វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5379 នាក់
ម្សិលមិញ 6001 នាក់
សរុប 13878209 នាក់
ទួគីអ៊ីស្រាអែល៖ ប្រព័ន្ធមីស៊ីលការពារអាកាស S-400 របស់រុស្ស៊ី មកកាន់ប្រទេសតួកគីដែលជាអាវុធចម្រូងចម្រាស់ជាមួយប្រទេសអាមេរិកត្រូវបានដឹកជញ្ជូនមកកាន់ប្រទេសទួគីហើយ។
ក្រសួងការពារជាតិតួកគីនាថ្ងៃចន្ទទី១៦ក្កដានេះបានឲ្យដឹងថា មកទល់ពេលនេះយន្តហោះសរុប ០៨គ្រឿងហើយ ត្រូវបានប្រើប្រាស់ ដើម្បីដឹកជញ្ជូនបរិក្ខាផ្សេងៗ នេះបើតាមសារព័ត៌មាន Sputnik នៅរសៀលថ្ងៃចន្ទ ទី១៥ ខែកក្កដា ឆ្នាំ២០១៩។ពេលនេះយន្តហោះធំៗ ០៨គ្រឿងហើយ បានមកចុះចតនៅមូលដ្ឋានទ័ពអាកាស មើធេដ (Murted)។ ការប្រគល់ ប្រព័ន្ធ S-400 ពីប្រទេសរុស្ស៊ីមកកាន់តួកគី បានចាប់ផ្តើមកាលពីថ្ងៃទី១២ ខែកក្កដានេះ ដោយនាថ្ងៃនោះយន្តហោះដឹកជញ្ជូន ០៣គ្រឿង បានមកដល់បន្ទាយយោធា Murted។
គួរជម្រាបថា ដោយសារតែការទិញសព្វាវុធ S-400 ពីប្រទេសរុស្ស៊ី ទីក្រុងអង់ការ៉ា កំពុងប្រឈមនឹងការអាចដាក់ទណ្ឌកម្មរបស់សហរដ្ឋអាមេរិក។ព្រឹទ្ធសភាអាមេរិកថាប្រពន្ធ័បច្ចេកវិទ្យាប្រព័ន្ធមីស៊ីលការពារអាកាស S-400 របស់រុស្ស៊ីវាផ្ទុយពីប្រពន្ធ័បច្ចេកវិទ្យាយន្តហោះ F-35 ដែលទួគីបញ្ជាទិញនិងជាអ្នកផលិតគ្រឿងផ្សំផងដែរ។ ប៉ុន្តែប្រធានាធិបតីតួកគីលោក អឺដូហ្គាន់ បានលើកឡើងថា ប្រធានាធិបតីអាមេរិកលោក ដូណាល់ ត្រាំ មាន សិទ្ធិអំណាចលើកលែងការធ្វើបែបនេះបាន។
សូមបញ្ជាក់ដែរថាដើម្បីបង្កើតសមត្ថភាពប្រយុទ្ធតាមផ្លូវអាកាសរបស់ខ្លួន កងទ័ពអាកាសអ៊ីស្រាអែល កាលពីថ្ងៃអាទិត្យសប្តាហ៍មុននេះ ទើបតែទទួលបានយន្តហោះចម្បាំងដ៏ទំនើប F-35 ចំនួនពីរគ្រឿងថ្មីពីសហរដ្ឋអាមេរិកដែលជាសម្ព័នមិត្តចាក់ទឹកមិនលិចថែមទៀតដែលធ្វើឲ្យអ៊ីស្រាអែលមានយន្តហោះចំនួន២០គ្រឿងហើយបើគិតចាប់ពីឆ្នាំ២០១៦ដែលអ៊ីស្រាអែលបញ្ជាទិញចំនួន៥០គ្រឿង។នេះបើតាមការចេញផ្សាយដោយ ទីភ្នាក់ងារព័ត៌មានចិនស៊ីនហួរ នៅព្រឹកថ្ងៃចន្ទ ទី១៥ ខែកក្កដា ឆ្នាំ២០១៩។
យោធាអ៊ីស្រាអែលបានឲ្យដឹងថា យន្តហោះចម្បាំងប្រភេទបំបាំងកាយទាំងពីរគ្រឿងខាងលើ បានហោះមកចុះនៅមូលដ្ឋានទ័ពអាកាស ណេវ៉ាទីម (Nevatim) ភាគខាងត្បូងប្រទេសអ៊ីស្រាអែល ក្រោយពីពួកវាបានធ្វើដំណើរមកពីព្រលានយន្តហោះមួយ របស់ក្រុមហ៊ុន ឡុកឃីដម៉ាទីន (Lockheed Martin) ស្ថិតក្នុងរដ្ឋតិចសាស់ភាគខាងត្បូងសហរដ្ឋអាមេរិក ដែលជាអ្នកផលិតយន្តហោះចម្បាំងនេះ។
សម្រាប់អានុភាពនៃ F-35 វាគឺជាប្រភេទយន្តហោះចម្បាំងជំនាន់ថ្មីចុងក្រោយគេ និងទំនើបបំផុត ដែលផលិតឡើងដោយសហរដ្ឋអាមេរិក។ យន្តហោះចម្បាំងនេះមានសមត្ថភាពពិសេសៗ ដូចជាបច្ចេកវិទ្យាបំបាំងកាយយ៉ាងជឿនលឿន ដែលធ្វើឲ្យប្រព័ន្ធរ៉ាដាធម្មតាៗពុំអាចចាប់សញ្ញា របស់វាបានឡើយ។
យន្តហោះចម្បាំង F-35 ក៏មានលទ្ធភាពផ្ទុកគ្រាប់បែកជាច្រើនប្រភេទ និងហោះក្នុងល្បឿនលឿនជាងសំឡេងនៅកម្រិត Mach 1.6 ឬ ១,៩៧៩គីឡូម៉ែត្រក្នុងមួយម៉ោងផងដែរ។ទោះជាយ៉ាងណាប្រព័ន្ធអាវុធការពារដែនអាកាស S-400 ពីប្រទេសរុស្ស៊ី ក៏ធ្វើឲ្យអាមេរិកព្រួយបារម្ភផងដែរ៕