ដកចេញពីរដ្ឋមន្ត្រីប្រអប់តម្លើងជាទេសរដ្ឋមន្ត្រីត្រូវបាននាយករដ្ឋមន្ត្រីបែងចែកការការងារឲ្យ!
ភ្នំពេញ៖ បន្ទាប់ពីទទួលបានការគាំទ្រពីរដ្ឋសភានិងមហាក្សត្រសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី៣០ ខែមីនា ឆ្នាំ២០២០នេះ បានចេញសេចក្តីសម្រេចមួយ ដោយបែងចែកភារកិច្ចជូនទេសរដ្ឋមន្ត្រីថ្មីទាំង ៤រូបបន្ទាប់ពីដកចេញពីរដ្ឋមន្ត្រីប្រអប់។
ទេសរដ្ឋមន្ត្រីថ្មី៤រូបនោះ រួមមាន៖
*ទី១៖ លោកទេសរដ្ឋមន្ត្រី ហ៊ឹម ឆែម ទទួលបន្ទុកកិច្ចការអភិវឌ្ឍសហគមន៍ជនជាតិដើមភាគតិច និងការងារផ្សេងទៀត តាមការប្រគល់របស់នាយករដ្ឋមន្ត្រី
*ទី២៖ លោកទេសរដ្ឋមន្ត្រី អង្គ វង្សវឌ្ឍានា ទទួលបន្ទុកកិច្ចការអភិវឌ្ឍ និងលើកកម្ពស់យន្តការដោះស្រាយវិវាទក្រៅប្រព័ន្ធតុលាការ ជាអនុប្រធានទី១ នៃក្រុមប្រឹក្សាអ្នកច្បាប់ និងការងារផ្សេងទៀត តាមការប្រគល់របស់នាយករដ្ឋមន្ត្រី
*ទី៣៖ លោកទេសរដ្ឋមន្ត្រី ត្រាំ អ៉ីវតឹក ទទួលបន្ទុកកិច្ចការអភិវឌ្ឍ និងលើកកម្ពស់រដ្ឋាភិបាលឌីជីថល និងការងារផ្សេងទៀត តាមការប្រគល់របស់នាយករដ្ឋមន្ត្រី។*ទី៤៖ លោកទេសរដ្ឋមន្ត្រី ពេជ្រ ប៊ុនធិន ទទួលបន្ទុកកិច្ចការកសាងសមត្ថភាពមន្ត្រី នៅក្នុងរដ្ឋបាលសាធារណៈ ជាប្រធានគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ និងការងារផ្សេងទៀត តាមការប្រគល់របស់នាយករដ្ឋមន្ត្រី។
ទាក់ទងនិងការដូររដ្ឋមន្ត្រី៤ក្រសួងនេះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ថា ការផ្លាស់ប្តូររដ្ឋមន្ត្រីក្រសួងចំនួន៤ នាពេលនេះ គឺដោយសារតែរដ្ឋមន្ត្រីមុនៗមានវ័យកាន់តែចំណាស់ ដែលត្រូវការពេលវេលាសម្រាកច្រើន ខណៈដែលក្រសួងដែលផ្លាស់ប្តូររដ្ឋមន្ត្រីទាំង៤នេះ ត្រូវការរដ្ឋមន្ត្រីដែលសកម្ម។សម្តេចតេជោ ហ៊ុន សែន បានបញ្ជាក់យ៉ាងដូច្នេះថារដ្ឋមន្ត្រីដែលសម្តេចឧទ្ទេសនាម នាពេលនេះស្ថិតនៅក្រោម U90 និង U80។កិច្ចប្រជុំវិសាមញ នៃរដ្ឋសភានៅព្រឹកថ្ងៃទី៣០មិនាគឺ ដើម្បីបោះឆ្នោតផ្តល់សេចក្តីទុកចិត្តលើការតែងតាំង និងកែសម្រួលសមាសភាពរាជរដ្ឋាភិបាលរួមមាន៖
លោក កើត រិទ្ធ អតីតរដ្ឋលេខាធិការក្រសួងយុត្តិធម៌ ត្រូវបានរដ្ឋសភាបោះឆ្នោតគាំទ្រឱ្យធ្វើជារដ្ឋមន្ត្រីក្រសួងយុត្តិធម៌ ជំនួសលោក អង្គ វង្សវឌ្ឍានា, លោក ជា វ៉ាន់ដេត ជារដ្ឋមន្ត្រីក្រសួងប្រៃសណីយ៍ និងទូរគមនាគមន៍ ជំនួសលោក ត្រាំ អ៉ីវតឹក,។
លោក ឈិត សុខុន ជារដ្ឋមន្ត្រីក្រសួងធម្មការ និងសាសនា ជំនួសលោក ហ៊ឹម ឆែម, លោក ព្រំ សុខា ជារដ្ឋមន្ត្រីក្រសួងមុខងារសាធារណៈ ជំនួសលោក ពេជ្រ ប៊ុនធិន ខណៈដែល លោក ចម ប្រសិទ្ធ ជាទេសរដ្ឋមន្ត្រី និងជារដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដែលទើបត្រូវបានប្តូរឈ្មោះថ្មីពីក្រសួងឧស្សាហកម្ម និងសិប្បកម្មកន្លងមក។
សម្តេចបានបញ្ជាក់ថាកំណែទម្រង់រដ្ឋបាលសាធារណៈ កំណែទម្រង់ប្រព័ន្ធយុត្តិធម៌ កំណែទម្រង់ហិរញ្ញវត្ថុសាធារណៈ ជាកំណែទម្រង់មុតស្រួច។ សម្តេចក៏បានផ្តល់យោបល់ទៀតថា រដ្ឋមន្ត្រីក្រសួងទូរគមនាគមន៍ គឺត្រូវតែជារដ្ឋមន្ត្រីរហ័សរហួន និងគំនិតផ្តួចផ្តើមខ្ពស់។សម្តេចបន្តថា៖ «ការងារពេលខ្លះអត់តម្រូវការឱ្យមនុស្សដេកច្រើនទេ គឺតម្រូវឱ្យមនុស្សដេកតិច ប៉ុន្តែវ័យរបស់ពួកគាត់ ត្រូវតែស្ថិតនៅក្នុងមនុស្សដេកយូរ បើដូច្នោះប្រសិទ្ធភាពរបស់រដ្ឋ របស់ស្ថាប័នក៏មានកម្រិត ដូច្នោះហើយ បានជាយើងមានភាពចាំបាច់ដែលត្រូវធ្វើការកែទម្រង់ ហើយមុខព្រួញនៃការកែទម្រង់»។បើតាមការកត់សម្គាល់កន្លងមករដ្ឋមន្ត្រីវ័យចាស់ដែលដកចេញពីប្រអប់ទោះជាត្រូវតម្លើងក៏ដោយច្រើនតែនៅមិនបានយូទេ!។
