វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1400 នាក់
ម្សិលមិញ 4563 នាក់
សរុប 14168776 នាក់
ចិន៖នៅថ្ងៃអង្គារ ទី៧ ខែមីនា លោក ឈីន ហ្គាងរដ្ឋមន្ត្រីការបរទេសចិន បានលើកឡើង ថា សមាគមប្រជាជាតិអាស៊ីភូមិភាគអាគ្នេយ៍ឬហៅកាត់ថា (អាស៊ាន) គួរតែរក្សាជំហឱ្យច្បាស់ទៅលើគូប្រជែងមហាអំណាចណាមួយ រវាងប្រទេសធំៗ។ថ្លែងក្នុងកិច្ចប្រជុំសភាប្រចាំឆ្នាំនៅក្នុងទីក្រុងប៉េកាំងនោះ លោក ហ្គាងក៏បានលើកឡើងផងដែរថា អាស៊ានមិនអាចក្លាយទៅជាភ្នាក់ងាររបស់កម្លាំងខាងក្រៅណាមួយនោះឡើយ។
ការលើកឡើងរបស់លោករដ្ឋមន្ត្រីការបរទេសចិននេះ គឺជាការឆ្លើយតបទៅនឹងការលើកឡើងចំពោះបណ្តាញផ្សព្វផ្សាយមួយចំនួនដែលលើកឡើងថា ការប្រឈមមុខទៅនឹងកំណើនសេដ្ឋកិច្ចយឹតយ៉ាវរបស់ចិនអាចធ្វើឱ្យសម្រាលដល់សម្ពាធក្រុមប្រទេសនៅក្នុងតំបន់មួយចំនួន។លោករដ្ឋមន្ត្រីក្រសួងការបរទេសចិនបានលើកឡើងបន្តទៀតថា យុទ្ធសាស្ត្រឥណ្ឌូប៉ាស៊ីហ្វិក ដែលបង្កើតឡើងដោយសហរដ្ឋអាម៉េរិក គឺជាការប៉ុនប៉ងដើម្បីបង្កើតឱ្យមានផលប៉ះពាល់ដល់ផលប្រយោជន៍ក្រុមប្រទេសនៅក្នុងតំបន់។ លោកឈីន ហ្គាងបានគូសបញ្ជាក់បែបច្បាស់លាស់ទៀតថា ការប៉ុនប៉ងណាមួយដើម្បីឡោមព័ទ្ធចិន នោះគឺជារឿងបរាជ័យ។
តាមន័យនេះ លោករដ្ឋមន្ត្រីការបរទេសចិនបានសង្កត់ធ្ងន់ទៀតថា “វាគ្រាន់តែនាំទៅរកផលប៉ះពាល់ទៅលើនិម្មាបនកម្មសហប្រតិបត្តិការតំបន់ប្រកបដោយបរិយាប័ន្ន និងបើកចំហ នៃមជ្ឈមភាពអាស៊ានតែប៉ុណ្ណោះ។ មិនតែប៉ុណ្ណោះ វានឹងធ្វើឱ្យខូចដល់ផលប្រយោជន៍រយៈពេលវែង និងទូទៅនៅក្នុងចំណោមក្រុមប្រទេសស្ថិតនៅក្នុងតំបន់”។លោក ឈីន បានកត់សម្គាល់បន្តទៀតថា ក្រុមមេដឹកនាំនៃក្រុមប្រទេសនៅក្នុងតំបន់ទាំងឡាយ បានអះអាងថា អាស៊ាន មិនគួរក្លាយទៅជាសិទ្ធិប្រទានសម្រាប់ភាគីណាមួយ ហើយក៏គួរតែមានភាពច្បាស់លាស់ទៅលើគូប្រជែងមហាអំណាចណាមួយផងដែរ។លោករដ្ឋមន្ត្រីការបរទេសចិនរូបនេះ បានរំលេចបន្តទៀតថា ការអភិវឌ្ឍសកល គួរតែតំបន់អាស៊ីប៉ាស៊ីហ្វិកក្លាយទៅជាឆាកនៃសហប្រតិបត្តិការឈ្នះៗ ជាជាង ក្លាយទៅជាក្តារអុកសម្រាប់ការប្រកួតប្រជែងភូមិសាស្ត្រនយោបាយ។លោករដ្ឋមន្ត្រីការបរទេសដដែលរូបនេះបានលើកឡើងជាចុងក្រោយប្រាប់ដល់បណ្តាញផ្សព្វផ្សាយព័ត៌មានអន្តរជាតិទៀតថា សង្គ្រាមត្រជាក់់មិនអាចត្រូវគេបញ្ឆេះ ហើយវិបត្តិដូចជានៅក្នុងប្រទេសអ៊ុយក្រែន ក៏មិនអាចកើតមានឡើងជាន់ដាននៅក្នុងតំបន់អាស៊ីនេះឡើយ៕