អភិបាលស្រុកសាមគ្គីមានជ័យបាញ់គោអ្នកស្រុកដែលចូលស៊ីស្មៅក្នុងសាលាស្រុកងាប់ប្រាប់ថាសាកកាំភ្លើងខ្ទាតគ្រាប់ត្រូវប៉ូលិសជួយសម្រួល?
21-September-2026 / ព័ត៌មានជាតិ
កំពង់ឆ្នាំង:ករណីសម្លាប់សត្វគោមួយក្បាលនៅក្នុងសាលាស្រុកសាមគ្គីមានជ័យដោយសារគោចូលស៊ីស្មៅមានសំណងហើយតែអ្នកប្រព្រឹត្តថាសាកកាំភ្លើងខ្ទាតត្រូវងាប់?។បើតាមសេចក្តីរាយការណ៍របស់ប្រជាពលរដ្ឋនិយាយថា: ម្ចាស់គោទារសំណងចំនួន ៥ពាន់ដុល្លារប៉ុន្តែទទួលសំណងត្រឹមតែ១០០០$ ។
ករណីនេះប្រជាពល រដ្ឋរាយការណ៍ថាលោក វន ស៊ីផា អភិ បាលស្រុកជាអ្នកបាញ់។តែលោកសេងចិន្តាអធិការនគរបាលស្រុកសាមគ្គីមានជ័យបានបញ្ជាក់ប្រាប់តាមទូរស័ព្ទថាករណីនេះគឺលោកវន ស៊ីផា គាត់ជាអ្នកគប់និងដុំថ្ម មិនមែនគាត់បាញ់នោះទេ?ដែលមានន័យថាខាងសមត្តកិច្ចនគរបាលជួយសូវេជូនលោកអភិបាលស្រុក។
ប្រជាពលរដ្ឋឲ្យដឹងថាលោកវន ស៊ីផាជាអ្នកបាញ់ដោយប្រើប្រាស់អាវុធកាំភ្លើងអាការស្វាយបត់កាលពីវេលាម៉ោងប្រមាណ ៣ រសៀលថ្ងៃទី៣០ ខែមេសាឆ្នាំ ២០២១ នៅក្នុងបរិវេណសាលាស្រុកសាមគ្គីមានជ័យ។បើតាមលិខិតមួយច្បាប់របស់លោក វន ស៊ីផា អភិបាលស្រុកសាមគ្គីមានជ័យ ផ្ញើជូនលោកអភិបាលខេត្តកំពង់ឆ្នាំង នៅថ្ងៃទី១ ខែឧសភា ឆ្នាំ២០២១ នេះ បានសរសេរបង្វែងថា ៖ «កាលពីថ្ងៃទី៣០ ខែមេសា ឆ្នាំ២០២១ វេលាម៉ោងប្រហែលជា៣ជាងរសៀល មេឃងងឹតរកកលនឹងភ្លៀង ខ្ញុំបាទដោយឃើញសភាពស្ងាត់ក៏មានអារម្មណ៍ចង់បាញ់សាកកាំភ្លើងដែលទើបទទួលបានមកថ្មី ។
ការបាញ់របស់ខ្ញុំ គឺ បាញ់ចុះក្រោមបំបុកនឹងដី ពេលដែលខ្ញុំកេះកៃកាំភ្លើងរួចមក ស្រាប់តែឃើញកូនគោមួយក្បាលបានដួល ។ បន្ទាប់មក ខ្ញុំក៏បានចុះទៅពិនិត្យក៏បានឃើញមានស្នាមលើក្បាលគោ ដែលអាចសន្និដ្ឋានបានថា គោនេះប្រហែលជាត្រូវគ្រាប់កាំភ្លើងដែលផ្លាតទៅត្រូវ»។ លោក វន ស៊ីផា អភិបាលស្រុកសាមគ្គីមានជ័យ បន្តថា «បន្ទាប់ពីហេតុការណ៍ នោះកើតឡើង ខ្ញុំក៏បានទាក់ទងទៅលោកអធិការនៃអធិការដ្ឋាននគរបាលស្រុកសាមគ្គីមានជ័យ មកធ្វើកំណត់ហេតុ និង អោយស្រាវជ្រាវរកម្ចាស់គោមកធ្វើការពិភាក្សាដោះស្រាយសំណងជូនម្ចាស់គោតាមការព្រមព្រៀង»។ ករណីនេះ គឺ លោក វន ស៊ីផា អភិបាលស្រុកសាមគ្គីមានជ័យចង់បញ្ជាក់ថាលោក បានសម្របសម្រួលពិភាក្សាជាមួយម្ចាស់គោ និង បានទូទាត់សំណងបានចប់សព្វគ្រប់រួចហើយ? ។
ប្រជាពលរដ្ឋ២នាក់ប្តីប្រពន្ធដែលជាម្ចាស់គោ ប្តីឈ្មោះ ខែក គឿន អាយុ៤៥ឆ្នាំ ប្រពន្ធឈ្មោះ ឡឹក ស្រី មានទីលំនៅក្នុងភូមិមានកលិច ឃុំមានក ស្រុកសាមគ្គីមានជ័យ ទាំង២នាក់ប្តីប្រពន្ធបានរៀបរាប់បញ្ជាក់ប្រាប់នៅព្រឹកថ្ងៃទី១ ខែឧសភា ឆ្នាំ២០២១ឲ្យដឹងថា គាត់មានគោ១៣ក្បាលបានលែងឲ្យដើរស៊ីនៅក្រៅភូមិឯណោះទេ តែទម្លាប់នៅពេលដែលមានមេឃរកភ្លៀង គោរបស់គាត់តែងតែរត់មកផ្ទះវិញ តែដោយសារផ្ទះគាត់នៅជិតសាលា ស្រុកខាងលើនេះ ទើបគោគាត់បានចូលទៅស៉ីស្មៅនៅ ក្នុងបរិវេណសាលាស្រុកដូចសព្វដង។
ពួកគាត់បានឲ្យដឹងទៀតថា នៅល្ងាចថ្ងៃទី៣០ ខែមេសាឆ្នាំ២០២១គោរបស់គាត់បានត្រឡប់មកផ្ទះវិញតាំងពីថ្ងៃ ហើយវាក៏បានចូលទៅស៉ីស្មៅក្នុងបរិវេណសាលាស្រុកដូចដែលធ្លាប់ចូលទៅស៉ីដូចរាល់ដង។លុះនៅវេលាម៉ោងប្រមាណជា៤រសៀល ថ្ងៃខែដដែលមានប្រជាពលរដ្ឋនៅ ក្នុងភូមិបានមកប្រាប់គាត់ថា គោរបស់គាត់១ក្បាលត្រូវបានគេបាញ់ងាប់នៅក្នុងសាលាស្រុក បន្ទាប់ពីទទួលបានដំណឹងនេះភ្លាមគាត់ក៏បានទៅសាលាស្រុកនឹងបានឃើញ គោរបស់គាត់មួយក្បាលងាប់ពិតប្រាកដមែនដោយមានស្នាមរបួសត្រង់ក្បាលធ្លាយមកក្រោយទៀតផង។នៅល្ងាចនោះផងដែរ គាត់ដែលជាម្ចាស់គោត្រូវបានសមត្ថកិច្ចហៅទៅចរចាដោះស្រាយនៅនិងសាលាស្រុកសាមគ្គីមានជ័យ ដោយសងសំណងមកឱ្យគាត់ដែលជាម្ចាស់គោចំនួន៤ លានរៀល ហើយសមត្ថកិច្ចដកហូតគោគាត់យកថែមទៀត?។
លោកឧត្តមសេនីយត្រី អៀរ ប៊ុនធឿន ស្នងការរងនគរបាលខេត្តកំពង់ឆ្នាំង ទទួលផែនសេនាធិការ និងជាអ្នកនាំពាក្យ នៃស្នងការដ្ឋាននគរបាលខេត្តបានប្រាប់កាសែតនៅព្រឹកថ្ងៃទី១ខែឧសភាឆ្នាំ២០២១ ថា ករណីដែលមានសត្វគោមួយក្បាលងាប់នៅ ក្នុងបរិវេណសាលាស្រុកសាម្គ្គីមានជ័យ កាលពីល្ងាចថ្ងៃទី ៣០ ខែមេសា ឆ្នាំ២០២១ ឆ្លងតាមការស៊ើប អង្កេត និងស្រាវជ្រាវរបស់សមត្ថកិច្ចជំនាញនៃស្នងការដ្ឋាននគរបាលខេត្តកំពង់ឆ្នាំង ដឹកនាំដោយលោកឧត្តម សេនីយ៍ត្រី ប៉ុល វុទ្ធី ស្នងការរងនគរបាលខេត្តកំពង់ឆ្នាំងទទួលផែនព្រហ្មទណ្ឌបានរកឃើញថា ករណី គឺបណ្ដាលមកពីលោក វន ស៊ីផា អភិបាលស្រុកសាម្គីមានជ័យ បានយកកាំភ្លើងអាកាបត់មកបាញ់សាកស្ដាកាណុងភ្ជុចដី បណ្ដាលឱ្យគ្រាប់កំភ្លើងផ្លាតត្រូវចំក្បា លគោងាប់តែម្តងដូចជាសេចក្តីរាយាការណ៍របស់លោកវនស៊ីផាជូនលោកឈួចាន់ឌឿនផងដែរ?។ នៅព្រឹកថ្ងៃទី ១ ខែឧសភា ឆ្នាំ២០២១នេះ សមត្ថកិច្ចនគរបាល នៃស្នង ការដ្ឋាននគរបាលខេត្តកំពង់ឆ្នាំង បានដកហូតអាវុធអាកាបត់មួយដើម និងគ្រាប់១ ទូស្សៀ ពីលោក វន សុផា អភិបាលស្រុកសាមគ្គីមានជ័យតែមិនប្រាប់ថាកាំភ្លើងលោកចៅហ្វាស្រុកបានពីខាងណាឲ្យនោះទេ។
ពលរដ្ឋរង់ចាំមើលថាតើអភិបាលខេត្តកំពង់ឆ្នាំង ឯកឧត្តមឈួរច័ន្ទឌឿននិងលោកព្រះរាជអាជ្ញាអមសាលាដំបូងកំពង់ឆ្នាំង លោកអិត សុធាមានវិធានការយ៉ាងណាចំពោះបុគ្គលដែលមានកំហុសខុសឆ្គងបាញ់សម្លាប់សត្វគោដែលគ្រាន់តែចូលស៊ីស្មៅក្នុងសាលាស្រុកដែលសង្គមកំពុងតែស្អប់ខ្ពើមបែបនេះព្រោះលោកចៅហ្វាយស្រុកគ្មានហេតុផលអីត្រូវសាកកាំភ្លើងក្នុងសាលាស្រុកចឹងនោះទេអានេះគេហៅថាបាញ់បោះសេរីខុសច្បាប់ហើយ។
.jpg)
