វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2799 នាក់
ម្សិលមិញ 5304 នាក់
សរុប 14142325 នាក់
ហ្វីលីពីន៖ប្រធានាធិបតីហ្វីលីពីន លោកហ្វើឌីណាន់ ម៉ាកូស ជេអរ (Ferdinand Marcos Jr) បានទទួលជួបជាមួយរដ្ឋមន្ត្រីការបរទេសចិនលោកឈីនកាង (Qin Gang) កាលពីថ្ងៃសៅរ៍ទី២១មេសា ដោយក្រុងម៉ានីល និងក្រុងប៉េកាំងបានសន្យាថានឹងធ្វើការរួមគ្នាដើម្បីដោះស្រាយបញ្ហាខុសគ្នានៅតាមដែនសមុទ្ររបស់ភាគីទាំងពីរនៅក្នុងតំបន់សមុទ្រចិនខាងត្បូង។
ប្រមុខដឹកនាំហ្វីលីពីន លោកម៉ាកូស (Marcos) បានមានប្រសាសន៍នៅក្នុងសេចក្តីថ្លែងការណ៍មួយថា "បើនិយាយពាក់ព័ន្ធនឹងបញ្ហាជម្លោះដែនសមុទ្រ យើង (ហ្វីលីពីន-ចិន) បានព្រមព្រៀងគ្នាដើម្បីបង្កើនទំនាក់ទំនងបន្ថែមទៀត ដូចនេះហើយ ប្រសិនបើកើតមានព្រឹត្តិការណ៍នៅតាមដែនទឺកនៃសមុទ្រហ្វីលីពីនភាគខាងលិច ជាប់ដែនទឹកជាមួយចិន នោះបញ្ហារវាងចិន-ហ្វីលីពីន អាចនឹងមានដំណោះស្រាយភ្លាមៗ" ។
ក្នុងកំឡុងចាប់ផ្តើមកិច្ចចរចា លោកឈីន (Qin) បានលើកឡើងថា ប្រទេសទាំងពីរ (ចិន-ហ្វីលីពីន) ចាំបាច់ត្រូវធ្វើការរួមគ្នា ដើម្បីបន្តមិត្តភាពជាប្រពៃណី បន្តកិច្ចសហប្រតិបត្តិការឱ្យកាន់តែស៊ីជម្រៅ និងដោះស្រាយបញ្ហាខ្វែងគំនិតគ្នាឱ្យបានត្រឹមត្រូវ។លោកបានបន្ថែមថា ការធ្វើការរួមគ្នានឹងជួយលើកកម្ពស់សន្តិភាព និងស្ថិរភាពនៅក្នុងតំបន់ ក៏ដូចជានៅក្នុងពិភពលោកទាំងមូល។
បន្ទាប់ពីមានជំនួបនវកងទ័ពអាម៉េរិក និងទាហានហ្វីលីពីន បានបញ្ចេញសកម្មភាពបាញ់មីស៊ីលការពារដែនអាកាស អំឡុងសមយុទ្ធបាញ់គ្រាប់ពិត នៅឯមូលដ្ឋានកងទ័ពជើងទឹក ស្ថិតនៅភាគខាងជើងរដ្ឋធានីម៉ានីល ។ សមយុទ្ធនាពេលនេះ គឺជាផ្នែកមួយនៃសមយុទ្ធរួមគ្នា ប្រចាំឆ្នាំរបស់ភាគីទាំងពីរ (ហ្វីលីពីន និង សហរដ្ឋអាម៉េរិក)។កំឡុងសមយុទ្ធនេះ កងទ័ពទាំងពីរប្រទេស បានប្រើប្រាស់ប្រព័ន្ធកាំជ្រួច ផេធ្រៀត (Patriot) និង ស្ទីងជើ (Stinger) ជាប្រភេទកាំជ្រួចប្រើប្រាស់សម្រាប់បាញ់ទម្លាក់យន្តហោះ ឬមីស៊ីលផ្សេងទៀតរបស់សត្រូវ ។ ការហ្វឹកហាត់បែបនេះ គឺពួកគេមានគោលបំណងធ្វើឱ្យមានភាពប្រសើឡើងចំពោះការការពារដែនអាកាសស្ថិតនៅមូលដ្ឋានទ័ពជើងទឹកដែលមានចម្ងាយប្រហែល ២៥៩.៣ គីឡូម៉ែត្រ ពីតំបន់ជម្លោះនៃប្រជុំកោះស្ប្រ៉ាតលី (Spratlys) ជាប្រជុំកោះនៅសមុទ្រចិនខាងត្បូង ។
បន្ថែមពីនេះ មេបញ្ជាការកងទ័ពអាម៉េរិក លោកឧត្តមសេនីយ ប្រាយអ៊ែន ហ្គីបសុន (Brian Gibson) បានលើកឡើងថា "យើងមានការប្តេជ្ញាចិត្តខ្ពស់ស្របតាមបំណងប្រាថ្នារបស់សម្ព័ន្ធមិត្តនៅក្នុងតំបន់ ប៉ុន្តែវាក៏ត្រូវតែប្រាកដថា យើងរៀបចំរួចជាស្រេចដើម្បីផ្តល់កម្លាំងត្រៀមខ្លួនឱ្យរួចរាល់ទៅតាមការចាំបាច់ ។សូមបញ្ជាក់ថា សមយុទ្ធនៅថ្ងៃអង្គារសប្តាហ៍នេះ គឺជាផ្នែកមួយនៃសមយុទ្ធទ្វេភាគីប្រចាំឆ្នាំក្នុងរយៈពេលជិត ៣ សប្តាហ៍រវាងរដ្ឋធានីម៉ានីលរបស់ប្រទេសហ្វីលីពីន និងសហរដ្ឋអាម៉េរិក ដោយសមយុទ្ធនៅឆ្នាំនេះ មានលក្ខណៈធំជាងគេបំផុត ក្នុងនោះ មានវត្តមានចូលរួមពីកងទាហានជាង ១៧,០០០ នាក់៕ប្រភព៖ Reuters