វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4095 នាក់
ម្សិលមិញ 6501 នាក់
សរុប 13952650 នាក់
ភ្នំពេញ៖ រដ្ឋបាលរាជធានីភ្នំពេញ បានប្រកាសឧបត្ថម្ភថវិកាដល់អ្នកធ្វើចត្តាឡីស័កទាំងអស់ នៅរាជធានីភ្នំពេញ ដោយក្នុង ១គ្រួសារ ទទួលថវិកាចំនួន ២ម៉ឺនរៀល ក្នុង១ថ្ងៃ រយៈពេល ១៥ថ្ងៃ សរុប ៣០ម៉ឺនរៀល និងអង្ករ ២០គីឡូក្រាម។
សេចក្តីជូនដំណឹងរបស់សាលារាជធានីភ្នំពេញ នៅថ្ងៃទី១ ខែមីនា ឆ្នាំ២០២១បានបញ្ជាក់ថា យោងតាមអនុសាសន៍ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ក្នុងការជួយសម្រួលដល់ជីវភាពរបស់ប្រជាពលរដ្ឋដែលមានការពាក់ព័ន្ធដោយផ្ទាល់នឹងព្រឹត្តិការណ៍សហគមន៍២០កុម្ភៈ រដ្ឋបាលរាជធានីភ្នំពេញ នឹងឧបត្ថម្ភថវិការបស់រាជរដ្ឋាភិបាលជូនប្រជាពលរដ្ឋ ដែលធ្វើចត្តាឡីស័ក។
សូមបញ្ជាក់ថា ចំពោះការផ្តល់ការឧបត្ថម្ភនេះ រដ្ឋបាលរាជធានីភ្នំពេញនឹងផ្តល់ជូនប្រជាពលរដ្ឋដែលមានលក្ខណៈសម្បត្តិទាំង៤គឺ អ្នកពាក់ព័ន្ធផ្ទាល់ជាមួយនឹងព្រឹត្តិការណ៍សហគមន៍ ២០កុម្ភៈ, អ្នកដែលបានទទួលការធ្វើតេស្ត ហើយលទ្ធផលអវិជ្ជមាន, អ្នកដែលធ្វើចត្តាឡីស័កនៅតាមផ្ទះ និងសណ្ឋាគារ និងអ្នកដែលមានជីវភាពខ្វះខាត៕