វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2607 នាក់
ម្សិលមិញ 10264 នាក់
សរុប 14141789 នាក់
ខេត្តបាត់ដំបង៖លោកអនុសេនីយ៍ឯក ហ៊ឹង អ៊ួក នាយប៉ុស្ដិ៍ច្រកទ្វារអូររំដួលបានរងការចោទប្រកាន់ពីកូនចៅនិងប្រជាពលករអូសរទេះថាស៊ីដាច់និងកៀបសង្កត់យកលុយជ្រុល។ប្រភពពីមន្ត្រីក្រោមឱវាទឲ្យដឹងថាលោក ហ៊ឺង អ៊ួក ស៊ីដាច់លុយឧបត្ថម្ភ របស់សម្ដេចតេជោនាយករដ្ឋមន្ត្រី ហ៊ុនសែន មួយនាក់៤០០០រៀលយកធ្វើមានធ្វើបានតាំងពីមកកាន់ជានាយប៉ុស្ដិ៍មកម្លេះ។
សូម្បីតែប្រាក់ម្ហូបក្នុងមួយនាក់ ១២០០០០រៀល(ដប់ពីម៉ឺនរៀល)ឬសរុបទាំងអស់៤៩០០០០០រៀល(បួនលានកៅសិបម៉ឺនរៀល)ក្នុងមួយខែក៏ លោក ហឹង អ៊ួក យកទៅចាយវាយនឹងទុកជាប្រយោជន៍ខ្លួនឯងដែរ។ ព្រោះដល់ពេលបើកប្រាក់ម្ហូបម្ដងៗមិនដឹងជាលោក ហ៊ឹង អ៊ួក មិនឲ្យ បែជាថាចាំយកលុយថ្លៃលក់សំបុត្រមកអោយចុងភៅទិញម្ហូបទៅវិញ។ ជួនកាលម៉ោងមួយឬពីររសៀលទើបកងកម្លាំងបានបាយហូបឬថ្ងៃខ្លះដាច់។ លោក នាយប៉ុស្ដិ៍ ហ៊ឹង អ៊ួក មិនមានលុយបើកអោយខាងចុងភៅ។ ពេលខ្លះទៀតដាច់ភ្លើងងងឹតឈឹង ពីរទៅបីថ្ងៃ ដោយសារលោកមេប៉ុស្តិ មិនមានលុយបង់ថ្លៃភ្លើងអោយគេ ទើបគេមកផ្ដាច់ចោល ។
ប្រភពបន្តបានអោយដឹងទៀតថា លោក ហ៊ឹង អ៊ួក និយម បក្ចពួកនិងសាច់ញាតិខ្លួនឯងមកដាក់ជិតខ្លួនទាំងអស់។ចំណែកឯមន្ត្រីចាស់ៗធ្លាប់តស៊ូពីមុនមកលោក ហ៊ឹអ៊ួក ផ្លាស់ប្ដូរទាំងអស់ សូម្បីតែប្រាក់ខែកូនចៅមិនអោយគ្នាទៅបើកទេ អោយចាំនៅកន្លែងច្រកអូររំដួល ចាំមេបើកមកអោយ។ពេលបើកមកដល់កន្លែងស្រាប់តែកាត់លុយប្រាក់ខែកូនចៅក្នុងមួយនាក់២០០០០រៀលដើម្បីជួយចេញថ្លៃសាំងឡាន។
ចំណែកប្រាក់ខែកូនចៅនៅសាលាហ្វឹកហ្វឺន ខេត្តព្រះវិហារវិញ បើកលុយគ្នាមកហើយមិនផ្ញើអោយគ្នាទៀត។ យកទៅចាយវាយបែងចែកផ្ទាល់ខ្លួនឯងសិនរហូតមួយអាទិត្យបានផ្ញើរអោយគ្នា ដោយមិនខ្វល់ពីការរិះគន់អ្វីទាំងអស់។ប្រភពបន្តពីមន្ត្រីក្រោមឱវាទ បានអោយដឹងថា លោក ហ៊ឹងអ៊ួក នាយប៉ុស្ដិ៍ច្រកទ្វារអូររំដួល កំពុងប្រើអំណាចប្រព្រឹត្តអំពើពុករលួយច្រើនរូបភាពដោយគ្មានញញើតអ្វីទាំនអស់ ហើយធ្វើអ្វីតាមតែពំពើចិត្តជាពិសេសនោះគឺលោក ហ៊ឹងអ៊ួក ឃុបឃិតគ្នាជាមួយលោក ធឹម ចន្ទ្រា ជាមន្ត្រីក្រោមឱវាទ ដែលធ្លាប់បែកថ្នាំអង្គុយនិយាយតែឯងស្រែកតែឯង ហើយឈរក្រោមដើមម្ខុបដើម្បីទាលុយថ្លៃឡានអ្នកមកឈប់នៅបរិវេណច្រក ចាំទាលុយទាំងអស់មិនថាឡានមេរឺក៏ឡានអាជីវករនោះទេ នៅពេលបានមក យកមកចែកគ្នាជាមួយលោក ហ៊ឹងអ៊ួក នាយប៉ុស្ដិ៍ច្រកទ្វារអូររំដួល តែម្ដង។
លោក ធឹម ចន្ទ្រា ជាមន្ត្រីនគរបាលនៅច្រកទ្វារអូររំដួលធ្លាប់មានសំណូមពរពីមន្ត្រីក្រោមឱវាទទាំងអស់ អោយយកទៅនៅវិរៈ៨១៩វិញក៏ លោកហ៊ឹងអ៊ួកមិនយកទៅដែរទុកប្រើសម្រាប់គោះចឹង?។សូមបញ្ជាក់ដែរថាបើតាមពលករអូសរទេះនិយាយថាលោកហ៊ឹងអ៊ួកតម្រូវឲ្យបង់រទេះមួយពីរម៉ឺនរៀលសម្រាប់ធ្វើស្លាកលេខសម្គាល់រទេះ។គិតទៅសម្រាបច្រកអូររំដួលមានរទេះរាប់រយឯណោះ។
មន្ត្រីនគរបាលច្រកទ្វារតំបន់អូររំដួលក្រោមឱវាទ របស់លោក ហ៊ឹង អ៊ួក ទាំងអស់ មានការអំពាវនាវអោយ ឯកឧត្តម ឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបង និងថ្នាក់ដឹកនាំក្រសួងមហាផ្ទៃក៏ដូចជា នាយឧត្តមសេនីយ៍ នេត សាវឿន អគ្គស្នងការដ្ឋាននគរបាលជាតិ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជាពិសេស សម្ដេចអគ្គមហាសេនាបតីតេជោហ៊ុនសែនមេត្តាជួយ ចាត់វិធានការទប់ស្កាត់សកម្មភាពមិនប្រក្រតីរបស់លោកអនុសេនីយ៍ឯក ហ៊ឹង អ៊ួក នាយប៉ុស្ដិ៍ច្រកទ្វារអូររំដួល ជាបន្ទាន់ ផងទាន់កំពុងប្រើតួនាទីនឹងអំណាចរបស់ខ្លួនប្រព្រឹត្តអំពើពុករលួយដោយគ្មានខ្លាចក្រែងអ្វីទាំងអស់ ។ ជុំវិញករណីខាងលើការិយាល័យនិពន្ធ គេហទំព័រ មាតុភូមិ មិនអាចស្វែងរកការបំភ្លេចពីលោក ហ៊ឹង អ៊ួក បានទេ ព្រោះពុំមានលេខទូរស័ព្ទទាក់ទង ៕ ដោយ : សុផល Tel : 012953824