វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4095 នាក់
ម្សិលមិញ 9706 នាក់
សរុប 14082338 នាក់
ម៉ាឡេស៊ី៖ ព្រះមហាក្សត្រថ្មីរបស់ម៉ាឡេស៊ី បានស្បថយាងចូលរួមពិធីឡើងគ្រងរាជសម្បត្តិជាផ្លូវការហើយនៅថ្ងៃព្រហស្បតិ៍ទី៣១ ខែមករា ឆ្នាំ២០១៩ នេះ សម្រាប់មួយអាណត្តិមានរយៈពេល ០៥ឆ្នាំបន្ទាប់ពីត្រូវបានបោះឆ្នោតជ្រើសតាំងជាព្រះមហាក្សត្រម៉ាឡេស៊ីថ្មី កាលពីសប្ដាហ៍មុនដោយសមាជិកគ្រួសាររាជវង្សនៃប្រទេស។
ព្រះមហាក្សត្រថ្មីមានព្រះនាមព្រះចៅ ស៊ុលតង់ អាប់ឌុលឡាហ៍ ស៊ុលតង់ អាម៉េដ ហ្សាហ៍ (Sultan Abdullah Sultan Ahmad Shah) មកពីរដ្ឋ ផាហាង (Pahang) ។
លោកនាយករដ្ឋមន្ត្រីម៉ាឡេស៊ីលោក មហាធៀ មហាម៉ាត់ ជាអ្នកអានពាក្យសម្បថសម្រាប់ការយាងចូលកាន់គ្រងរាជ្យរបស់ព្រះចៅ ស៊ុលតង់ អាប់ឌុលឡាហ៍ ស៊ុលតង់ អាម៉េដ ហ្សាហ៍ (Sultan Abdullah Sultan Ahmad Shah) ។
ព្រះចៅ Abdullah មានព្រះជន្មាយុ ៥៩ព្រះវស្សា ត្រូវឡើងគ្រងរាជ្យបន្តពីព្រះមហាក្សត្រ មូហាម៉េដទី ៥ (Muhammad V) មកពីរដ្ឋ ខេឡាន់តាន់ (Kelantan)ដែលបានប្រកាស ដាក់រាជ្យ(មានពតិមានថាដើម្បីការប្រពន្ធជាបវរកញ្ញារុស្ស៊ី)ក្រោយពីការសោយរាជ្យបានតែ ០២ឆ្នាំ ដែលចាត់ទុកថាជាព្រះមហាក្សត្រដំបូងគេ ដែលបានដាក់រាជ្យ ក្នុងប្រវត្តិសាស្ត្រនៃប្រទេសម៉ាឡេស៊ី៕