» ឆេះ​ហាង​លក់​គ្រឿង​រថយន្ត​នៅ​រង្វង់​មូល​ស្វាយ​អ​ន្ទ​រ​ចៅហ្វាយ​ខេ​ត្ព​ព្រៃវែង​និង​ស្នងការ​នគរបាល​ចុះ​ផ្ទាល់​ » ទស្សនកិច្ច លោកជំទាវ ផេ​ថង​ថា​ន ស៊ីណាវ៉ាត្រា​មេបក្ស​កាន់អំណាច​ថៃ​នៅ​កម្ពុជា បង្ហាញ​ពី​ការពង្រឹង​សាមគ្គីភាព​ » អាមេរិក​បារាំង​បាត់​សម្ពន្ធមិត្ត​ទៀត​មួយ​នៅ​ទ្វីបអាហ្វ្រិក​ដោយសា​រុស្ស៊ី​ » បុណ្យ​ទន្លេ​នៅ​ខេត្តសៀមរាប ទទួលបាន​ភ្ញៀវ​ទេសចរណ៍​ជាង ៥៥​ម៉ឺន​នាក់​សម្តេច​ធិបតី​ណែនាំ​ឲ្យ​យកចិត្តទុកដាក់​ទន្លេ » អ្នកនាំពាក្យ​៖ លោក​ផ្កាយ​២ ប៊​ន សំអាត ពាក់​ស្បែកជើង​មិន​ស្ថិតនៅក្នុង​វត្ត​ទេ​! » ការស្នើសុំ ការអនុគ្រោះ​ពី ឯកឧត្តម​អភិ​បណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ ជួយ​សម្រួល​ពិនិត្យ​សារធាតុ​ញៀន​របស់លោក​ឧ​ត្ត​ម​សេនីយ៍​ឯក យិន គារ ឡើងវិញ​លទ្ធផល​សូន្យ​!? » បន្ទាប់ពីគម្រាមបីទច្រកក្រុម​ប៉ូលីស​អន្តោប្រវេសន៍​និង​ទាហាន​ថៃ​ប្រហែល​៣០​នាក់​នាំគ្នា​សំរុកចូល​ក្នុង​បរិវេណ​អគារ​កាស៊ីណូ​រ៉ូយ៉ាល់​ហៀ​ល​នៅ​ច្រក​អូរ​ស្មាច់​បង្ក​ការភ្ញាក់ផ្អើល​ » អាជ្ញាធរ​ហ្វាំ​ង​ឡង់​នឹង​រឹបអូស​រថយន្ត​ដែលមាន​ស្លាក​លេខ​រុស្ស៊ី​! » អាជ្ញាធរ​ខ្មែរ​អត់​ហ៊ាន​ក្អក​ជាមួយ​ជនជាតិ​វៀតណាម​ដែល​ចូល​លួចរ​កមាស​នៅ​តំបន់​កន្ទុយ​នាគ​ » អតីត​អភិបាលក្រុង​ស្វាយរៀង​ដែលជាប់គុកព្រោះបាញ់កម្មករត្រូវបានតែងតាំង​តំណែង​ថ្មី​នៅ​ក្រសួងមហាផ្ទៃ​ » ចាប់បាន​ហើយ​បុរស​យក​សាំង​ចាក់​ដុត​ប្រពន្ធ ទាំង​រស់​ » ស្នងការ​សហភាព​អឺរ៉ុប​មក​ស្រុក​ខ្មែរ​យាយ​និង​ជួយ​អី​ខ្លះ​? » ករណី​យ៍​ឈ្មោះ ដួង អក្ខរា ឆបោក​ប្រាក់​យុវជន​កំពុង​រៀន​នៅ​អាមេរិក​មិន​ទុក​ឲ្យ​យប់​យូ​សុ​បិ​ន្ត​ច្រើន​តុល​ការចាត់ការ​តាម​សំណើរ​រដ្ឋមន្ត្រី​យុ​ត្តិ​ធ​មិ » រដ្ឋមន្ត្រី​ធនធានទឹក​ចុះ​ពិនិត្យ​ការដ្ឋាន​ប្រឡាយទឹក​ការពារ​លិច​ភ្នំពេញ​! » អ្នក​មេម៉ាយ​ថន​តារា​ភ្ជាប់ពាក្យ​ជាមួយកម្លោះចាស់​បណ្ឌិត​ឯកឧត្តម​ឃី​សុវណ្ណ​រតនា​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2722 នាក់

ម្សិលមិញ 6001 នាក់

សរុប 13875552 នាក់

មេបក្ស​ប្រឆាំង​រុស្ស៊ី​លោក​ណា​វ៉ា​លី​ត្រូវបាន​ចាប់ខ្លួន​ពេល​មកពី​ព្យាបាល​ខ្លួន​នៅ​អាល្លឺម៉ង់​


​ប្រទេស​រុស្ស៊ី​៖​សកម្មជន​ប្រឆាំង​រុស្ស៊ី​លោក​អា​ឡិច​សី​ណា​វ៉ា​លី​(AlexeiNavalny)​ត្រូវបាន​ចាប់ខ្លួន​ពេល​វិលត្រឡប់​ពី​ព្យាបាល​ខ្លួន​ប្រទេស​អាល្លឺម៉ង​វិញ​ជាមួយ​ប្រពន្ធ​របស់លោក​ឈ្មោះ យូ​លៀ​(Yulia) ដល់​អាកាសយានដ្ឋាន​ស្សេរី​ម៉េ​យ៉េ​វ៉ូ​( Sheremetyevo )​នាទី​ក្រុង​ម៉ូស្គូ​កាលពី​ថ្ងៃទី​១៧ ខែមករា​។ a navaly russy2 

ប្រភពព័ត៌មាន​ឲ្យ​ដឹងថា​មាន​ប៉ូលីស​៤​នាក់​បាន​តាមដាន​លោក​ណា​វ៉ា​លី​(Navalny)​ពេលដែល​លោក​កំពុង​បំពេញ​នីតិវិធី​អន្តោប្រវេសន៍​ទៅ​ប្រទេស​រុស្ស៊ី​។ ជើងហោះហើរ Navalny ពី​ទីក្រុង​ប៊ែ​រ​ឡាំង​ពីដំបូង​ត្រូវបាន​គេ​គ្រោង​នឹង​ចុះចត​នៅ​ព្រលានយន្តហោះ វ​នុ​កូ​វ៉ុ​(Vnukovo)​ដែលមាន​អ្នកគាំទ្រ​រាប់រយ​នាក់​កំពុង​រង់ចាំ​ស្វាគមន៍​លោក​។​តែ​ការហោះហើរ​ត្រូវបាន​បង្វែរ​ទៅ​អាកាសយានដ្ឋាន Sheremetyevo នៅ​នាទីចុងក្រោយ “​សម្រាប់​ហេតុផល​បច្ចេកទេស​” ?​។​

​មន្ត្រី​ពន្ធនាគារ​រុស្ស៊ី​បាន​និយាយថា​សកម្មជន​រូបនេះ​ត្រូវបាន​ចាប់ខ្លួន​ក្រោម​ការចោទប្រកាន់​ពីបទ​រំលោភ​លើ​ច្បាប់​ហើយនឹង​ត្រូវ​ឃុំខ្លួន​រហូតដល់​ការជំនុំជម្រះ​នៅ​ចុងខែ​នេះ​។​ការកាត់ក្តី​នេះ​នឹង​សំរេច​ថា​តើ​ត្រូវ​ប្តូរ​ការព្យួរទោស​របស់​លោក Navalny ឱ្យ​ជាប់ពន្ធនាគារ​រយៈពេល​៣.៥​ឆ្នាំ​ឬ​យ៉ាងណា​?​។ លោក​ក៏​កំពុង​ប្រឈមមុខ​នឹង​បញ្ហា​ដែល​ទាក់ទង​នឹង​ករណី​ព្រហ្មទណ្ឌ​ចំនួន​៣​ផ្សេងទៀត​។​លោក អុល​ហ្កា​មី​ខែ​ឡូ​វ៉ា​(Olga Mikhailova)​មេធាវី​របស់​ណា​វ៉ា​លី​បាន​និយាយថា​កូនក្តី​របស់លោក​ត្រូវបាន​ឃុំខ្លួន​ដោយ​គ្មាន​ហេតុផល​ហើយ​បាន​ចោទប្រកាន់​អ្វីដែល​កំពុង​កើតឡើង​គឺ​ខុសច្បាប់​។​

ការចាប់ខ្លួន​លោក Navalny​ដោយ​អាជ្ញាធរ​រុស្ស៊ី​ក៏​ទទួល​ការរិះគន់​ពី​សហរដ្ឋអាមេរិក​និង​បណ្តា​ប្រទេស​លោកខាងលិច​ភ្លាមៗ​ដែរ​។ ទីប្រឹក្សា​សន្តិសុខ​លោក​ចេក​ស៊ី​លី​វ៉ាន​( Jake Sullivan )​ក្នុង​រដ្ឋបាល​ប្រធានាធិបតី​អាមេរិក​ជាប់ឆ្នោត​ចូ​បៃ​ដឹ​ន​(Joe Biden) បានស្នើ​ឱ្យមាន​ការដោះលែង​លោក​ណា​វ៉ា​លី​ដោយ​ព្រមាន​ថា​នរណាម្នាក់​នឹងត្រូវ​ទទួលខុសត្រូវ​។​​ប្រធាន​ក្រុមប្រឹក្សា​អឺរ៉ុប​លោក Charles Michel បាន​រិះគន់​ការចាប់ខ្លួន​លោក Navalny ថា​ជាការ​មិនអាច​ទទួលយក​បាន​ខណៈ​ក្រសួងការបរទេស​បារាំង​បាន​និយាយថា​ការផ្លាស់ប្តូរ​នេះ​បង្ក​ការព្រួយបារម្ភ​យ៉ាងខ្លាំង​។​

អ្នកនាំពាក្យ​ក្រសួងការបរទេស​រុស្ស៊ី​លោកស្រី Maria Zakharova បាន​ឆ្លើយតប​នឹង​ការចោទប្រកាន់​នេះ​ដោយ​ស្នើ​ឲ្យ​មេដឹកនាំ​បរទេស​“ គោរព​ច្បាប់​អន្តរជាតិ​” និង​“ ដោះស្រាយ​កិច្ចការ​ក្នុងស្រុក​” ។​នៅពេល​ឡើង​ជិះ​យន្តហោះ​ត្រឡប់​ទៅ​ប្រទេស​រុស្ស៊ី​វិញ​លោក Navalny បាន​និយាយថា​លោក​ជឿជាក់ថា​លោក​នឹងមិន​ត្រូវបាន​ចាប់ខ្លួន​ឡើយ​។​សកម្មជន​ប្រឆាំង​រូបនេះ​បាន​និយាយថា “​នេះ​គឺជា​ពេលវេលា​ដ៏​ល្អ​បំផុត​ក្នុង​រយៈពេល​៥​ខែ​ចុងក្រោយ​សម្រាប់​ខ្ញុំ​។ ទីបំផុត​ខ្ញុំ​បានមក​ដល់ផ្ទះ​ហើយ​”​។​Navalny​អាយុ​៤៤​ឆ្នាំ​បាន​ធ្លាក់ខ្លួន​ឈឺ​យ៉ាងធ្ងន់ធ្ងរ​ដោយសារ​ការហោះហើរ​ពី​ស៊ី​បេ​រី​ទៅកាន់​ទីក្រុង​ម៉ូស្គូ​កាលពី​ខែសីហា​ឆ្នាំ​២០២០​និង​ត្រូវបាន​បញ្ជូនទៅ​មន្ទីរពេទ្យ​នៅ​ទីក្រុង​អូ​មើ​សរ​បស់​រុស្ស៊ី​មុនពេល​ត្រូវបាន​បញ្ជូនទៅ​ទីក្រុង​ប៊ែ​រ​ឡាំង​ប្រទេស​អាល្លឺម៉ង់​ដើម្បី​ព្យាបាល​។​

​អ្នកជំនាញ​នៅ​បណ្តា​ប្រទេស​លោកខាងលិច​បាន​សន្និដ្ឋាន​ថា​Navalny​ត្រូវបាន​បំពុល​ជាមួយ​ភ្នាក់ងារ​សរសៃប្រសាទ​សូ​វៀត​Novichok​។​ប៉ុន្តែ​ទីក្រុង​ម៉ូស្គូ​បដិសេធ​ម្តង​ហើយ​ម្តងទៀត​ចំពោះ​ការចោទប្រកាន់​នេះ​។ វិមាន​ក្រឹម​ឡាំង​ហៅ​លោក​Navalny​ថា​ជា​”​អ្នកជំងឺ​ប៊ែ​កឡាំង​”​បាន​និយាយថា​សកម្មភាព​ផ្លូវច្បាប់​លើ​រូបលោក​នឹងត្រូវ​បានកំណត់​ដោយ​ទីភ្នាក់ងារ​អនុវត្ត​ច្បាប់​ពាក់ព័ន្ធ​៕ (​ប្រភព​Reuters/ AFP)a navalY russy1