វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7750 នាក់
ម្សិលមិញ 6961 នាក់
សរុប 15995108 នាក់
វៀតណាម៖ នៅថ្ងៃទី០២ ខែមេសា ឆ្នាំ២០២១នេះតំណាងរាស្ត្រចំនួន៤៤៦ ក្នុងចំណោម៤៥២ នៃ រដ្ឋសភាវៀតណាមនីតិកាលទី១៣ បានអនុម័តសេចក្តីសម្រេចបញ្ចប់តំណែងលោក ង្វៀន សួនហ្វ៊ុកពីនាយករដ្ឋមន្ត្រី ក្រោយបានបំពេញការងារអស់រយៈពេល៥ឆ្នាំ។ លោក ង្វៀន សួនហ្វ៊ុក ត្រូវបានបក្សកុម្មុយនីស្ត វៀតណាមជ្រើសតាំងជាបេក្ខភាពប្រធានាធិបតីជំនួសលោក ង្វៀន ភូជុង។លោក ផាម មិញឈិញត្រូវបានជ្រើសតាំងជានាយករដ្ឋមន្ត្រីថ្មីរបស់វៀតណាម។
សារព័ត៌មានវៀតណាម Viet Nam News បានចុះផ្សាយថាចំពោះការបញ្ចប់តំណែងលោក ង្វៀន សួនហ្វ៊ុក នឹងបើកផ្លូវដល់ការតែងតាំងរដ្ឋាភិបាលថ្មី ក៏ដូចជាការបោះឆ្នោតតែងតាំងរូបលោក ជាប្រធានាធិបតីវៀតណាមថ្មីផងដែរ។លោក ង្វៀងហាញ់ហ្វុក(Nguyễn Hạnh Phúc) អគ្គលេខាធិការរដ្ឋសភាវៀតណាម បានបញ្ជាក់នៅក្នុងសន្និសីទសារព័ត៌មានថា លោក ហ្វ៊ុក ត្រូវបានស្នើជាបេក្ខភាពជាប្រធានាធិបតី។ជាករណីទីមួយហើយក្នុងប្រវត្តិនយោបាយវៀតណាម ដែលនាយករដ្ឋមន្ត្រីកាន់តំណែងត្រូវបានជ្រើសតាំងជា បេក្ខភាពប្រធានាធិបតី។
រដ្ឋសភាវៀតណាម បានអនុម័តសេចក្តីសម្រេចបញ្ចប់តំណែងប្រធានាធិបតីរបស់ លោក ង្វៀន ភូជុង រួចហើយដែរ។ តំណាងរាស្ត្រវៀតណាម គ្រោងបោះឆ្នោតតែងតាំងលោក ផាម មិញឈិញ ជានាយករដ្ឋមន្ត្រីថ្មី នៅថ្ងៃទី៥ ខែមេសា ហើយរដ្ឋាភិបាលវៀតណាមថ្មីគ្រោងនឹងចូលស្បថកាន់តំណែងនៅថ្ងៃដដែល។ លោក ឈិញ ជាប្រធានគណៈចាត់តាំងមជ្ឈឹមបក្សកុម្មុយនីស្តវៀតណាម។
លោក ង្វៀន សួនហ្វ៊ុក កាន់តំណែងជានាយករដ្ឋមន្ត្រីវៀតណាមពីឆ្នាំ២០១៦ ដល់ឆ្នាំ២០២១។ ក្នុងរយៈពេល៥ឆ្នាំនៃការ កាន់តំណែង ផលិតផលសរុបក្នុងស្រុកវៀតណាមមានការកើនឡើងជាលំដាប់ ដោយថែមទាំងសម្រេចបាន កិច្ចព្រមព្រៀងពាណិជ្ជកម្មជាមួយប្រទេសមួយចំនួនផងដែរ។ លោកក៏ត្រូវបានសាធារណៈជន វៀតណាមកោតសសើរចំពោះការឆ្លើយតបទៅនឹងការផ្ទុះជំងឺកូវីដ-១៩។
គួរបញ្ជាក់ថា អំណាចដឹកនាំរដ្ឋនៅវៀតណាមត្រូវបានបែងចែកទៅកាន់បុគ្គលសំខាន់ៗ៤រូប គឺអគ្គលេខាធិការបក្សកុម្មុយនីស្ត វៀតណាម(ដែលកាន់កាប់អំនាចយោធា); ប្រធានាធិបតី ;នាយករដ្ឋមន្ត្ក្រី(កាន់ការងាររដ្ឋបាលសេដ្ឋលកិច្ច) និងប្រធានសភា។ ដោយឡែកសមាជបក្សកុម្មយនីស្តវៀតណាម ដែលឡើងពីថ្ងៃទី ២៥ ខែមករា ដល់ថ្ងៃទី២ ខែកុម្ភៈ ជ្រើសតាំងលោក ជុង ឱ្យបន្តកាន់តំណែងជាអគ្គលេខាធិការបក្សអាណត្តិទី៣។ ចំណែកតំណែងប្រធានសភាបានទៅលោកវឿងឌិញវេ( Vuong Dinh Hue )៕