឌូណេស៊ី៖ មានមនុស្សស្លាប់ និងរាប់រយនាក់ទៀតរងរបួស ដោយគ្រោះរញ្ជួយដីកម្លាំង៦.២រិកទ័រ លើកោះស៊ូឡាវេស៊ី កាលពីយប់រំលងអធ្រាតឆ្លងចូលថ្ងៃសុក្រទី១៥មករា។
យោងតាមទីភ្នាក់ងារឧតុនិយម អាកាសធាតុ និងរូបសាស្ត្រផែនដី ចំណុចកកើតរញ្ជួយដីនេះ ស្ថិតនៅជម្រៅ ១០គីឡូម៉ែត្រ និងមានចម្ងាយប្រហែលជា ៦គីឡូម៉ែត្រពីទីក្រុង Majene ។ ក្រុមប្រឹក្សាជាតិគ្រប់គ្រងគ្រោះមហន្តរាយរបស់ប្រទេសឥណ្ដូនេស៊ី នៅទីក្រុង Majene យ៉ាងហោចណាស់មនុស្ស ៨នាក់បានស្លាប់ ៦៣៧នាក់រងរបួស ហើយប្រជាជន១៥០០០នាក់ផ្សេងទៀត ត្រូវផ្លាស់ប្ដូរទៅរកកន្លែងសុវត្ថិភាព។
មន្ត្រីក្រុមប្រឹក្សាដដែលនេះបានរាយការណ៍ទៀតថា នៅតំបន់ Mamuju ដែលនៅជាប់គ្នានេះ មានមនុស្ស២៦នាក់ផ្សេងទៀតបានស្លាប់ ហើយប្រជាជនរាប់ពាន់នាក់ បានចាកចេញពីផ្ទះសម្បែងរបស់ខ្លួន ដើម្បីរកកន្លែងសុវត្ថិភាព បន្ទាប់ពីមានរញ្ជួយដីដ៏ខ្លាំងក្លាមួយបានវាយប្រហារ តែក្នុងរយៈពេលតែ៥-៧វិនាទីប៉ុណ្ណោះ។ មហន្តរាយនេះ បានធ្វើឱ្យលំនៅដ្ឋានប្រជាជនចំនួន៣០០ខ្នងរងការខូចខាត ហើយក្រៅពីនោះអគារជាច្រើនទៀតក៏ទទួលរងនូវការខូចខាតដូចគ្នា បូករួមទាំងទីបញ្ជាការយោធា សណ្ឋាគារ អគារសាធារណៈជាច្រើនកន្លែងទៀត ដែលនៅក្បែរៗតំបន់ទាំងពីរខាងលើ។
យោងតាមការឱ្យដឹងពីក្រុមប្រតិបត្តិការរុករក និងសង្គ្រោះជនរងគ្រោះ មនុស្សជាច្រើននៅជាប់ក្រោមគំនរបាក់បែក ដោយសារតែគ្រោះរញ្ជួយដីនេះ កើតឡើងចំពេលរំលងអធ្រាតជាពេលដែលមនុស្សម្នាក់កំពុងគេងលង់លក់យ៉ាងស្កប់ស្កល់។ សូមបញ្ជាក់ថាប្រទេសឥណ្ឌូណេស៊ីដែលប្រជាពលរដ្ឋភាគច្រើននិយមសាសនាឥស្លាមនោះកើតមានគ្រោះធម្មជាតិនិងឧបទេ្ទវហេតុជាបន្តបន្ទាប់ដូចជាគ្រោះធម្មជាតិស៊ូណាមិចធ្លាក់យន្តហោះជាបន្តបន្ទាប់និងគ្រោះរញ្ជួយដីខាងលើនេះ៕