វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3759 នាក់
ម្សិលមិញ 6501 នាក់
សរុប 13952314 នាក់
ត្បូងឃ្មុំ៖លោក ក្រុមឈ្មួញ និងអាជីវករ នាំចេញជ័រកៅស៊ូស្អុយ ដំឡូងមី និងកសិផលផ្សេងៗ ទៅស្រុកយួន តាមច្រកទ្វារព្រំដែនដា ពួកគាត់ត្រូវអារសាច់ជូនកូនចៅលោក មុយ បញ្ញារិទ្ធដែលជាមេគយច្រកព្រុំដែនកម្ពុជាវៀតណាមដារហៅដូង៧ដើម។ករណីយ៍នេះក៏មានប្រជាពលរដ្ឋជាអាជីវករនិយាយឲ្យចំឈ្មួញធំៗ នាំចូល និងនាំចេញទំនិញតាមច្រកទ្វារព្រំដែនដា ហៅដូង៧ដើម សុទ្ធតែមានទំនាក់ទំនងជិតស្និទ្ធជាមួយលោក មុយ បញ្ញារិទ្ធ ដើម្បីឲ្យអាជីវកម្ម របស់ពួកគេអាចប្រព្រឹត្តទៅដោយរលូន។
អ្នករកស៊ីតូចតាចនិយាយថាលោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជាដែលទទួលបានសិទ្ធពីនាយករដ្ឋមន្ត្រីមិនឲ្យចូលនិវត្តន៍ដោយសារពូកែរកចំណូល គួរពិនិត្យឡើងវិញខ្លះផង ព្រោះក្នុងតំណែងជាប្រធានការិយាល័យគយច្រកដា ហៅច្រកដូង៧ដើម នៅពេលនេះគឺលោក មុយ បញ្ញារិទ្ធ ល្បីខាងយកកម្រៃក្រៅសម្បើម។ប្រភពពីអ្នកជិតស្និតមន្ត្រីគយខេត្តត្បូងឃ្មុំ បានឲ្យដឹងទៀតថា ដោយសារអាងមានខ្នងបង្អែកក្រាស់នៅក្នុងអគ្គនាយកដ្ឋានគយ និងរដ្ឋករកម្ពុជា ទើបលោក មុយ បញ្ញារិទ្ធ ប្រធានការិយាល័យច្រកទ្វារព្រំដែនដា ហៅដូង៧ដើម មិនញញើតក្នុងការប្រព្រឹត្តអំពើល្មើសច្បាប់ប្រឆាំងអំពើពុករលួយ។តែយ៉ាងណាមេៗ គយក្នុងខេត្តត្បូងឃ្មុំ មិនហ៊ានប៉ះពាល់លោក មុយ បញ្ញារិទ្ធ នោះទេ ព្រោះដឹងថា មានខ្នងបង្អែករឹងមាំ ចាំជួយបិទបាំងរឿងអាស្រូវដែលជាឱកាស ទុកឲ្យមេគយច្រកដូង៧ដើមរូបនេះ ធ្វើអ្វីៗតាមអំពើចិត្ត។
មន្ត្រីពាក់ព័ន្ធនៅច្រកទ្វារព្រំដែនដា ហៅដូង៧ដើម ស្រុកមេមត់ ខេត្តត្បូងឃ្មុំ បានឲ្យដឹងថា បច្ចុប្បន្នឈ្មួញតូចធំ នាំទំនិញពីស្រុកយួន ចូលតាមច្រកដាយ៉ាងសកម្មហើយទំនិញដែលឈ្មួញធំៗ នាំចូលបង់ពន្ធមិនដល់៥០ភាគរយនោះទេ?។ប្រភពបានឲ្យដឹងទៀតថា បន្ទាប់ពីទទួលបានតំណែងជាប្រធានការិយាល័យគយច្រកទ្វារព្រំដែនដា ហៅដូង៧ដើម ជំនួសលោក យឹម វណ្ណៈ គឺលោក មុយ បញ្ញារិទ្ធ និងបក្សពួកសប្បាយចិត្តប្រមូលលុយ ដាក់ក្នុងហោប៉ៅ ធ្វើមានធ្វើបានក្រៅពីពីបែងចែករួច?៕