វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9800 នាក់
ម្សិលមិញ 8227 នាក់
សរុប 14136681 នាក់
បារាំង៖ឈ្មោះអាឡិចសង់ប៊ែណាឡា( Alexandre Benalla) ជាប្រធានរៀបចំក្រុមអង្គរក្សការពារសុវត្ថិភាពឲ្យលោក ប្រធានាធិបតីបារាំង អ៊ីម៉ាណូលអែល ម៉ាក្រុននឹងត្រូវកាត់ទោសពីបទវាយបង្ក្រាបក្រុមបាតុករកាលពីខែឧសភាឆ្នាំ២០១៨។
សូមបញ្ជាក់ថា៖កាលពីថ្ងៃទី១ខែឧសភាឆ្នាំ២០១៨ក្នុងទីវាពលកម្មអន្តរជាតិកន្លងទៅមានអ្នកតវ៉ាមួយក្រុមមានគ្នា១០០នាក់បានប្រមូលផ្តុំនៅកន្លែង ល្បីឈ្មោះមួយឈ្មោះ De La Contrescarpeសម្រាប់អ្នកទេសចរក្នុងទីក្រុងបារីស។ពេលតវ៉ានោះក៏មានហិង្សាផ្ទុះឡើងហើយសមត្ថកិច្ចបង្ក្រាបកុប្បកម្មបណ្តាលឲ្យអ្នកតវ៉ាមួយចំនួនរងរបួសធ្ងន់។
សិស្សសាលាម្នាក់អាយុ២១ឆ្នាំឈ្មោះតាហាប៊ូហាហ្វ( Taha Bouhafs )បានថតវីឌីអូ បង្ហាញរូបភាពបុរសម្នាក់ពាក់មួកនគរបាល មានសម្លៀកបំពាក់ជាជនស៊ីវិលទៅចាប់ទាញស្ត្រីម្នាក់ចេញពីកន្លែងតវ៉ាវាយដំជាន់នៅលើដី ហើយបានទៅទាញបុរសម្នាក់ទៀតវាយដំដូចគ្នាធ្វើឲ្យអ្នកទាំងពីររបួសធ្ងន់ហើយដាក់បង្ហោះលើបណ្តាញទំនាក់ទំនងសង្គម។ ក្រោយមកកាសែតល្បីឈ្មោះមួយរបស់បារាំង Le Monde បានស្រាវជ្រាវនិងផ្ទៀងផ្ទាត់បានឲ្យដឹងពីអត្តសញ្ញាណបុរសនោះថាឈ្មោះ អាឡិចសង់ប៊ែណាឡា( Alexandre Benalla) ជាប្រធានរៀបចំក្រុមអង្គរក្សការពារសុវត្ថិភាពឲ្យលោក ប្រធានាធិបតី អ៊ីម៉ាណូលអែល ម៉ាក្រុន។
មហាជននៅក្នុងប្រទេសបារាំងក្រោយពេលទទួលបានព័ត៌មានថា អ្នកវាយដំលើអ្នកតវ៉ាជាអង្គរក្សជំនិតរបស់លោក ម៉ាក្រុន ពួកគេសម្តែងការតក់ស្លុតហើយទាមទារឲ្យមានការស៊ើបអង្កេតនិងផ្តន្ទាទោសតាមច្បាប់។
កាលពីថ្ងៃព្រហស្បតិ៍ទី១៩កក្កដា ក្រសួងមហាផ្ទៃនិងស្ថាប័អយ្យការក៏ចាប់ផ្តើមបើកការស៊ើបអង្កេត។
ប្រធានាធិបតីបារាំងលោកអ៊ីម៉ាណូលអែល ម៉ាក្រុនចេញមុខប្រកាសថា អង្គរក្សរូបនេះ ទទួលការដាក់ទណ្ឌកម្មរួចហើយ និងបានព្យួរការងារទៀតផង។ ប៉ុន្តែ មិនបានធ្វើឲ្យសាធារណជនស្ងប់ចិត្តទេ។
លោកហ្សេរ៉ាដកូឡុម(Gerard Collomb )រដ្ឋមន្ត្រីក្រសួងមហាផ្ទៃបារាំងក៏បានដាក់បញ្ជាឲ្យបើកការស៊ើបអង្កេតផងដែរថា ហេតុអ្វីបានជានគរបាលផ្សេងៗទៀតនៅទីនោះបណ្តោយឲ្យអង្គរក្សរូបនោះវាយអ្នកតវ៉ារហូតដល់របួសធ្ងន់ធ្ងរ។
នាយករដ្ឋមន្ត្រី បារាំងលោកអេឌូអាតហ្វីលីព(Edouard Phillippe ) ថ្លែងថា សំឡេងរិះគន់លើករណីនេះកំពុងរាលដាលទូទាំងប្រទេស ហើយលោកចាត់ទុកថា រឿងនេះជារឿងដែលគួរឲ្យតក់ស្លុតបំផុត។
តាមស្ថានភាពនេះគេសន្និដ្ឋានថា លោកប្រធានាធិបតី ម៉ាក្រុន មិនត្រឹមតែមិនអាចជួយអ្វីបានដល់អង្គរក្សជំនិតរូបនេះទេ ថែមទាំងអាចនឹងត្រូវចេញមុខប្រកាសសុំទោសជាសាធារណៈទៀតព្រោះដល់ដំណាក់កាលនេះគឺអ្វីៗគ្រប់យ៉ាងត្រូវដំណើរការតាមច្បាប់ហើយ។