លោកដុកទរ័ ស្ដើង ជា ទទួលមរណៈភាពដោយជំងឺកូវីដ-១៩បានចាក់វ៉ាកសាំងគ្រប់ដូសហើយ!?
15-March-2026 / ព័ត៌មានជាតិ
ភ្នំពេញ៖លោកវេជ្ជបណ្ឌិត ស្ដើង ជា ប្រធានគណកម្មការវេជ្ជសាស្ត្រ និងវិទ្យាសាស្ត្រកីឡា បានទទួលមរណភាព ដោយសារជំងឺ និងដោយសារកូវីដ-១៩ នៅព្រឹកថ្ងៃទី២២ ខែមីនា បើទោះជាលោកបានចាក់វាំក់សាំងគ្រប់ដូសហើយក៏ដោយ។
លោកជំទាវ កុយ ពិសី អនុប្រធានលេខាធិការដ្ឋានអចិន្ត្រៃយ៍ នៃអាជ្ញាធរជាតិទទួលបន្ទុកកិច្ចការព្រំដែន និងជារដ្ឋលេខាធិការក្រសួងទេសចរណ៍ បង្ហាញនូវអារម្មណ៍ក្តុកក្តួលនឹកស្មានមិនដល់ ដោយលើកឡើងថា វីរុសកូវីដ ១៩ មិនប្រកាន់វ័យ ប្រកាន់ឋានៈតួនាទីឡើយ ដូច្នេះបើសិនជាបានចាក់វ៉ាកសាំងប្រឆាំងមេរោគមួយនេះក្តី ក៏តោងពលរដ្ឋខ្មែរគ្រប់ស្រទាប់វណ្ណះ បន្តអនុវត្តនូវវិធានការ «៣កុំ ៣ការពារ» ដើម្បីកុំឲ្យក្លាយខ្លួនជាជនរងគ្រោះនៃជំងឹកូវីដ ១៩ ។
លោកជំទាវបានមានប្រសាសន៍បញ្ជាក់ថា «មួយថ្ងៃៗតាមដានដូចរឿងភាគពីចំនួនកើន ឡើងនៃអ្នកឆ្លង និងអ្នកស្លាប់ដោយ COVID-19។ បើចំនួនកើនលើស ៥០ អ្នកស្ទើរាល់ថ្ងៃ តើមន្ទីរពេទ្យ និងពេទ្យយើងទ្រាំទ្របានដែរទេ? ថ្ងៃណាក៏តក់ស្លុតរាល់ឭដំណឹងអ្នកមរណៈភាព។ មើលចុះ doctor (វេជ្ជបណ្ឌិត) ហើយក៏ស្លាប់បាន ហើយថែមទាំងបានចាក់ vaccine ការពារហើយទៀត។ COVID- 19 មិនរើសអាយុ ឋានៈ តួនាទីអ្នកក្នុងសង្គមឡើយ មានតែអ្នកខ្លួនឯងទេដែលអាចការ ពារបានដោយខ្លួនឯង គឺទៅចាក់ថ្នាំការពារនិងអនុវត្តតាមវិធានការណ៏៣ការពារ និង៣ កុំ ហើយបើសង្ស័យត្រូវប្រញ៉ាប់ទៅរកការពិនិត្យពីគ្រូពេទ្យ»។
ទាក់ទងមរណៈភាពនេះដែរលោកបណ្ឌិត ថោង ខុនរដ្ឋមន្ត្រីក្រសួងទេសចរណ៍និងជាប្រធាន គណៈកម្មាធិការជាតិអូឡាំពិកកម្ពុជាបានសម្ដែងនូវការសោកស្ដាយឥតឧបមា ចំពោះការបាត់បង់សកម្មជន និងអ្នកមានគុណូបការៈដ៏ធំធេង ចំពោះចលនាអូឡាំពិកនាពេលនេះ។សមាជិកគណៈកម្មាធិការប្រតិបត្តិNOCCព្រមទាំងមហាគ្រួសារកីឡាជាតិទាំងអស់នឹងចងចាំជានិច្ចនូវគុណូបការៈដ៏វិសេសវិសាលនៃការខិតខំប្រឹងប្រែងជួយដល់វិស័យកីឡាជាតិ និងចលនាអូឡាំពិកកម្ពុជារបស់លោកវេជ្ជបណ្ឌិត ស្ដើង ជា។
ដោយសារស្ថានភាពជំងឺកូវីដ-១៩ មិនអាចចូលរួមវិញ្ញាក្ខន្ធផ្ទាល់បាន លោករដ្ឋមន្ដ្រី រួមទាំងគណៈកម្មាធិការប្រតិបត្តិ NOCC បានប្រកាសចូលបច្ច័យចូលបុណ្យចំនួន ៥លានរៀលដល់គ្រួសារសព និងសូមឲ្យវិញ្ញាណក្ខន្ធលោកវេជ្ជបណ្ឌិត ស្ដើង ជា បានទៅកាន់សុគតិភពកុំបីឃ្លៀងឃ្លាតឡើយ។
តាមការបញ្ជាក់របស់មន្ដ្រីNOCCបានឲ្យដឹងថាអំឡុងពេលនិងមុនពេលលោកវេជ្ជបណ្ឌិតស្ដើងជាមានអាការៈនេះលោកមិនបានទៅគណៈកម្មាធិការជាតិអូឡាំពិកកម្ពុជានោះទេ តែដើម្បីចូលរួមទប់ស្កាត់ការរីករាលដាលជំងឺកូវីដ-១៩ ជាមួយរាជរដ្ឋាភិបាលកម្ពុជា និងក្រសួងសុខាភិបាល គណៈកម្មាធិការជាតិអូឡាំពិកកម្ពុជា បានសម្រេចបិទទ្វារបណ្ដោះអាសន្ន រហូតដល់មានការជូនដំណឹងជាថ្មី។សូមបញ្ជាក់ដែរថាលោកដុកទរ័ស្តើងជាជាមនុស្សទី៤ដែលស្លាប់ដោយសារជម្ងឺកូវីតបន្ទាប់ពីមានព្រឹត្តិការសហគមន៍។ទោះជាយ៉ាងណាមិនទាន់មានការពនយល់ពីក្រសួងសុខាភិបាលអំពីប្រសិទ្ធីភាពនៃវ៉ាកសាំងដែលលោកដុកទរ័ស្តើងជាចាក់នោះថាជាវ៉ាក់សាំងអ្វីនោះឡើយ?។ទាក់ទងរឿងស្លាប់នេះដែរលោកជំទាវឱវ៉ាន់ឌីនរដ្ឋលេខាធីកានិងជាអ្នកនាំពាក្យក្រសួងសុខាភិបាលដែលទើបនឹងទទួលបានការតែងតាំងពីនាយករដ្ឋមន្ត្រីជាប្រធានគណកម្មការចំពោះកិច្ចជម្រុញការវ៉ាកសាំងនិងទិញវ៉ាកសាំងក្នុងបទសម្ភាសន៍ជាមួួទូរទស្សន៍បានបង្ហាញពីការព្រួយបារម្ភចំពោះមរណៈភាពដែលនឹងកើនឡើងបន្តទៀតចពោះអ្នកជម្ងឺកូវីត១៩ដែលបាននិងកំពុងកើនឡើង៕
