ជនរងគ្រោះដោយសារលោកជាប៊ុន ឡុង អនុប្រធានការិយាល័យព្រហ្មទណ្ឌ កំរឹតធ្ងន់នគរបាល ខេត្តសៀមរាបធ្វើទារុណកម្ម ជម្រឹតយកចំឡើយត្រូវបានតុលាការឲ្យសម្រួលគ្នាតែនគរបាលប្រព្រឹត្តមិនទាន់ត្រវបានចាត់ការ ?
26-March-2024 / ព័ត៌មានជាតិ
សៀមរាបៈលោកប៉ាន់កឺយប្រជាពលរដ្ខដែលត្រូវរងទារុណកម្មយ៉ាងធ្ងន់ធ្ងូរបង្កឡើងដោយលោកជាប៊ុនឡុងអនុប្រធានការិយាល័យនគរបាលព្រហ្មទណ្ឌ័ខេត្តសៀមរាបនិងបក្ខពួក២នាក់ទៀតដើម្បីជម្រឹតយកចម្លើយថាខ្លួនប្រព្រឹត្តបទល្មើសបានសុខចិត្តទទួលយកសំណង១០លានរៀលពីលោកជាប៊ុនឡុងកាលពីរសៀលថ្ងៃសុក្រទី១៧ធ្នូក្រោយពីតុលាការកោះហៅទៅឲ្យចាំតាំងពីព្រឹករហូតល្ងាចដើម្បីបើកដៃឲ្យនគរបាលសម្រួលគ្នា។
នេះបើតាមប្រភពពីគ្រួសារជនរងគ្រោះ។តែជនរងគ្រោះដដទៃទៀតដែលរងការជម្រឹតពីមន្ត្រីនគរបាលការិយាល័យព្រហ្មទណ្ឌនិងនគរបាលស្រុកមិនទទួលបានយុត្តិធម៍នោះទេ។គេមិនដឹងថាតើសកម្មភាពប្រព្រឹត្តបទល្មើសវិន័យកងកម្លាំងប្រើហឹង្សាលើប្រជាពលរដ្ឋនិងការឃុបឃឹតគ្នាជាមួយជនសង្ស័យប្រព្រឹត្តបទល្មើសព្រហ្មទណ្ឌបង្កឡើងដោយមន្ត្រីនគរបាលការរិយាល័យព្រហ្មទណ្ឌនគរបាលខេត្តសៀបរាបលោកឧត្តមសេនីយ៍តេងចន្ទ័ណាកស្នងការនគរបាលខេត្តបានជ្រាប់ដែរឬអត់នោះទេព្រោះលោកទើបនឹងចូលកាន់តំណែងកាលពីខែកញ្ញាឆ្នាំ២០២១ផងដែរ?។
សូមបញ្ជាក់រឿងហេតុបានកើតឡើងកាលពីថ្ងៃទី៣០ កញ្ញាម៉ោង ៦ រសៀលដោយ លោកប៉ាន់កឺយនឹងឈ្មោះ គង់បានផឹកស្រាជុំគ្នាស្រវឹង។ពេលស្រវឹង បានដេកក្រោមផ្ទះ ឈ្មោះហុកហឿតភេទស្រីនៅ ភូមិទ័ពស្វាយ ។ស្រាប់តែនៅម៉ោង ៩ យប់មានជនមិនស្គាល់មុខលួច មកសំពងក្បាលឈ្មោះ គង់បណ្តាលឲ្យរងរបួស ផុងលលាក្បាល។ ករណីយ៍នេះនៅពេលស្អែកឡើងថ្ងៃទី ០១ ខែតុលា ប៉ូលិសប៉ុស្តិ ឃុំជប់តាត្រាវបានហៅលោកប៉ាន់កឺយទៅសួរនាំ រួចហើយឲ្យមកផ្ទះវិញ។បន្ទាប់មក ថ្ងៃទី ៥ ខែខែដដែលប៉ូលិសស្រុកហៅទៅសួរម្ដងទៀត រួចហើយឲ្យមកផ្ទះវិញទៀត ។
លោកប៉ាន់កឺយឲ្យដឹងថា:នៅថ្ងៃទី ៨ ខែដដែល បានត្រូវប៉ូលិសហៅទៅអធិការស្រុកអង្គរធំ ។ពេលនោះ ប៉ូលិសឈ្មោះ ជាប៊ុនឡុង បានសួរចំឡើយ ឲ្យខ្ញុំសារភាពថា បានវ៉ៃឈ្មោះគង់ទៅ នឹងជួយបង់ឲ្យ ប្រាំរយដុល្លាទៅ នឹងបានរួចខ្លួន ។តែលោកប៉ាន់គឺតបានប្រាប់ថា គាត់វ៉ៃឈ្មោះ គង់ធ្វើម៉េចកើត ព្រោះថា ឈ្មោះគង់បានឃ្វៀលក្របី ជុំគ្នាពីរឆ្នាំហើយ ។បើខ្ញុំចង់សម្លាប់ឈ្មោះគង់ ខ្ញុំសម្លាប់ក្នុងព្រៃទៅហើយ ។ពេលនោះលោក ឡុងបានយកកៅអីវ៉ៃពីរកៅអី នឹងទះកំផ្លៀង បណ្តាលឲ្យជិតសន្លប់ទាំងដៃជាប់ខ្នោះមកក្រោយ។គេឲ្យមកផ្ទះវិញ ស្អែកឡើងថ្ងៃទី ៩ ខែដដែល ប៉ូលិសស្រុកហៅម្ដងទៀត លើកទីពីរលោកជាប៊ុនឡុង បានធ្វើទារុណកម្ម ធ្ងន់ធ្ងូរ ព្រោះដៃទាំងពីជាប់ខ្នោះទៅក្រោយ ឈ្មោះឡុងទះពីកំភ្លៀង នឹងទាត់ចំឆ្អឹងជុំនី ។លោកកឺយថាពេលនោះគាត់សន្លប់មួយម៉ោង បានដឹងខ្លួន។ លោកប៉ាន់កឺយ បានអង្វរថា បងអើយបង ដោះខ្នោះដៃចេញទៅ ទាត់ខ្ញុំសំបើមម្លេះខ្ញុំមិនរស់ទេ។លោកឡុងដោះខ្នោះចេញ ឲ្យខ្ញុំចេញពីបន្ទប់សួរចំឡើយ វិលមុខរកដួល បានប្រពន្ធ នឹងបងប្អូនជួយគ្គ្រាហ៍រឹតចុងដង្ហើម ដឹកទៅសង្គ្រោះបន្ទាន់ នៅមន្ទីពេទ្យដែលនៅជិតនោះ ។
ឈ្មោះប៉ាន់កឺយ បានឲ្យដឹងថាគាត់បានពឹងអង្ការសិទ្ធិមនុស្ស ប្ដឹងឈ្មោះ ជាប៊ុនឡុង ទៅតុលាកា ខេត្តសៀមរាបថ្ងៃទី ១៥ ខែវិច្ឆិកា ២០២១
ទាចំណងជុំងឺចិត្ត ៨០០០ ដុល្លារអាមេរិចតែមិនត្រូវបានតុលាការចាត់ការឲ្យឡើយ ។នៅថ្ងៃទី ២២ ខែ វិច្ឆិកា អធិការស្រុកបានហៅទៅប្រាប់ឲ្យសម្របសម្រួល ជួនប្រាក់ ១ លានកន្លះ ក្រោយមក ប៉ូលិលឈ្មោះ ឆានវុទ្ធីមកសម្រួលឲ្យប្រាក់ពីរលានរៀល។ លោកប៉ានកឺយបានប្រាប់់ថាកាលនោះគាត់ មិនយកទេ ព្រោះគ្រាន់តែដេកពេទ្យអស់ជិត ២០០០ ដុល្លារទៅហើយ(ទោះជាយ៉ាងណាក្រោយពីគេហទំពរ័មាតុភូមិបានចុះផ្សាយតុលាការដែលទុករឿងមិនចាត់ការបានកោះហៅឈ្មោះប៉ានកឺយតែមិនមែនចាត់ការតាមពាក្យបណ្តឹងទេបែជាហៅទៅឲ្យនគរបាលលោកប៊ុនឡុងសម្លុតឲ្យទទួលសំណងទៅវិញ?)។
ចុងក្រោយករណីយ៍លួចវាយមនុ្សនេះនៅថ្ងៃទី ១១ ខែតុលា ប៉ូលិសចាប់បានជនដៃដល់ដែលជាជាសង្ស័យពិត ឈ្មោះហុកផៃ ភេទប្រុស រស់នៅភូមិជាមួយគ្នា ។តែអ្វីដែលសមត្តកិច្ចនគរបាលព្រហ្មទណ្ឌប្រើតួនាទីរំលោភច្បាប់មិនបានចាប់ខ្លួន ឈ្មោះហុកផៃកសាងសំណុំរឿងបញ្ជូនទៅតុលាការទេតែបែជាជួយសម្រួលឲ្យជនសង្ស័យ បង់ប្រាក់តាមរយៈខ្លួន ឲ្យជនរងគ្រោះឈ្មោះ គង់ ១០០០០ ដុល្លារអាមេរិច ជាថ្នូរនឹងឲ្យរួចខ្លួនទៅវិញ? ។ទោះបីយ៉ាងណារឿងនេះ ជនរងគ្រោះឈ្មោះ គង់អាយុជិត ៦០ឆ្នាំ រស់នៅ ភូមិទន្លាប់ឃុំគោកដូង ស្រុងអង្គរជុំខេត្តសៀមរាប បានប្រាប់ថា រូបលោកទទួលបានប្រាក់តែ ចំនួន ៧៧៥០ ដុល្លារអាមេរិក យកមើលជំងឺតែប៉ុណ្ណោះ ។
ក្រៅពីឃុបឃឹតជាមួយជនសង្ស័យឈ្មោះហុកផៃមានសាក្សីច្រើនជាងពីរនាក់ឲ្យដឹងថានគរបាលបានយកលុយពី ឈ្មោះឈឿនឆាវ ៥ លានរៀល។ ឈ្មោះអ៊ុចពី ហឿយ អស់ប្រាក់ ៤ លានរៀល។ ម្ចាស់ផ្ទះ ឈ្មោះហុកហឿតភេទស្រី អស់ប្រាក់ ៣ លានរៀល នឹងស្រីអ្នកកាប់ដំឡូង អស់ប្រាក់ ១ លាន រៀល ។តែមិនដឹងថាយកដើម្បីអ្វីព្រោះ បើសរុបទៅមានទឺកប្រាក់ ១៣៥០០ ដុល្លារអាមេរិកដែលនគរបាលយកបាន។ តែជនរងគ្រោះទទួលបានតែ ប្រាក់៧៧៥០ ដុល្លាអាមេរិច។ហេតុអី?។ ពលរដ្ឋភូមិទ័ពស្វាយច្រើននាក់ ឆ្ងល់ណាស់ថា គ្រាន់តែសាក្សី ម៉េចក៏ត្រូវប៉ូលិសយកប្រាក់?តែដោយសារភ័យខ្លាចគាត់ក៏ចេះតែឲ្យទៅ។ចំឡើយមានតែអគ្គស្នងការជាតិទេ ដែលអាចឆ្លើយបានប្រសីនបើមិនមានការឃុបឃឹតលាក់បាំងទេ ។មួយទៀត មានតែអង្គភាពប្រឆាំងអំពុករលួយទើបឆ្លើយតបអ្នកស្រុកបានពីបទល្មើសវិតិក្រមនេះ!(ការប្រើអំណាចរំលោភំពាន)។
ករណីយ៍នគរបាលវាយធ្វើបានប្រជាពលរដ្ឋជម្រឹតយកចម្លើយឲ្យទទូលកំហុសទាំងខ្លួនមិនបានប្រព្រឹត្តលោក សរ វណ្ណារ៉ាបុគ្គលឹកអង្កការលីការដូឲ្យដឹងថា៖ ប៉ូលិសមានភារកិច្ច សួរជនសង្ស័យ កសាងសំណុំរឿងបញ្ជូនទៅ តុលារ ។ពេលសួរថា តើមានច្បាប់ឲ្យប៉ូលិសធ្វើទារុណកម្មដើម្បីយកចំឡើយទេ? លោកឆ្លើយថា ត្រូវមានទោសតាមស្ថានទម្ងន់ទោស របស់ប៉ូលិសប្រព្រឹត្ត !។ឡូវមកដល់ពេលនេះនគរបាលការិយាល័យព្រហ្មទណ្ឌកំរឹតធ្ងន់ដែលមានលោកស៊ឹមម៉េងអ៊ាងជាប្រធានសម្ងំឈឹងមិនដឹងថាតើបានរាយការណ៍ជូនស្នងការលោកឧត្តមសេនីយ៍តេងចន្ទណាតអំពីមន្ត្រីរបស់ខ្លួនប្រព្រឹត្តបទល្មើសរំលោភច្បាប់និងវិន័យនគរបាលដែរឬអត់នោះទេ?។
សូមបញ្ជាក់ថាបទល្មើសវិតិក្រម គឺជាបទល្មើសដែលប្រព្រឹត្តដោយអ្នករាជការសាធារណៈ ឬពលរដ្ឋទទួលអណត្តិសាធារណៈ ដោយការបោះឆ្នោត ដែល៖ ទី១ ទាមទារ ឬទទួលសិទ្ធិ ជាពន្ធ ជាអាករ នូវចំនួនប្រាក់ដែលខ្លួនបានដឹង ថាមិនត្រូវបង់ ឬដែលលើសពីចំនួនដែល គេត្រូវបង់ និងទី២ យល់ព្រមក្រោមរូបភាពណាមួយ និងដោយមូលហេតុណាមួយក៏ដោយ ធ្វើការលើកលែង ឬការលោះលាចំពោះការ បង់ពន្ធ ឬអាករដែលខ្លួនដឹងថាខុសច្បាប់។ បទល្មើសវិតិក្រមនេះ ត្រូវ កំណត់ការផ្តន្ទាទោសដាក់ពន្ធនាគារពី២ឆ្នាំ ទៅ៥ឆ្នាំ និងពិន័យជាប្រាក់ពី៤លានរៀល ទៅ១០លានរៀល ។
បទរំលោភអំណាច មាត្រា៣៥ នៃច្បាប់ស្តីពីការប្រឆាំងអំពើពុករលួយ “បទរំលោភអំណាច” បានចែងថា៖ អំពើប្រព្រឹត្តដោយអ្នករាជការសាធារណៈ ឬ ដោយពលរដ្ឋដែលទទួលអាណត្តិសាធារណៈតាមការបោះឆ្នោតនៅក្នុងការបំពេញមុខងាររបស់ខ្លួន ឬ ក្នុងឱកាសនៃការបំពេញមុខងាររបស់ខ្លួន ចាត់វិធានការរារាំងការអនុវត្តច្បាប់ ដើម្បីទទួលបានដោយខុសច្បាប់នូវអត្ថប្រយោជន៍ណាមួយ ត្រូវផ្តន្ទាទោសដាក់ពន្ធនាគារពី ២ (ពីរ) ឆ្នាំ ទៅ ៥ (ប្រាំ) ឆ្នាំ និងពិន័យជាប្រាក់ពី ៤.០០០.០០០ (បួនលាន) រៀល ទៅ ១០.០០០.០០០ (ដប់លាន) រៀល។ បទល្មើសនេះ ត្រូវផ្តន្នាទោសដាក់ពន្ធនាការពី ៥ឆ្នាំ ទៅ ១០ឆ្នាំ ។
