វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 922 នាក់
ម្សិលមិញ 10264 នាក់
សរុប 14140104 នាក់
ប្រទេសប៉ូឡូញ៖នាយករដ្ឋមន្ត្រីប៉ូឡូញលោក Mateusz Morawiecki បាននិយាយថា ប្រទេសរបស់លោកគ្រោងនឹងបញ្ឈប់ការប្រើប្រាស់ប្រេងពីរុស្ស៊ីនៅចុងឆ្នាំ ២០២២ នេះ ។លោកបញ្ជាក់ទៀតថាប្រទេសប៉ូឡូញក៏នឹងបញ្ឈប់ការនាំចូលធ្យូងថ្មពីរុស្ស៊ីនៅខែឧសភាផងដែរ ខណៈដែលប្រទេសនេះកាត់បន្ថយទំនាក់ទំនងសេដ្ឋកិច្ចជាមួយទីក្រុងមូស្គូ ។
លោក Mateusz Morawiecki បានប្រាប់សន្និសីទសារព័ត៌មានមួយថា “យើងនឹងដាក់ទណ្ឌកម្មទាំងស្រុងលើធ្យូងថ្មរបស់រុស្ស៊ី ហើយខ្ញុំសង្ឃឹមថា ត្រឹមខែមេសា និងចុងខែឧសភា យើងនឹងបញ្ឈប់ការនាំចូលធ្យូងថ្មទាំងស្រុងពីរុស្ស៊ី ហើយយើងនឹងធ្វើអ្វីគ្រប់យ៉ាងដើម្បីបញ្ឈប់ការប្រើប្រាស់ប្រេងរុស្ស៊ីនៅចុងឆ្នាំនេះ” ។គួរបញ្ជាក់ថា នេះជាការឆ្លើយតបទៅកាន់រុស្ស៊ីវិញ បន្ទាប់ពីបានព្រមានប៉ូឡូញដែលជាប្រទេសអង្គការណាតូមួយផងដែរ កុំឲ្យលូកដៃ ឬជ្រៀតជ្រែក ជាពិសេសនៅឲ្យឆ្ងាយពីសង្គ្រាមរបស់ខ្លួនជាមួយនឹងប្រទេសអ៊ុយក្រែនដែលកំពុងបន្ត .។
ប៉ូឡូញបានក្លាយទៅជាប្រទេសសំខាន់មួយក្នុងកិច្ចខិតខំប្រឹងប្រែងរបស់លោកខាងលិចដើម្បីការពារអ៊ុយក្រែន ហើយការប្រយុទ្ធមួយចំនួនក៏កំពុងខិតជិតព្រំដែនរបស់ខ្លួនផងដែរ ។កាលពីសប្តាហ៍មុន កងកម្លាំងរុស្ស៊ីបានកំណត់គោលដៅលើទីក្រុង Lviv ភាគខាងលិចរបស់អ៊ុយក្រែន នៅជិតព្រំដែនប៉ូឡូញ ខណៈដែលប្រធានាធិបតីអាមេរិកលោក ចូ បៃដិន ក៏កំពុងបំពេញទស្សនកិច្ចនៅប្រទេសប៉ូឡូញផងដែរ ។ស្ថានភាពនេះបានបង្ខំឲ្យអង្គការណាតូសម្រេចចិត្តអំពីរបៀបឆ្លើយតបចំពោះឧប្បត្តិហេតុបែបនេះនៅក្នុងព្រំដែននៃប្រទេសជាសមាជិករបស់ខ្លួន ៕