វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 134 នាក់
ម្សិលមិញ 3717 នាក់
សរុប 14148467 នាក់
អារ៉ាប៊ីសាអូឌីត៖ ប្រធានាធិបតីចិន លោកស៊ីជីងពីង មកកាន់រាជធានីរីយ៉ាដ (Riyadh) ប្រទេសអារ៉ាប៊ីសាអូឌីតកាលពីថ្ងៃពុធទី៧ធ្នូទទួលបានការស្វាគមន៍ពីសំណាក់មន្ត្រីអ្នកមុខអ្នកការ រួមនិងកងកម្លាំងប្រដាប់អាវុធជាច្រើននាក់របស់រដ្ឋាភិបាលនៃរបបរាជានិយមរបស់ព្រះអង្គម្ទាស់ សាឡាម៉ាន់ ប៊ីន អាឌុឡាហ្ស៊ីស អាល់ សាអូដ (Salman bin Abdulaziz Al Saud)។
ទស្សនកិច្ចរបស់លោកប្រធានាធិបតីស៊ីជីនពីងមកកាន់អារ៉ាប៊ីសាអូឌីតនៅពេលនេះ គឺដើម្បីចូលរួមនៅក្នុងកិច្ចប្រជុំកំពូលថ្នាក់រដ្ឋដែលមិនធ្លាប់មានពីមុនមករវាងអារ៉ាប៊ីសាអូឌីតនិងប្រទេសចិន រួមនិងកិច្ចប្រជុំរវាងចិនជាមួយនិងក្រុមក្រឹក្សាសហប្រតិបត្តិការតំបន់ឈូងសមុទ្រពែក្ស មានបណ្ដាប្រទេសអារ៉ាប់ជាច្រើនជាសមាជិក។ជំនួបកំពូលរវាងមេដឹកនាំចិននិងក្រុមមេដឹកនាំនៃបណ្ដាប្រទេសអារ៉ាប់នៅពេលនេះ នឹងអាចក្លាយជារបត់ដ៏សំខាន់ ថ្មីមួយទៀតក្នុងកិច្ចពង្រឹងទំនាក់ទំនងរបស់ចិនជាមួយនិងបណ្ដាប្រទេសនៅក្នុងតំបន់មជ្ឍិមបូព៌ា បន្ទាប់ពីលោក ស៊ីជីនពីង ទើបតែបិទបញ្ចប់សមាជបក្សរបស់ខ្លួនប្រកបដោយជោគជ័យក្នុងការបន្ដដឹកនាំប្រទេសចិនសម្រាប់រយៈពេល ៥ឆ្នាំទៅមុខបន្ដទៀត។
នៅថ្ងៃទី ៧ ខែធ្នូ ក្រុមហ៊ុនចិន និងអារ៉ាប៊ីសាអ៊ូឌីតបានចុះហត្ថលេខាលើកិច្ចព្រមព្រៀងវិនិយោគចំនួន ៣៤ ក្នុងក្របខ័ណ្ឌនៃដំណើរទស្សនកិច្ចរបស់ប្រធានាធិបតីចិន Xi Jinping ។កិច្ចព្រមព្រៀងទ្វេភាគីត្រូវបានចុះហត្ថលេខាក្នុងវិស័យជាច្រើន រួមទាំងថាមពលបៃតង អ៊ីដ្រូសែនបៃតង ថាមពលពន្លឺព្រះអាទិត្យ បច្ចេកវិទ្យាព័ត៌មាន សេវាពពក ការដឹកជញ្ជូន ភស្តុភារ ឱសថ និងសំណង់។រដ្ឋមន្ត្រីវិនិយោគអារ៉ាប៊ីសាអ៊ូឌីត លោក Al-Falih បានអះអាងថា កិច្ចព្រមព្រៀងទាំងនេះបង្ហាញពីបំណងប្រាថ្នារបស់ព្រះរាជាណាចក្រក្នុងការអភិវឌ្ឍទំនាក់ទំនងលើគ្រប់វិស័យជាមួយប្រទេសចិន។
លោក Al-Falih បានបញ្ជាក់ថា ដំណើរទស្សនកិច្ចនេះបង្ហាញពីបំណងប្រាថ្នារបស់មេដឹកនាំភាគីទាំងពីរក្នុងការអភិវឌ្ឍនិងពង្រឹងភាពជាដៃគូទ្វេភាគីលើគ្រប់វិស័យ រួមទាំងសេដ្ឋកិច្ច និងការវិនិយោគផងដែរ។
តម្លៃនៃកិច្ចព្រមព្រៀងមិនត្រូវបានបង្ហាញទេ ប៉ុន្តែតាមសារព័ត៌មាន SPA ពីមុនបានរាយការណ៍ថា ភាគីទាំងពីរគ្រោងនឹងចុះហត្ថលេខាលើកិច្ចព្រមព្រៀងបឋមចំនួន២0 ចំណុច ដែលមានតម្លៃសរុបជិត ៣០ពាន់លានដុល្លារ។សម្រាប់រយៈពេល៣ថ្ងៃនៃដំណើរទស្សនកិច្ច លោកស៊ីជីនពីងនឹងជួបសន្ទនា ជាមួយព្រះចៅសាល់ម៉ាន់ ព្រមទាំងជួបជាមួយព្រះអង្គម្ចាស់រាជទាយាទ ម៉ូហាម៉េត បេនសាល់ម៉ាន់។ បន្ថែមពីនេះ នៅថ្ងៃសុក្រ លោកស៊ី ជីនពីង នឹងចូលរួមក្នុងជំនួបកំពូលនៃក្រុមប្រឹក្សា សហប្រតិបត្តិការតំបន់ឈូងសមុទ្រ ដែលមានប្រទេសសមាជិកចំនួន៦។ យោងតាមបណ្តាញព័ត៌មានផ្លូវការអារ៉ាប៊ីសាអូឌីត លោក ប្រធានាធិបតីចិន នឹងឆ្លៀតទៅជួបជាមួយថ្នាក់ដឹកនាំក្រុមប្រទេសអារ៉ាប់ផងដែរ។
បើតាមការវិភាគ ប្រេងគឺជាសំណុំរឿងធំបំផុត ដែលលោកស៊ី ជីនពីងនឹងនិយាយជាមួយថា្នក់ដឹកនាំអារ៉ាប៊ីសាអូឌីត។ អារ៉ាប៊ីសាអូឌីត ជាប្រទេសផលិតប្រេងធំជាងគេ ហើយចិនវិញ គឺជាប្រទេសដែលនាំចូលប្រេងច្រើនជាងគេ។ នៅក្នុងបរិបទសង្គ្រាមនៅអ៊ុយក្រែន ក្រុមប្រទេសG7 រួមជាមួយសហភាពអឺរ៉ុប បានសម្រេចដាក់ទណ្ឌកម្មលើរុស្ស៊ី ដោយកំណត់តម្លៃប្រេងរុស្ស៊ី មិនឲ្យលើសពី៦០ដុល្លារ ក្នុងមួយធុងបារីល។ ប្រការនេះ បានធ្វើឲ្យមានការបារម្ភខ្លាំង ទាក់ទិននឹងបញ្ហាគ្មានប្រេងនៅលើទីផ្សារ ក្នុងករណីដែលរុស្ស៊ីឈប់នាំចេញ។ ទន្ទឹមគ្នានេះទៀត ក្រុមប្រទេសផលិតប្រេង OPEP+ ដែលមានអារ៉ាប៊ីសាអូឌីត និងរុស្ស៊ីជាមេដឹកនាំនោះ ទើបតែបានសម្រេច បន្តកាត់បន្ថយការផលិត ចំនួន២លានធុងបារីលក្នុងមួយថ្ងៃ រហូតដល់ដាច់ឆ្នាំ២០២៣ ដើម្បីកាត់បន្ថយស្តុក ហើយរក្សាតម្លៃលក់ឲ្យនៅខ្ពស់។
ក្រៅពីសំណុំរឿងប្រេង ភាគីចិនទំនងជាចង់និយាយដើម្បីឲ្យក្រុមហ៊ុនខ្លួន មានវត្តមានចូលរួមនៅក្នុងគម្រោងមហាសាល របស់ព្រះអង្គម្ចាស់ម៉ូហាម៉េត បេនសាល់ម៉ាន់។ ជាគម្រោងស្ថាបនាទីក្រុងទំនើប ឈ្មោះ NOAM ដែលមានតម្លៃទឹកប្រាក់ចំនួន ៥០០ពាន់លានដុល្លារ។ គម្រោងដ៏ធំមហិមានេះ នឹងត្រូវប្រើបច្ចេកវិទ្យាទំនើបការពារសន្តិសុខ ដូចជាកាម៉េរ៉ាចាប់មុខមនុស្សជាដើម ហើយដែលចិនប្រើច្រើននិងឈានមុខគេ។
ដោយឡែក លោក Nayef al-Hajraf អគ្គលេខាធិការក្រុមប្រឹក្សាសហប្រតិបត្តិការឈូងសមុទ្រ បានលើកឡើងថា វត្តមានរបស់លោកស៊ី ជីនពីងក្នុងជំនួបកំពូលនៅថ្ងៃសុក្រ គឺមានសារៈសំខាន់ណាស់ ក្នុយងនាមចិនជាដៃគូពាណិជ្ជកម្មធំបំផុត របស់តំបន់នេះ។ ទស្សនកិច្ចរបស់លោកស៊ី ជីនពីងនៅអារ៉ាប៊ីសាអូឌីត នាពេលនេះ ក៏ត្រូវសហរដ្ឋអាមេរិកតាមដានយ៉ាងម៉ដ្ឋចត់ផងដែរ ខណៈកន្លងមក អារ៉ាប៊ីសាអូឌីត គឺជាសម្ព័ន្ធរបស់អាមេរិកប្រចាំតំបន់ឈូងសមុទ្រ។ប្រភព៖ Reuters