វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2219 នាក់
ម្សិលមិញ 8227 នាក់
សរុប 14129100 នាក់
(កំពង់ឆ្នាំង): ស្បៀង និង គ្រឿងឧបភោគបរិភោគ ដែលជាអំណោយសប្បុរសជននៅក្នុងខេត្តកំពង់ឆ្នាំង របស់លោកស្រី អ៊ឹង ហួរ និង ក្រុមគ្រួសារ ត្រូវបានចែកដល់ប្រជាពលរដ្ឋក្រីក្រចំនួន៦០០គ្រួសារទៀតនៅក្រុងកំពង់ឆ្នាំង នៅថ្ងៃទី២៧ ខែមេសា ឆ្នាំ២០២១ ដោយមានការចូលរួមពីលោក យិន សាវ៉េន អភិបាល ក្រុងកំពង់ឆ្នាំង ។
លោកស្រី អ៊ឹង ហួរ បានមានប្រសាសន៍ថា អំណោយដែលបានផ្តល់ជូនទាំងនេះ គឺបានមកពីការចូលរួមរបស់ក្រុមគ្រួសារសាច់ញាតិ ជាកូន កូនប្រសារ ចៅៗ ដើម្បីចូលរួមនូវសកម្មភាពមនុស្សធម៌ជួយដល់ប្រជាពលរដ្ឋជួបការលំបាកក្នុងដំណាក់កាលនៃការឆ្លងរីករាលដាលនៃជំងឺកូវីដ១៩ ។អំណោយនេះបានចាប់ផ្តើមចែកជួនដល់ប្រជាពលរដ្ឋនៅក្រុងកំពង់ឆ្នាំង តាំងពីថ្ងៃទី១៤ ខែមេសា ឆ្នាំ២០២១ រហូតដល់ថ្ងៃ២៧ ខែមេសា ឆ្នាំ 2021នេះ ក្រុមគ្រួសាររបស់លោកស្រី ធ្លាប់បានចែកដល់គ្រួសារដែលជួបការលំបាកបានចំនួន១៣០០
គ្រួសារផងដែរ។ក្នុងឱកាសនោះ លោក យិន សាវ៉េន តំណាងឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង បានសំដែងនូវអំណគុណយ៉ាងជ្រាលជ្រៅចំពោះទឹកចិត្ត សទ្ធាជ្រះថ្លា ប្រកបដោយសប្បុរសធម៌របស់ក្រុមគ្រួសារលោកស្រីអ៊ឹង ហួរ ដែលបានបរិច្ចាកនូវធនធានផ្ទាល់ខ្លួនដ៍មានតម្លៃចូលរួមក្នុងសកម្មភាពមនុស្សធម៌ ចែករំលែកនូវធនធានទាំងនេះដល់ប្រជាពលរដ្ឋដែលជួបការលំបាក ក្នុងដំណាក់កាលនៃការរាតត្បាតដោយជំងឺកូវីដ១៩ ។
លោក យិន សាវ៉េន បានបន្តទៀតថា ការចូលរួមរបស់សប្បុរសជន ក្នុងការជួយដល់ប្រជាពលរដ្ឋក្នុងដំណាក់កាលដ៍លំបាកនេះ គឺជាការងារសង្គមមួយដែលមិនអាចខ្វះបាន ដែលបង្ហាញឲ្យឃើញពីការជួយគ្នាទៅវិញទៅមកនៅក្នុងសង្គម ពិសេសការចូលរួមជាមួយរាជរដ្ឋាភិបាល ក្នុងពេលដែលកម្ពុជា ត្រូវការនូវធនធានពីគ្រប់មជ្ឈដ្ឋានដើម្បីជួយដល់ប្រជាពលរដ្ឋ ក្នុងបរិបទនៃការរីករាលដាលនៃជំងឺកូវីដ១៩នេះ ។
លោក យិន សាវ៉េន បានអំពាវនារដល់បងប្អូនប្រជាពលរដ្ឋទាំងអស់ត្រូវអនុវត្តជាប្រចាំ ពាក់ម៉ាស់ លាងសំអាតដៃ និងអាល់កុល ឬសាប៊ូនិងត្រូវរក្សានូវគម្លាតសុវត្ថិភាព ពិសេសគឺកាអនុវត្តតាមការណែនាំរបស់រាជរដ្ឋាភិបាល និងការណែនាំរបស់ក្រសួងសុខាភិបាក ៣កុំ ៣ការពារ អោយបានជាប់ជាប្រចាំ។
អំណោយដែលបានផ្តល់ជូនប្រជាពលរដ្ឋនាពេលនេះ ជាអំណោយរបស់ លោកស្រី អ៊ឹង ហួរ ,លោក ឃាម បញ្ញា លោកស្រី ឃាម ចាន់ណា និង លោក ឌុច សុធី ព្រមទាំងបុត្រ ជាសប្បុរសជននៅក្នុងក្រុងកំពង់ឆ្នាំង ។ ផ្តល់ជូនប្រជាពលរដ្ឋជាង៦រយគ្រួសារ នៅក្រុងកំពង់ឆ្នាំង ។ ប្រជាពលរដ្ឋក្នុងមួយគ្រួសារទទួលបានអង្ករ២០គីឡូក្រាម ត្រីខ១យួ មី១០កញ្ចប់ អំបិល២គីឡូក្រាម ទឹកត្រី៣ដប ទឹកស៊ីអ៊ីវ៣ដបផងដែរ ។