វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2060 នាក់
ម្សិលមិញ 6677 នាក់
សរុប 14149636 នាក់
ជប៉ុន៖ អតីតនាយករដ្ឋមន្ត្រីជប៉ុន លោកថារ៉ូ អាសូ (Taro Aso) បានមានប្រសាសន៍ថា បរិយាកាសសន្តិសុខ នៅក្នុងច្រកសមុទ្រតៃវ៉ាន់ គួរតែបង្កើនភាពតឹងរ៉ឹង មានន័យថា ជប៉ុន សហរដ្ឋអាម៉េរិក និងប្រទេសដទៃទៀត ត្រូវបង្ហាញការតាំងចិត្តយ៉ាងមុតមាំ ក្នុងការចូលមកការពារកោះតៃវ៉ាន់ ប្រសិនបើតៃវ៉ាន់ រងការឈ្លានពានវាយប្រហារណាមួយ ។
លោកអាសូ ដែលជាមន្ត្រីនយោបាយជាន់ខ្ពស់របស់ជប៉ុនបានទៅបំពេញទស្សនកិច្ចនៅកោះតៃវ៉ាន់ តាំងពីឆ្នាំ ១៩៧២ បានធ្វើសេចក្តីអត្ថាធិប្បាយ នៅក្នុងវេទិកាប្រចាំឆ្នាំមួយឈ្មោះ កិតាហ្គាឡាន (Ketagalan) និងជាព្រឹត្តិការណ៍មួយផ្តោតលើបញ្ហាសន្តិសុខនៅក្នុងតំបន់ ។អតីតនាយករដ្ឋមន្ត្រីរូបនេះ មិនបានសំដៅទៅលើប្រទេសចិន ថាជាអ្នកឈ្លានពានតៃវ៉ាន់នោះទេ ប៉ុន្តែលោកគ្រាន់តែលើកឡើងថា វាជារឿងសំខាន់សម្រាប់ប្រទេសជប៉ុន ដែលជាអ្នកជិតខាងរបស់តៃវ៉ាន់ សហរដ្ឋអាម៉េរិក និងប្រទេសដទៃទៀត ក្នុងការចាត់វិធានការទប់ស្កាត់ឱ្យបានខ្លាំងតាមតែអាចធ្វើបាន ។
ថ្លែងនៅក្នុងវេទិកាដដែលនេះ ប្រធានាធិបតីតៃវ៉ាន់ លោកស្រីសៃអ៊ីងវិន (Tsai Ing-wen) បានមានប្រសាសន៍ថា រដ្ឋាភិបាលរបស់លោកស្រី បានប្តេជ្ញាចិត្តខ្ពស់ក្នុងការបង្កើនវិស័យការពារជាតិរបស់ខ្លួន និងសម្តែងការដឹងគុណចំពោះការគាំទ្រពីដៃគូសន្តិសុខរបស់ខ្លួន .។សូមបញ្ជាក់ថា៖មកដល់ឆ្នាំ២០២៣ គឺមានរយៈពេល ៧៤ ឆ្នាំហើយ ដែលកោះតៃវ៉ាន់បានបង្កើតរដ្ឋាភិបាល ដឹកនាំរដ្ឋ និងមានជំឈរគោលនរយោបាយ សំរាប់ដឹកនាំប្រទេសដើម្បីអនាគត់របស់រដ្ឋាភិបាលកោះតៃវ៉ាន់ និងប្រជាជនតៃវ៉ាន់។
តៃវ៉ាន់ ជាដែនដីកោះមួយមានផ្ទៃដីទំហំ ៣៦ ១៨៨ គម២ និងមានព្រំប្រទល់ជុំវិញហ៊ុមពាត់ដោយសមុទ្រចិនខាងត្បូង និងមានចំងាយ ២១០៣ គីឡូម៉ែត្រពីចិនដីគោក។ រដ្ឋាភិបាលកោះមួយនេះធ្លាប់ទទួលបាន ឯករាជ្យតាំងពីឆ្នាំ ១៩៥០ មកម្លេះ ប៉ុន្តែប្រទេសចិនចាត់ដែនទុកកោះមួយនេះ ជាអាណាខេត្តរបស់ខ្លួន ហើយវាជាតំបន់ឧទ្ទាមមួយដែលត្រូវតែបង្រួបបង្រួមជាមួយចិនដីគោក មហាយក្សចិនអាចនឹងប្រើកម្លាំងទ័ពបើចាំបាច់។កោះតៃវ៉ាន់ គឺជារដ្ឋមួយដែលមានទឹកដី មានប្រជាជន រដ្ឋាភិបាល មានគោលនយោបាយក្នុងប្រទេស និងគោលនយោបាយការណ៍បរទេសក្រៅប្រទេស រូបបិយបណ្ណ័ ព្រមទាំងមានកងទ័ពសំរាប់ការពារទឹកដី និងសន្តិសុខជាតិផងដែរ ប៉ុន្តែរដ្ឋាភិបាលដែនកោះមួយនេះ មិនម៉ែនជារដ្ឋពេញច្បាប់នោះទេ។ប្រភព៖ Reuters Connect