វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1246 នាក់
ម្សិលមិញ 5378 នាក់
សរុប 14080539 នាក់
ភ្នំពេញ៖«មានការយាយីចំនួន៣៥ករណីប្រឆាំងនឹងអ្នកសារព័ត៌មានចំនួន៧២នាក់ក្នុងឆ្នាំ២០២០»។នេះបើតាមរបាយការណ៍កម្រាស់២៨ទំព័ររបស់សមាគមកាសែតឈ្មោះសម្ពន័សាពត័មានកមញបុជាហៅកាត់ថា(CAMBOJA)ខេមបូចា នៅថ្ងៃទី២៩ ខែមីនានេះ ។
កំណត់ត្រាខេមបូចាប្រាប់ថាគេបានរកឃើញថានៅក្នុងឆ្នាំ២០២០កន្លងទៅ អ្នកសារព័ត៌មាននៅកម្ពុជាចំនួន៥៣នាក់ក្នុងចំណោម៧២នាក់ត្រូវបានចាប់ឃុំខ្លួន និងរងអំពើហិង្សា ហើយបទចោទព្រហ្មទណ្ឌ គឺជាបទចោទពេញនិយមជាងគេដែលអាជ្ញាធរនិងតុលាការយកមកប្រើប្រាស់ដើម្បីប្រឆាំនឹងអ្នកសារព័ត៌មាន។
ខេមបូចាបានវែកញែកថាប្រភេទនៃការយាយីប្រឆាំងនឹងអ្នកសារព័ត៌មានទាំងនេះដែលកើតឡើងច្រើនជាងគេ គឺការដាក់ពន្ធនាគារ និងការប្រើអំពើហិង្សា។ ក្នុងនោះ អ្នកសារព័ត៌មានចំនួន៣១នាក់ត្រូវបានចាប់ឃុំខ្លួន និង២២នាក់ទៀតបានទទួលរងការវាយដំលើរូបរាងកាយឬរងការគំរាមប្រើអំពើហិង្សានៅពេលកំពុងបំពេញការងារ។ខេមបូចាបញ្ជាំក់ថា បទចោទញុះញង់ឱ្យប្រព្រឹត្តបទឧក្រិដ្ឋជាអាទិ៍ ឬជំរិតទារប្រាក់នៃក្រមព្រហ្មទណ្ឌ ត្រូវបានប្រើប្រាស់ភាគច្រើនមែនទែនក្នុងការប្រឆាំងនឹងអ្នកសារព័ត៌មាននៅក្នុងប្រទេសកម្ពុជា។
ខេមបូចាបានវាយតម្លៃថាការចាប់ខ្លួនការឃុំខ្លួននិងការគំរាមកំហែងជាបន្តបន្ទាប់មកលើអ្នកសារព័ត៌មាន គឺធ្វើឱ្យប៉ះពាល់ដល់តួនាទីរបស់ប្រព័ន្ធផ្សព្វផ្សាយនៅក្នុងសង្គមប្រជាធិបតេយ្យ និងធ្វើឱ្យមានការភ័យខ្លាចចំពោះអ្នកដែលចុះផ្សាយរឿងរ៉ាវឬករណីពាក់ព័ន្ធនឹងមន្ត្រីអ្នកមានអំណាច។
លោកណុបវីនាយកប្រតិបត្តិខេមបូចាបានកត់សម្គាល់ថាអ្នកសារព័ត៌មានដែលចុះផ្សាយនិងរាយការណ៍អំពីផលប្រយោជន៍របស់មន្ត្រីយោធានិងអ្នកមានអំណាចនៅតែត្រូវបានគេធ្វើទុក្ខបុកម្នេញតាមរយៈប្រព័ន្ធតុលាការដែលប្រើប្រាស់ច្បាប់ព្រហ្មទណ្ឌជំនួសច្បាប់ស្តីពីរបបសារព័ត៌មាន។ម្យ៉ាងវិញទៀតពួកគេត្រូវបានគេវាយដំនិងទទួលរងនូវអំពើហិង្សាជាបន្តបន្ទាប់។
ប្រឈមនឹងបញ្ហាទាំងអស់នេះខេមបូចាបានអំពាវនាវដល់រដ្ឋាភិបាលកម្ពុជាឱ្យធានានូវសុវត្ថិភាពនិងសន្តិសុខរបស់អ្នកសារព័ត៌មានទាំងអស់ដើម្បីឱ្យពួកគេអាចអនុវត្តសិទ្ធិរបស់ពួកគេក្នុងការរាយការណ័ព័ត៌មានដោយសេរីនិងដោយគ្មានការភ័យខ្លាច។របាយការណ៍របស់សមាគមសម្ព័ន្ធអ្នកសារព័ត៌មានកម្ពុជាហៅកាត់ថា ខេមបូចានេះបានចេញផ្សាយតែប៉ុន្មានថ្ងៃប៉ុណ្ណោះបន្ទាប់ពីក្រសួងព័ត៌មានបានលុបចោលអាជ្ញាបណ្ណសារព័ត៌មានអនឡាញ៤ជាប់គ្នាៗតែម្តងដោយសារអះអាងថាសារពត៍មានទាំងនោះផ្សាយពត៍មានបំពុលសង្គម។