វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2283 នាក់
ម្សិលមិញ 5020 នាក់
សរុប 14117730 នាក់
ប្រទេសថៃ៖មេដឹកនាំចលនាតវ៉ាប្រឆាំងរដ្ឋាភិបាលយ៉ាងហោច ១១នាក់ត្រូវបានអាជ្ញាធរឃាត់ខ្លួននិងបានដាក់ពង្រាយប៉ូលិសរាប់រយនាក់នៅមុនបាតុកម្មដែលបានគ្រោងទុកនៅថ្ងៃអង្គារទី១០សីហានេះ ដែលពាក់ព័ន្ធនឹងក្បួនរថយន្តប្រមូលផ្តុំគ្នានៅកណ្តាលទីក្រុងបាងកកជុំវិញកំហឹងអំពីការចាត់ចែងរបស់រដ្ឋាភិបាលចំពោះការរីករាលដាលនៃជំងឺរាតត្បាតបន្ទាប់ពីការធ្វើបាតុកម្មកាលពីឆ្នាំមុនបានទាក់ទាញមនុស្សរាប់សែននាក់ចូលរួម មុនពេលមានការបង្ក្រាបពីអាជ្ញាធរ។
ប៉ូលិសបានត្រៀមកម្លាំងចំនួន ៧៥០ នាក់ដើម្បីដោះស្រាយការតវ៉ាតាមក្បួនរថយន្តដែលបានគ្រោងទុកនៅថ្ងៃអង្គារនេះ ហើយបានព្រមានថាការប្រមូលផ្តុំជាសាធារណៈទាំងអស់នៅពេលនេះគឺខុសច្បាប់ ក្រោមច្បាប់ស្ថានភាពអាសន្នដើម្បីទប់ស្កាត់ជំងឺកូវីដ១៩ ។លោក ពីយ៉ា ថាវីឆៃ មេប៉ូលិសរងក្រុងបាងកក បានប្រាប់អ្នកយកព័ត៌មានថា “ការជួបជុំឬការតវ៉ាណាមួយប្រថុយនាំឱ្យមានការរីករាលដាលនៃជំងឺកូវីដគឺខុសច្បាប់ក្រោមច្បាប់ស្ថានភាពអាសន្ន”។
កន្លងទៅក្រុមបាតុករបាន ទាមទារឱ្យមានការកែទម្រង់របបរាជានិយម ដោយប្រថុយនឹងការកាត់ទោសតាមច្បាប់ស្តីពីការប្រមាថឬបរិហារកេរ្តិ៍ព្រះមហាក្សត្រព្រះមហាក្សត្រិយានី អ្នកស្នងរាជ្យ និងរាជវង្ស ដែលអាចផ្តន្ទាទោសដាក់ពន្ធនាគាររហូតដល់ ១៥ ឆ្នាំ។កាលពីចុងសប្តាហ៍មុន ក្រុមបាតុករប្រឆាំងរដ្ឋាភិបាលថៃជាងមួយពាន់នាក់បានប៉ះទង្គិចជាមួយប៉ូលិសផងដែរ។ក្រុមមេដឹកនាំបាតុកម្មលេចធ្លោ ដែលបានចំណាយពេលនៅក្នុងពន្ធនាគារជុំវិញការធ្វើបាតុកម្មមុនៗ ត្រូវបានដោះលែងឱ្យនៅក្រៅឃុំត្រូវបានឃុំខ្លួនវិញទាំងអស់ក្នុងរយៈពេលប៉ុន្មានថ្ងៃចុងក្រោយនេះ៕