វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6639 នាក់
ម្សិលមិញ 5304 នាក់
សរុប 14146165 នាក់
ចិន៖ អ្នកនាំពាក្យក្រសួងការបរទេសចិន លោកស្រី Mao Ning កាលពីថ្ងៃចន្ទ ទី៥ធ្នូបានលើកឡើងថា ប្រទេសចិនយល់ច្បាស់ពីទុក្ខលំបាក និងបញ្ហាប្រឈមផ្សេងៗខណៈប្រទេសស្រីលង្កាកំពុងជួបប្រទះនិងគាំទ្រដល់ការពិគ្រោះយោបល់រវាងប្រទេស និងស្ថាប័នហិរញ្ញវត្ថុពាក់ព័ន្ធ ។
លោកស្រី Mao Ning ៖"ប្រទេសចិនមានកិច្ចសហប្រតិបត្តិការល្អយូរអង្វែងជាមួយ (IMF) និងស្ថាប័នសេដ្ឋកិច្ច ហិរញ្ញវត្ថុអន្តរជាតិដទៃទៀត។ ប្រសិនបើមានអ្វីបន្ថែមដែលត្រូវប្រកាស ភាគីពាក់ព័ន្ធនឹងប្រកាសប្រាប់ព័ត៌មានលម្អិតក្នុងពេលឆាប់ៗនេះ ឬក្នុងពេលកំណត់ណាមួយ"។ទាក់ទងនិងបញ្ហាបំណុលលោកស្រីបានបន្តរៀបរាប់បន្ថែមទៀតថា ចំពោះបញ្ហាបំណុលរបស់ប្រទេសស្រីលង្កា លោកស្រីចង់សង្កត់ធ្ងន់ថា ប្រទេសចិនយកចិត្តទុកដាក់ខ្ពស់ចំពោះភាពលំបាក និងបញ្ហាប្រឈមរបស់ប្រទេសស្រីលង្កា ដូចនេះ ប្រទេសចិនគាំទ្រដល់ស្ថាប័នហិរញ្ញវត្ថុនានា ក្នុងការដោះស្រាយបញ្ហាជាមួយស្រីលង្កាឱ្យបានត្រឹមត្រូវ ។
ចិនក៏សង្ឃឹមដែរថាប្រទេសពាក់ព័ន្ធ និងស្ថាប័នហិរញ្ញវត្ថុអន្តរជាតិ នឹងធ្វើការជាមួយប្រទេសចិន ក្នុងការបន្តតួនាទីជួយដល់ស្រីលង្កាឱ្យយកឈ្នះលើភាពលំបាកនាពេលបច្ចុប្បន្ន ក៏ដូចជាដើម្បីសម្រាលបន្ទុកបំណុលរបស់ខ្លួន និងសម្រេចបាននូវការអភិវឌ្ឍប្រកបដោយចីរភាព ។
ដោយឡែក ប្រធានផ្នែកយុទ្ធសាស្ត្រនៃមូលនិធិរូបិយវត្ថុអន្តរជាតិ (IMF) លោកស្រី Ceyla Pazarbasioglu មានប្រសាសន៍ថា លោកស្រីនឹងធ្វើដំណើរទស្សនកិច្ចទៅកាន់ប្រទេសចិន នៅសប្តាហ៍នេះ ដើម្បីស្វែងរកដំណោះស្រាយនានាជុំវិញបញ្ហាកំណើនវិបត្តិបំណុល ។សូមបញ្ជាក់ថាប្រទេសស្រីលង្កាបានជំពាក់លុយចិនប្រមាណ៤០ពាន់លានដុល្លារអាមេរិករកលុយសងមិនបានរហូតធ្វើឲ្យចិនរឹបអូសយកកំពង់ផែស្រីលង្កាមួយធ្វើកម្មសិទ្ធនិងតាំងទីកប៉ាល់បំពាក់ផ្កាយរណបយោធាបង្កឲ្យប្រទេសឥណ្ឌានៅជិតខាងមានការមិនសប្បាយចិត្ត។ផលវិបាកនៃការជម្ពាក់លុយចិននិងស្ថាបន័ហិរញ្ញវត្ថុអន្តរជាតិនានានេះបានធ្វើឲ្យប្រទេស្រីលង្កាធ្លាក់ក្នុងចល្លាចលនយោបាយទម្លាក់ប្រធានាធិបតីនិងនាយរដ្ឋមន្ត្រីកាលពីប៉ុន្មានខែមុននេះផងដែរ។ប្រភព៖ Reuters Connect