វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 229 នាក់
ម្សិលមិញ 8227 នាក់
សរុប 14127110 នាក់
អាមេរិក៖ ដោយ មានការអាណិតអាសូរ ចំពោះការស្លាប់របស់បុរសស្បែកខ្មៅសញ្ជាតិអាមេរិកលោកជចហ្វ្លយ( George Floyd) ដោយសារប៉ូលិសស្បែកស នៅទីក្រុងមីនាប៉ូលីស( Minneapolis) រដ្ឋមីណេសូតា( Minnesota)ក្រៅពីការផ្ទុះកំហឹងថ្វើបាតុកម្ម គេសង្កេតឃើញមានសប្បុរសជនជាច្រើន បានចែករំលែកទុក្ខដ៏ក្រៀមក្រំបានចូលរួមបុណ្យជាមួយក្រុមគ្រួសារសពលោកជចហ្វ្លយ( George Floyd) តាមរយៈការចូលរួមក្នុងមូលនិធិឈ្មោះហ្គោហ្វាន់មី «GoFundMe» ។
មូលនិធិនេះ បានបង្កើតឡើងដោយ លោក Philonise Floyd ដែលត្រូវជាបងប្រុសរបស់លោកជចហ្វ្លយ( George Floyd)។ ហើយមិនដល់១សប្ដាហ៍ផង (៦ថ្ងៃ) មូលនិធិនេះទទួលបានប្រាក់បរិច្ចាគសរុបរហូតដល់ ១០,១១៣,២០០ ដុល្លារអាមេរិក ពីម្ចាស់ជំនួយចំនួន ៣៩០,១០០នាក់។
ទន្ទឹមនឹងនេះដែរ គេហទំព័រ GoFundMe ក៏បានបង្ហាញពីមូលនិធិស្របច្បាប់មួយផ្សេងទៀតសម្រាប់លោក George Floyd ដែលបានបង្កើតឡើងដោយអ្នកស្រី Bridgett ដែលត្រូវជាបងស្រីរបស់លោក។
បើគិតត្រឹមថ្ងៃអង្គារម្សិលមិញ មូលនិធិនេះក៏ទទួលប្រាក់បរិច្ចាគសរុបជិត៣០ម៉ឺនដុល្លារអាមេរិកផងដែរ។គួរជម្រាបថា ថិវិកាទាំងនេះនឹងត្រូវចំណាយលើពិធីបុណ្យសព ហើយប្រាក់ដែលនៅសេសសល់នឹងរក្សាទុកសម្រាប់ការធ្វើដំណើរទៅតុលាការ និងមួយផ្នែកទៀតសម្រាប់ផ្គត់ផ្គង់ក្រុមគ្រួសារលោក George Floyd ក៏ដូចជាទុកសម្រាប់ចំណាយលើការសិក្សារបស់កូនៗលោកចំនួនពីរនាក់ផងដែរ៕
សូមបញ្ជាកដែរថាមុននេះអតីតអ្នកប្រដាល់ដែលឈ្នះខ្សែក្រវ៉ាត់ពិភពលោក ៥ ស្ថាប័នធំៗ លោកហ្វ្លយម៉ៃវីឌ័រ(Floyd Mayweather)បានប្រកាសថា នឹងចំណាយលុយជួយចេញថ្លៃពិធីបុណ្យសពរបស់ George Floyd ដែលជាជនជាតិអាមេរិកកាត់អាហ្វ្រិកបានស្លាប់ដោយសារតែប៉ូលីសម្នាក់យកជើងសង្កត់កនៅ Minneapolis កាលពីសប្តាហ៍មុនដែរ។យោងតាមគណនី Twitter Mayweather Promotions បាន បញ្ជាក់ថា អតីតអ្នកប្រដាល់ Floyd Mayweather នឹងរ៉ាប់រងថ្លៃបុណ្យសពរបស់ George Floyd នៅ Houston, ទីកន្លែងកំណើតរបស់ George Floyd, Minnesota និង Charlotte ជាទីតាំងទាំង ៤ ដែលនឹងប្រារព្ធពិធីបុណ្យសពរបស់ George Floyd។