វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5898 នាក់
ម្សិលមិញ 5304 នាក់
សរុប 14145424 នាក់
មីយ៉ានម៉ា៖ក្រុមចលនាប្រដាប់អាវុធជនជាតិភាគតិចមួយ នៅរដ្ឋ Rakhine ភាគខាងលិចប្រទេសមីយ៉ាន់ម៉ា បានអះអាងនាថ្ងៃចន្ទនេះថា ខ្លួនដណ្តើមបានក្រុងមួយ ដែលនៅជាប់ព្រំប្រទល់ប្រទេសឥណ្ឌា និងបង់ក្លាដែស ខណៈវាគឺជាការបាត់បង់ថ្មីចុងក្រោយមួយទៀត សម្រាប់រដ្ឋាភិបាលយោធាមីយ៉ាន់ម៉ា ។
ទីភ្នាក់ងារព័ត៌មាន Reuters នាថ្ងៃចន្ទ ទី១៥ ខែមករា ឆ្នាំ២០២៤បានផ្សាយថា៖អ្នកនាំពាក្យក្រុមចលនាប្រដាប់អាវុធ Arakan Army (AA) បានអះអាងកាលពីយប់ថ្ងៃអាទិត្យកន្លងទៅថា កងកម្លាំងរបស់ខ្លួនដណ្តើមបាន Paletwa ជាក្រុងកំពង់ផែមួយ ស្ថិតនៅជាប់ទន្លេ Kaladan ដែលមានសារសំខាន់សម្រាប់ការធ្វើពាណិជ្ជកម្ម ជាមួយប្រទេសជិតខាង។ រដ្ឋាភិបាលយោធាមីយ៉ាន់ម៉ា បាននិងកំពុងបន្តប្រយុទ្ធគ្នាជាមួយ ក្រុមចលនាប្រដាប់អាវុធ នៅទិសតំបន់ផ្សេងៗគ្នា ចាប់តាំងតែពីចុងខែតុលា ឆ្នាំមុន ជាពេលដែលសម្ព័ន្ធចលនាប្រដាប់អាវុធជនជាតិភាគតិច ហៅកាត់ថា Three Brotherhood Alliance បានរួមសហការគ្នាចាប់ផ្តើមការវាយប្រហារទ្រង់ទ្រាយធំ លើមូលដ្ឋាននិងក្រុងដែលគ្រប់គ្រងដោយយោធា។
ចាប់តាំងតែពីពេលនោះមក សម្ព័ន្ធ Three Brotherhood Alliance កាន់កាប់បានបន្ទាយទាហាន និងក្រុងមួយចំនួន ខណៈវាគឺជាបញ្ហាប្រឈមផ្នែកសមរភូមិដ៏ធំបំផុតមួយ សម្រាប់របបសឹកមីយ៉ាន់ម៉ា ចាប់តាំងពីការធ្វើរដ្ឋប្រហាររបស់ខ្លួន ប្រឆាំងរដ្ឋាភិបាលស៉ីវិល កាលពីខែកុម្ភៈ ឆ្នាំ២០២១មក។ ការដួលរលំនៃក្រុង Paletwa នៅតំបន់ភាគខាងលិច កើតមានឡើង បន្ទាប់ពីក្រុមចលនាប្រដាប់អាវុធ១ផ្សេងទៀត ដែលស្ថិតក្នុងសម្ព័ន្ធ Three Brotherhood Alliance ដែរ គឺ TNLA វាយដណ្តើមបានក្រុង Laukkai នៅឯរដ្ឋ Shan ភាគខាងជើង ជាប់ព្រំប្រទល់ជាមួយប្រទេសចិន។គារទន់ដៃរបស់របបសឹកភូមាត្រូវបានគេមើលឃើញថា ជាមូលហេតុដែលមេដឹកនាំរបបសឹកភូមា សម្រេចទទួលជួប ប្រេសិតពិសេសអាស៊ាន កាលពីពេលថ្មីៗនេះ។ បរិបទពិសេសម្យ៉ាងទៀត គឺ ជំនួបរវាងមេដឹកនាំរបបសឹកភូមា និងប្រេសិតពិសេសអាស៊ាន នេះ គឺធ្វើឡើងនៅមុនពេលកិច្ចប្រជុំកំពូលអាស៊ាន ដែលត្រូវរៀបចំធ្វើឡើងចុងខែនេះ នៅប្រទេសឡាវ ក្បែរខាងភូមា។
សូមបញ្ជាក់ថារហូតមកទល់នឹងពេលនេះ សមាគមប្រជាជាតិអាស៊ីអាគ្នេយ៍ នៅពុំទាន់អាចជំរុញ ភូមា ឲ្យ អនុវត្តតាមកិច្ចព្រមព្រៀងជាឯកច្ឆ័នទាំង ៥ ចំណុច ដើម្បីនាំមកនូវស្ថិរភាព សន្តិភាព នៅភូមាបានឡើយ។ ដោយសាបញ្ហានេះរបបសឹកភូមា ក៏នៅត្រូវគេផាត់ចេញពីកិច្ចប្រជុំធំៗទាំងឡាយរបស់អាស៊ាន។ ជាក់ស្តែង កិច្ចប្រជុំអាស៊ាន-ជប៉ុនថ្មីៗនេះ នៅរាជធានីតូក្យូ គ្មានឡើយវត្តមានដឹកនាំកំពូលភូមា។
សំណុំរឿងភូមា គឺធ្វើឲ្យរដ្ឋសមាជិកអាស៊ានឈឺក្បាលមិនតិចទេ ហើយនិងមិនអាចរកសំឡេងរួមគ្នាតែមួយ។ កម្ពុជា កាលពីរដ្ឋអំណាចក្រុងភ្នំពេញធ្វើជាប្រធានផ្លាស់វេនអាស៊ាន ក៏បានជ្រោមជ្រែងជំរុញ ភូមា ឲ្យដើរផ្លូវត្រូវមកវិញ ហើយ រដ្ឋអំណាចចិន វិញ ក៏បានសម្រុះសម្រួលដែរ ក៏ប៉ុន្តែ តែមេដឹកនាំភូមាននៅទ្រឹងមិនព្រមធ្វើតាម។ បន្ទាប់ពីផុតដៃកម្ពុជា រដ្ឋមន្ត្រីការបរតេសថៃជំនាន់លោកប្រាយុទ្ធ បានជួបរដ្ឋមន្ត្រីការបរទេសភូមា និងចង់រកច្រកផ្លូវបើកឲ្យ ភូមា ចូលរួមប្រជុំក្នុងកម្រិតការទូត។ តែផ្ទុយទៅវិញត្រូវបាន ឥណ្ឌូណេស៊ី ម៉ាឡេស៊ី ហើយ សិង្ហបុរី បានជំទាស់។ សិង្ហបុរី បានបដិសេធថា ភូមា គ្មានភាពចាស់ទុំគ្រប់គ្រាន់ នៅឡើយទេ៕