វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3286 នាក់
ម្សិលមិញ 10264 នាក់
សរុប 14142468 នាក់
ខេត្តព្រះសីហនុ៖ បន្ទាប់ពីកើតមានករណីក្រុមជនជាតិចិនអុកឡុកបង្កការ ភ័យខ្លាចនិងក្តៅក្រហាយដល់ពលរដ្ឋ និងអ្នកទេសចរនៅខេត្តព្រះសីហនុ ញឹកញាប់មក អគ្គរដ្ឋទូតចិនបានទៅ ជួបប្រជុំពិភាក្សាការងារជាមួយមេស្នងការដ្ឋាន នគរបាលខេត្តព្រះសីហនុ ដើម្បីសហការគ្នារឹតបន្តឹងផ្នែកសន្តិសុខសង្គមកាលពីរសៀលថ្ងៃទី១៤ខែសីហាឆ្នាំ២០១៨ ថ្មីៗ ។
ឧត្តមឧត្តមសេនីយ៍ទោ ជួន ណារិន្ទស្នងការនគរបាលខេត្តព្រះសីហនុ បានធ្វើបដិសណ្ឋារកិច្ច ប្រតិភូអគ្គរដ្ឋទូតចិនប្រចាំប្រទេសកម្ពុជា ដឹកនាំដោយMr.LiNingYa(military attache of China សេនានុព័ន្ធយោធាចិនប្រចាំប្រទេសកម្ពុជា) និង Mr.Zhang Ping (Police Liaison Office China មន្ត្រីទំនាក់ទំនងកិច្ចការប៉ូលីស នៃស្ថានទូតចិន ប្រចាំប្រទេសកម្ពុជា)។
ក្នុងកិច្ចពិភាក្សា បានផ្តោតលើការងារសំខាន់ៗ ជាច្រើន ពាក់ព័ន្ធទៅលើជំនួយផ្សេងៗ ដែលរដ្ឋាភិបាលចិន មានបំណងជួយកម្ពុជាដើម្បីពង្រឹងការងារថែរក្សាសន្តិសុខសណ្តាប់ធ្នាប់សង្គម ។
Mr.LiNingYa បានស្នើសុំឲ្យគណៈប្រតិភូនគរបាលខេត្តព្រះសីហនុ ទៅធ្វើទស្សនកិច្ច នៅប្រទេសចិន និងទៅកាន់ខេត្តជាំងស៊ូ ដែលជាខេត្តមួយរបស់ប្រទេសចិនដែលមានការរីកចម្រើនខ្លាំងជាងគេ មានសន្តិសុខល្អប្រសើរ ដោយមានបំណងឲ្យនគរបាលខេត្តទាំងពីរ ជាំងស៊ូ និង ខេត្តព្រះសីហនុ ចងសម្ពន្ធមេត្រីភាពជាមួយគ្នា ឲ្យបានឆាប់បំផុតទៀតផង។
សូមបញ្ជាក់ថា ថ្មីៗនេះនៅក្នុងខេត្តព្រះសីហនុបានកើតមាន អំពើ ហិង្សារវាយ កាប់ចាក់គ្នា និងបាញ់បោះសេរីដែលក្រុមជន បង្កភាកច្រើនជាជនជាតិចិនជាច្រើនករណីបង្កការភ័យខ្លាច ដល់ប្រជាពលរដ្ឋ និងភ្ញៀវទេសចរនៅក្នុងខេត្តព្រះសីហនុ ៕ ដោយ៖ សុផល