វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1709 នាក់
ម្សិលមិញ 6359 នាក់
សរុប 14088342 នាក់
មីយ៉ាន់ម៉ា៖ ទូរទស្សន៍ម៉ាវ៉ាឌី (Myawaddy) គ្រប់គ្រងដោយយោធាបានរាយការណ៍កាលពីថ្ងៃសៅរ៍ថា អ្នកកាសែតក្នុងស្រុកចំនួន២នាក់ថែមទៀតត្រូវបានរដ្ឋាភិបាលយោធាមីយ៉ាន់ម៉ាបានចាប់ខ្លួនកាលពីថ្ងៃទី១៥ ខែសីហា ។
ទូរទស្សន៍ម៉ាវ៉ាឌី (Myawaddy) បានរាយការណ៍ថា អ្នកកាសែតទាំងពីរនាក់នោះរួមមានលោក ស៊ីធូ អ៊ុងមីន (Sithu Aung Myint) ជាអ្នកសរសេរអត្ថបទនយោបាយសម្រាប់កាសែត ហ្វ្រាន់ធៀ មីយ៉ាន់ម៉ា (Frontier Myanmar) និងជាអ្នកអត្ថាធិប្បាយនៃកម្មវិធីវិទ្យុរបស់ VOA និងអ្នកនាង ថេតថេត ខាញ (Htet Htet Khine) ជាផលិតករឯករាជ្យរបស់ទូរទស្សន៍ BBC ។លោក ស៊ីធូ អ៊ុងមីន (Sithu Aung Myint) ត្រូវបានចោទប្រកាន់ពីបទញុះញង់និងផ្សព្វផ្សាយព័ត៌មានមិនពិតដែលទូរទស្សន៍ ម៉ាវ៉ាឌី (Myawaddy) បាននិយាយថាជាការរិះគន់របបយោធា និងអំពាវនាវឲ្យពលរដ្ឋចូលរួមធ្វើកូដកម្មនិងគាំទ្រក្រុមប្រឆាំងខុសច្បាប់។
រីឯអ្នកនាង ថេតថេត ខាញ (Htet Htet Khine) ត្រូវបានចោទប្រកាន់ថាបានលាក់ទុកលោក ស៊ីធូ អ៊ុងមីន (Sithu Aung Myint) ដែលជាជនសង្ស័យ និងធ្វើការឲ្យរដ្ឋាភិបាលបង្រួបបង្រួមជាតិមីយ៉ាន់ម៉ា។ទីភ្នាក់ងារឃ្លាំមើលសិទ្ធិមនុស្សបាននិយាយកាលពីចុងខែមុនថា រដ្ឋាភិបាលយោធាមីយ៉ាន់ម៉ាបានចាប់ខ្លួនអ្នកកាសែតចំនួន៩៨នាក់ចាប់តាំងពីរដ្ឋប្រហារថ្ងៃទី១កុម្ភៈមក ហើយក្នុងនោះមាន៤៦នាក់នៅកំពុងជាប់ឃុំនៅឡើយគិតត្រឹមចុងខែកក្កដា៕