វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7579 នាក់
ម្សិលមិញ 8227 នាក់
សរុប 14134460 នាក់
អាមេរិក៖ព្រឹទ្ធសភាអាមេរិកបានអនុម័តសេចក្តីព្រាងច្បាប់មួយដែលនឹងអនុញ្ញាតឱ្យសហរដ្ឋអាមេរិកចំណាយប្រាក់ជាង២៤០ពាន់លានដុល្លារដើម្បីជំរុញការប្រកួតប្រជែងរបស់ខ្លួនជាមួយប្រទេសចិនក្នុងវិស័យបច្ចេកវិទ្យា។
សារពត៍មានReutersឲ្យដឹងថាសមាជិកព្រឹទ្ធសភាអាមេរិកបានបោះឆ្នោត៦៨-៣២ប្រឆាំងនឹងការអនុម័តច្បាប់មួយដែលមានគោលបំណងពង្រឹងសមត្ថភាពទីក្រុងវ៉ាស៊ីនតោនក្នុងការដោះស្រាយជាមួយបច្ចេកវិទ្យាចិន។ជំហរតឹងរ៉ឹងកាន់តែខ្លាំងឡើងលើប្រទេសចិនគឺជាប្រធានបទមួយដែលទទួលបានការគាំទ្រទ្វេរភាគីនៅក្នុងសភាអាមេរិកដែលកំពុងមើលឃើញពីការបែកបាក់គ្នាយ៉ាងជ្រាលជ្រៅរវាងក្រុមអ្នកប្រជាធិបតេយ្យនិងគណបក្សសាធារណរដ្ឋនាពេលថ្មីៗនេះ។ច្បាប់នេះមានបទប្បញ្ញត្តិដែលបានអនុម័តលើការចំណាយចំនួន១៩០ពាន់លានដុល្លារដើម្បីបង្កើនសមត្ថភាពស្រាវជ្រាវនិងបច្ចេកវិទ្យារបស់អាមេរិក។
លើសពីនេះទៀតវានឹងមានជំនួយឥតសំណងចំនួន៥៤ពាន់លានដុល្លារដែលផ្តោតជាពិសេសទៅលើការលើកកម្ពស់វិស័យផលិតនិងស្រាវជ្រាវឧបករណ៍អេឡិចត្រូនិកនិងទូរគមនាគមន៍។បទបញ្ញតិនេះនឹងចាំបាច់ត្រូវឆ្លងកាត់សភាតំណាងរាស្ត្រមុនពេលវាត្រូវបានប្រគល់ជូនលោកប្រធានាធិបតីJoeBidenដើម្បីសុំចុះហត្ថលេខាជាច្បាប់។
សូមបញ្ជាក់ថា នៅក្នុងរបាយការណ៍របស់សភាអាមេរិក បក្សកុម្មុយនិស្តចិន ចំណាយប្រាក់សម្បើមណាស់សម្រាប់វិនិយោគក្នុងវិស័យបច្ចេកវិទ្យា គឺប្រមាណជាង១៥០ពាន់លានដុល្លារ។ចំណែកផែនការអាមេរិក ដែលទើបអនុម័តនេះវិញ ក៏នឹងគ្រោងជួយសម្រួលក្រុមហ៊ុនអាមេរិកក្នុងស្រុក ផលិតកម្មក្នុងស្រុក និងទីផ្សារការងារក្នុងស្រុក។ ដោយជាក់ស្តែង អាមេរិកបំរុងកញ្ចប់ថវិកា វិនិយោគរយៈពេល៥ឆ្នាំ ចំនួន ៥២ពាន់លានដុល្លារ សម្រាប់ជួយជ្រោមជ្រែងនិងលើកទឹកចិត្តក្រុមហ៊ុនអាមេរិក ឱ្យផលិតគ្រឿងបំលាស់ សឺមីកុងឌុចទ័រ នៅលើទឹកដីអាមេរិក។ ១២០ពាន់លានដុល្លារ សម្រាប់ឱ្យភ្នាក់ងារ National Science Foundation ដើម្បីជំរុញការស្រាវជ្រាវនិងអភិវឌ្ឍន៍បច្ចេកវិទ្យាទំនើបៗ និងគន្លឹះៗ ដូចជាបច្ចេកវិទ្យាបញ្ញាសប្បនិមិត្ត និងបំរុងកញ្ចប់ថវិកាចំនួន១,៥ពាន់លានដុល្លារសម្រាប់អភិវឌ្ឍន៍បច្ចេកវិទ្យាទូរគមនាគមន៍ 5G ដែលសំណុំរឿងកុងកាចគ្នាខ្លាំងមួយ រវាងអាមេរិកនិងចិន។
ក្រៅពីរឿងលុយចំណាយសម្រាប់ផ្នែកបច្ចេកវិទ្យានៅចំពោះមុខអង្គសភា កាលពីថ្ងៃចន្ទទី៧មិថុនា លោកអង់តូនី ប្លីងកិន ប្រមុខការទូតអាមេរិក បានបញ្ជាក់ថា សហរដ្ឋអាមេរិក មានគម្រោងបើកការចរចាជាមួយតៃវ៉ាន់ ដើម្បីបង្កើតកិច្ចព្រមព្រៀងពាណិជ្ជកម្មមួយ។ ប្រសិនបើឋអាមេរិក ចុះកិច្ចព្រមព្រៀងពាណិជ្ជកម្ម ជាមួយកោះតៃវ៉ាន់មែននោះ នោះចិនប្រាកដជាមិនសប្បាយចិត្តនោះទេ ព្រោះថាសម្រាប់ចិន តៃវ៉ាន់គឺស្ថិតនៅក្នុងដែនអធិបតេយ្យរបស់ខ្លួន ដោយគ្មាននរណាអាចរំលងចិន ទៅចុះកិច្ចព្រមព្រៀងជាមួយតៃវ៉ាន់ ដោយផ្ទាល់បានឡើយ។
សូមរំលឹកថា សហរដ្ឋអាមេរិក បានសម្រេចទទួលស្គាល់ សាធារណរដ្ឋចិនប្រជាមានិត នៅឆ្នាំ១៩៧៩ ហើយបានផ្តាច់ចំណងការទូតជាផ្លូវការ ជាមួយតៃវ៉ាន់។ ក៏ប៉ុន្តែ យ៉ាងណាក៏ដោយ សហរដ្ឋអាមេរិក នៅតែរក្សាទំនាក់ទំនងមិនផ្លូវការជាមួយតៃវ៉ាន់ ហើយអាមេរិកគឺជាអ្នកផ្គត់ផ្គង់ គ្រឿងសព្វាវុធច្រើនជាងគេបង្អស់ ទៅឲ្យតៃវ៉ាន់។ យ៉ាងណាមិញ កាលពីថ្ងៃចន្ទ លោករដ្ឋមន្ត្រីការបរទេសអាមេរិក បានបញ្ជាក់ថា តៃវ៉ាន់មានសិទ្ធិការពារខ្លួន ហើយសហរដ្ឋអាមេរិក នឹងនៅតែបន្ត ផ្គត់ផ្គង់សម្ភារៈសព្វាវុធ ដើម្បីជួយតៃវ៉ាន់ ក្នុងការការពារខ្លួន។
កាលពីថ្ងៃអាទិត្យ សប្តាហ៍កន្លងទៅ គណប្រតិភូសមាជិកព្រឹទ្ធសភាអាមេរិក មានគ្នា៣នាក់ បានទៅដល់ទីក្រុងតៃប៉ិ ហើយបានប្រកាសថា អាមេរិកនឹងផ្តល់ជំនួយជាវ៉ាក់សាំង ចំនួន៧៥ម៉ឺនដូស ដល់កោះតៃវ៉ាន់។ តៃវ៉ាន់ដែលមានប្រជាជនប្រមាណជាង២៣លាននាក់ រហូតមកទល់ពេលនេះ បានទទួលវ៉ាក់សាំង AstraZeneca ចំនួនជាង៧២ម៉ឺនដូស និងវ៉ាក់សាំង Moderna ចំនួន ១៥ម៉ឺនដូស តែប៉ុណ្ណោះ៕