វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8407 នាក់
ម្សិលមិញ 5733 នាក់
សរុប 14072971 នាក់
ប្រទេសហូឡង់៖ក្រុមអ្នកស្រាវជ្រាវហូឡង់ បានបង្ហាត់សត្វឃ្មុំ ដើម្បីរកមើលសំណាកដែលឆ្លងវីរុសកូវីដ-១៩ ដែលពួកគេនិយាយថា អាចកាត់បន្ថយរយៈពេលរង់ចាំលទ្ធផលតេស្ត មកនៅត្រឹមប៉ុន្មានវិនាទីប៉ុណ្ណោះ។
ក្រុមអ្នកវិទ្យាសាស្ត្រនៅក្នុងមន្ទីរពិសោធន៍ស្រាវជ្រាវជីវសាស្ត្របសុពេទ្យនៅសកលវិទ្យាល័យ Wageningen បានបង្ហាត់សត្វឃ្មុំដោយផ្តល់ទឹកស្ករដល់សត្វទាំងនោះដើម្បីជារង្វាន់ បន្ទាប់ពីឲ្យសំណាកឆ្លងមេរោគកូវីដ-១៩ដល់ពួកគេ។លោក Wim van der Poel សាស្ត្រាចារ្យផ្នែកវីរុសម្នាក់បាននិយាយថា ដោយធ្លាប់ប្រើប្រព័ន្ធបែបនេះ សត្វឃ្មុំអាចលៀនអណ្តាតរបស់ពួកគេដោយឯកឯង ដើម្បីយករង្វាន់នៅពេលផ្តល់សំណាកមានមេរោគរួច។តែបើអត់ទេវាមិនទទួលបានរង្វាន់ឡើយ។
លោកថា “យើងបានប្រមូលឃ្មុំធម្មតាពីអ្នកចិញ្ចឹមឃ្មុំ ហើយយើងដាក់ឃ្មុំទាំងនោះនៅក្នុងទីតាំងសមរម្យ។ បន្ទាប់ពីបង្ហាញសំណាកវិជ្ជមាន យើងក៏បានឲ្យទឹកស្ករទៅពួកវា។ ហើយអ្វីដែលឃ្មុំធ្វើគឺពួកគេលៀនអណ្តាតដើម្បីបឺតទឹកស្ករ។អ្នកស្រាវជ្រាវនិយាយថា ការលៀនអណ្តាតរបស់ឃ្មុំដើម្បីបឺតទឹកស្ករ គឺជាការបញ្ជាក់ពីលទ្ធផលតេស្តវិជ្ជមាននៃមេរោគកូរ៉ូណា។វិធីសាស្ត្របែបនេះក៏មានតម្លៃថោកផងដែរ ហើយធ្វើឲ្យវាមានប្រយោជន៍សម្រាប់បណ្តាប្រទេស។