វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2398 នាក់
ម្សិលមិញ 5020 នាក់
សរុប 14117845 នាក់
ព្រះសីហនុ ៖ សាលាខេត្តព្រះសីហនុ នៅថ្ងៃទី២២ ខែធ្នូ ឆ្នាំ២០២០បានចេញសេចក្តីជូនដំណឹងមួយឲ្យលោក ភឺន ផល្លា , លោកភោគ វឌ្ឍនា, លោកឈិន ហ៊ាង និងលោកឈិត ហ៊ាន និងប្រជាពលរដ្ឋនៅភូមិអូរតាសេក និងភូមិអូរឧកញ៉ាហេង ដែលពាក់ព្ធ័ករណីវិវាទដីធ្លីស្ថិតនៅភូមិអូរតាសេក និងភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុនៅស្ងៀមសិនទុកមេស៊ីសង។
សេចក្តីជូនដំណឹងរបស់លោកគួច ចំរើន អភិបាលខេត្តព្រះសីហនុបានបញ្ជាក់ថា៖ ករណីវិវាទដីធ្លីស្ថិតនៅភូមិអូរឧកញ៉ាហេង និងភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ រដ្ឋបាលខេត្តព្រះសីហនុ បានចាត់តាំងក្រុមការងារចម្រុះ ចុះអង្កេតស្រាវជ្រាវដោយយកចិត្តទុកដាក់ ចាប់តាំងពីថ្ងៃទី១១ ខែកញ្ញា ឆ្នាំ២០២០ ដើម្បីធ្វើការបូកសរុបលទ្ធផល នៃការអង្កេតស្រាវជ្រាវជូនថ្នាក់ ដឹកនាំពិនិត្យសម្រេច ។
សូមបញ្ជាក់ថា នៅថ្ងៃទី៨ ខែធ្នូ ឆ្នាំ២០២០ រដ្ឋបាលខេត្តព្រះសីហនុ បានចេញលិខិតលេខ ៥៧៩ សជណ ជម្រាបជូនរដ្ឋបាលស្រុកព្រៃនប់ ផ្អាកនូវការចុះស្រង់ស្ថិតិតាមខ្នងផ្ទះប្រជាពលរដ្ឋ និងការសម្របសម្រួលផ្សេងៗរវាងគូភាគី ដើម្បីទុកភារកិច្ច ដល់ក្រុមការងារចម្រុះរបស់រដ្ឋបាលខេត្តធ្វើការ ស្រាវជ្រាវឱ្យបានច្បាស់លាស់។
លោកគួចចំរើន បានថ្លែងថា ដើម្បីជៀសវាងនូវបាតុភាពផ្សេងៗ ដែលអាចកើតឡើងក្នុងសំណុំរឿងវិវាទនេះ រដ្ឋបាលខេត្តព្រះសីហនុ ស្នើឱ្យលោក លោកស្រីជាភាគីពាក់ព័ន្ធ និងប្រជាពលរដ្ឋទាំងអស់ត្រូវរក្សាស្ថានភាពដើម លើទីតាំងដីវិវាទជាបណ្តោះអាសន្ន និងជៀសវាងរាល់ការធ្វើសកម្មភាពផ្សេងៗ ដែលជាហេតុបង្កការរាំងស្ទះ យឺតយូរដល់ដំណើរការអង្កេត ស្រាវជ្រាវ និងស្នើភាគីពាក់ព័ន្ធទាំងអស់ រួមទាំងប្រជាពលរដ្ឋ រងចាំលទ្ធផលអង្កេតស្រាវជ្រាវរបស់ក្រុមការងារចម្រុះរដ្ឋបាលខេត្ត ដែលនឹងត្រូវធ្វើការបូកសរុបបញ្ចប់នាពេលខាងមុខនេះ ។
សូមបញ្ជាក់ថាករណីវិវាទដីធ្លីនៅភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុឈានដល់ការផ្ទុះអំពើហឹង្សា កាលពីរសៀលថ្ងៃទី២០ ខែធ្នូ ឆ្នាំ២០២០ សមត្ថកិច្ចបានឃាត់ខ្លួនមនុស្ស៨នាក់។ លោកអធិការស្រុកព្រៃនប់អះអាងថាមនុស្ស៨នាក់នោះជាភាគីខាងក្រុមហ៊ុនភឺន ផល្លា(រងយោធាង៧០) ចំណែកភាគីខាងពលរដ្ឋ មិនទាន់មានការឃាត់ខ្លួនទេ។
លោកឧត្តមសេនីយ៍ ជួន ណារិនស្នងការនគរបាលខេត្តព្រះសីហនុ ប្រាប់កាសែតក្នុងស្រុកថា ហេតុការណ៍នេះ សមត្ថកិច្ចបានឃាត់ខ្លួន បណ្តោះអាសន្ន នូវមនុស្ស ៨នាក់ យកទៅអធិការដ្ឋាននគរបាលស្រុកព្រៃនប់ ដើម្បីសាកសួរនិងចាត់វិធានការ ច្បាប់ចំពោះជនដៃដល់។ នៅថ្ងៃនេះ សមត្ថកិច្ចកំពុងតែបន្តនីតិវិធីចុះស្រាវជ្រាវស្វែងរកការពិតបន្ថែមទៀត។
បើតាមរបាយការណ៍របស់ លោកវរសេនីយ៍ឯកហួ យ៉ៃអធិការនគរបាលស្រុកព្រៃនប់ បានឲ្យដឹងថា៖ជម្លោះដីធ្លីឈានដល់ផ្ទុះជាអំពើហិង្សានេះ កើតឡើង រវាងក្រុមហ៊ុន ភឺន ផល្លា និងប្រជាពលរដ្ឋ បណ្តាលឲ្យភាគីទាំងសងខាងរងរបួស ក្នុងនោះភាគីក្រុមហ៊ុនរងបួសមធ្យមចំនួន០២នាក់ (ប្រុស) រីឯភាគី ខាងប្រជាពលរដ្ឋ រងបួសមធ្យមចំនួន៣នាក់ (ស្រី១នាក់) មូលហេតុ ដោយសារខាងក្រុមហ៊ុន បានចុះ ហាមឃាត់ ប្រជាពលរដ្ឋ មិនឲ្យសាងសង់ផ្ទះ ទើបបណ្តាលឲ្យកើតជាអំពើហិង្សាឡើង ។
ពេលមានហេតុការណ៍នេះ កម្លាំងសមត្ថកិច្ចចម្រុះមាននគរបាល កងរាជអាវុធហត្ថ ដឹកនាំដោយលោក ព្រំ ប៊ុន្នី នាយករងរដ្ឋបាលសាលាស្រុក ក្នុងនាមគណបញ្ជាការឯកភាពរដ្ឋបាលស្រុកព្រៃនប់ បានចុះទៅអន្តរាគមន៍ រកដំណោះស្រាយ ប៉ុន្តែប្រជាពលរដ្ឋបានប្រមូលផ្តុំគា្នកាន់តែច្រើនឡើងហើយបិទផ្លូវមិនឲ្យខាងក្រុមហ៊ុនចេញមកក្រៅ ដោយចោទថា ខាងក្រុមហ៊ុន ប្រើអំពើហឹង្សានិងបាញ់គំរាមប្រជាពលរដ្ឋថែមទៀត ។ ក្នុងជម្លោះហឹង្សានេះ ក្រៅពីមានមនុស្សរងរបួស ក៍មានរថយន្តមួយគ្រឿងរបស់ភាគីក្រុមហ៊ុនរងការខូចខាតផងដែរ។
របាយការណ៍បញ្ជាក់ថា ក្រោយកើតហេតុ សមត្ថកិច្ចបានឃាត់ខ្លួនបណ្តោះអាសន្នមនុស្ស ចំនួន០៨នាក់ ដែលជាភាគីខាងក្រុមហ៊ុនរួមមាន ៖ ១.ឈ្មោះ គង់ រក្សា ភេទប្រុស អាយុ៣៦ឆ្នាំមានទីលំនៅភូមិ៤ សង្កាត់៤ ក្រុង.ខេត្តព្រះសីហនុ។ ២. ឈ្មោះ សាំង កូ ភេទប្រុស អាយុ១៩ឆ្នាំមានទីលំនៅភូមិអូតាសេក ឃុំអូរឧកញ៉ាហេងស្រុកព្រៃនប់ ខេត្តព្រះសីហនុ ។ ៣.ឈ្មោះសុខ ភារម្យ ភេទប្រុស អាយុ៣១ឆ្នាំមានទីលំនៅភូមិអូរតាសេក ឃុំអូរឧកញ៉ាហេងស្រុកព្រៃនប់ខេត្តព្រះសីហនុ។ ៤.ឈ្មោះសៀ រដ្ឋាភេទប្រុស អាយុ៣៦ឆ្នាំមានទីលំនៅភូមិអូតាសេក ឃុំអូរឧកញ៉ាហេងស្រុកព្រៃនប់ខេត្តព្រះសីហនុ។ ៥.ឈ្មោះឡៅ តឹកយូ អាយុ៥៧ឆ្នាំមានទីលំនៅភូមិអូរតាសេក ឃុំអូរឧកញ៉ាហេង ស្រុកព្រៃនប់ខេត្តព្រះសីហនុ។
៦.ឈ្មោះចក់ សុគន្ធភេទប្រុស អាយុ៥៦ឆ្នាំមានទីលំនៅភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។ ៧.ឈ្មោះ សុង ចិន ភេទប្រុស អាយុ៣០ឆ្នាំមានទីលំនៅភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។ ៨.ឈ្មោះផាន សាពេជ្រ ភេទប្រុស អាយុ៣៧ឆ្នាំមានទីលំនៅភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។
ប្រជាពលរដ្ឋបានចោទប្រកាន់លោកផ្កាយពីរ ភឺនផល្លា មេបញ្ជាការរង កងពលតូចលេខ៧០ជាអ្នកនៅពីក្រោយ នៃសកម្មភាព ប្រើហិង្សា វាយ បាញ់ ប្រជាពលរដ្ឋឱ្យរងរបួសច្រើននាក់ នៅចំណុចភូមិ-ឃុំឧកញ៉ាហេង ស្រុកព្រៃនប់ ខេត្តព្រះសីហនុ។